February 21, 2019

ସଂସଦରେ ଶୀତ ଅଧିବେଶନ ଶେଷ ,ଜାନୁୟାରୀ ୨୯ରୁ ଆରମ୍ଭ ବଜେଟ୍ ଅଧିବେଶନ୍

ସଂସଦରେ ଶୀତକାଳୀନ ଅଧିବେଶନ ଶେଷ ,ଆରମ୍ଭ ହୋଇଛି ବଜେଟ୍ ଅଧିବେଶନ୍ । ଜାନୁୟାରୀ ୨୯ରୁ ବଜେଟ ଅଧିବେଶନ ଆରମ୍ଭ ହେବ ବୋଲି ସଂସଦୀୟ ବ୍ୟାପାର ମନ୍ତ୍ରୀ ଅନନ୍ତ କୁମାର କହିଛନ୍ତି ।

ଜାନୁୟାରୀ ୨୯ ତାରିଖରେ ସଂସଦକୁ ସମ୍ବୋଧିତ କରିବେ ରାଷ୍ଟ୍ରପତି । ଏହାପରେ ୩୦, ୩୧ ତାରିଖ ଛୁଟି ରହିବ ଓ ଫେବୃୟାରୀ ୧ ତାରିଖରେ ସଂସଦରେ ସାଧାରଣ ବଜେଟ ଉପସ୍ଥାପିତ ହେବ , କହିଛନ୍ତି ମନ୍ତ୍ରୀ ଅନନ୍ତ କୁମାର

ଲୋକସଭାରେ ମୋଟ ୧୨ଟି ବିଲ୍ ଗୃହୀତ ହୋଇଥିବା ବେଳେ ରାଜ୍ୟସଭାରେ ୯ଟି ବିଲ୍ ଗୃହୀତ ହୋଇଛି । ବାଚସ୍ପତି ସୁମିତ୍ରା ମହାଜନ ଆଜି ଅଧିବେଶନ ମୁଲତବୀ ଘୋଷଣା କରି କହିଥିଲେ ଯେ ୧୩ଟି କାର୍ୟ୍ୟ ଦିବସରେ ୬୧ ଘଣ୍ଟା ୪୮ ମିନିଟ୍ ଗୃହ କାର୍ୟ୍ୟ ହୋଇଛି ଏବଂ ପ୍ରାୟ ୧୫ ଘଣ୍ଟା ବିଶୃଙ୍ଖଳା ଯୋଗୁଁ ବରବାଦ ହୋଇଛି ।

ଅଧ୍ୟକ୍ଷ ଭେଙ୍କୟା ନାୟିଡ଼ୁ ସୂଚନା ଦେଇଛନ୍ତି ଯେ ,ରାଜ୍ୟ ସଭାରେ ୩୪ ଘଣ୍ଟା ହଙ୍ଗାମା ଯୋଗୁଁ ବରବାଦ ହୋଇଅଛି ।

ଗତ ମୌସୁମି ଅଧିବେଶନରେ ରାଜ୍ୟସଭାରେ ୭୨ ପ୍ରତିଶତ କାମ ହୋଇଥିବା ବେଳେ ଏଥର ମାତ୍ର ୫୪ ପ୍ରତିଶତ କାମ ହୋଇଛି । ମୌସୁମି ଅଧିବେଶନରେ ଉଭୟ ଗୃହରେ ୨୫ଟି ବିଲ୍ ଆଗତ ହୋଇଥିବା ବେଳେ ସେଥିରୁ ୯ଟି ହିଁ ଗୃହୀତ ହୋଇଥିଲା । ଶୀତ ଅଧିବେଶନରେ ମୁଖ୍ୟତଃ ତିନି ତଲାକ ବିଲକୁ ଗୁରୁତ୍ୱ ଦିଆଯାଇଥିବା ବେଳେ ଜାତୀୟ ମେଡିକାଲ କମିସନ ବିଲ୍ ମଧ୍ୟ ଆଗତ ହେବା ଗୁରୁତ୍ୱପୂର୍ଣ୍ଣ ଥିଲା ।

ଶୀତ ଅଧିବେଶନରେ ଓଡ଼ିଶା ପକ୍ଷରୁ ଉପସ୍ଥାପନ ହୋଇଥିବା ବିଭିନ୍ନ ପ୍ରସଙ୍ଗ ମଧ୍ୟରୁ କେବଳ ମହାନଦୀ ପ୍ରସଙ୍ଗରେ ହିଁ କେନ୍ଦ୍ର ସରକାର ଜବାବ ରଖିଥିଲେ । ମହାନଦୀ ଜଳବିବାଦ ପ୍ରସଙ୍ଗକୁ ନେଇ ବିଜେଡି ସଂସଦର ଭିତରେ ଓ ବାହାର ସ୍ୱର ଟାଣ କରିଥିଲା । ଗୃହରେ ମଧ୍ୟ ଏହି ପ୍ରସଙ୍ଗ ଜୋର୍ଦାର ଢଙ୍ଗରେ ଉଠିଥିଲା । ମହାନଦୀ ପ୍ରସଙ୍ଗରେ ବିଜେଡିର ମୁଲତବୀ ପ୍ରସ୍ତାବକୁ ଲୋକସଭା ଓ ରାଜ୍ୟସଭାରେ ଅଗ୍ରାହ୍ୟ କରାଯାଇଥିଲା ।

ଏବଂ  ତିନି ତଲାକ୍ ବିଲରେ ସଂଶୋଧନ ସହ ଉପସ୍ଥାପନ କରିବାକୁ ଲୋକସଭାରେ ବିଜେଡି ଦାବି କରିଥିବା ବେଳେ ବିଲର ଆଲୋଚନା ସମୟରେ ଏହାକୁ ସମର୍ଥନ ଜଣାଇଥିଲା।  ରାଜ୍ୟସଭାରେ ବିଲକୁ ସିଲେକ୍ଟ କମିଟିକୁ ପଠାଇବାକୁ ଦାବି କରିଥିଲା।

ପଢନ୍ତୁ ;

ଜମ୍ମୁ କାଶ୍ମୀର ର ବାରମୁଲାରେ ଆତଙ୍କବାଦୀ ଙ୍କ ଆକ୍ରମଣ, ୪ ପୋଲିସ ସହିଦ,୨ ଗୁରୁତର ଆହତ

Related posts

This website uses cookies to improve your experience. We'll assume you're ok with this, but you can opt-out if you wish. Accept Read More