News

ଆଜି ଆଦିବାସୀ ଜନନାୟକ ମହାବିପ୍ଲବୀ ବିର୍ସା ମୁଣ୍ଡା ଙ୍କ ପବିତ୍ର ଜନ୍ମଦିବସ

ଉନବିଂଶ ଶତାବ୍ଦର ପ୍ରମୁଖ ଆଦିବାସୀ ଜନନାୟକ ବିର୍ସା ମୁଣ୍ଡା । ଅନ୍ୟ ସ୍ଵାଧୀନତା ସଂଗ୍ରାମୀମାନଙ୍କ ମଧ୍ୟରେ ବୀର ବିର୍ସା ମୁଣ୍ଡାଙ୍କ ନାମ ମଧ୍ୟ ଭାରତୀୟ ଇତିହାରସରେ ସ୍ଵର୍ଣ୍ଣାକ୍ଷରରେ ଲିପିବଧ । ମୁଣ୍ଡା ସମ୍ପ୍ରଦାୟର ଲୋକଙ୍କ ପାଇଁ  ସେ ଜଣେ ଧର୍ମଗୁରୁ ଓ ବୀର ନାୟକ । ତାଙ୍କ ନେତୃତ୍ୱରେ ମୁଣ୍ଡା ଆଦିବାସୀମାନେ ଉନବିଂଶ ଶତାବ୍ଦୀର ଶେଷ ଭାଗରେ ମୁଣ୍ଡାଙ୍କ ମହାବିପ୍ଲବ ଉଲଗୁଲାନ ର ବହ୍ନି ଜାଳିଥିଲେ । ତାଙ୍କୁ ୨୫ ବର୍ଷ ହେବା ପୂର୍ବରୁ ହିଁ ଅନେକ ବିଶିଷ୍ଟ ସଫଳତା ହାସଲ କରିସାରିଥିଲେ । ବିର୍ସା ଙ୍କୁ ମୁଣ୍ଡା ସମାଜ ଭଗବାନଙ୍କ ରୂପରେ ପୂଜା କରିଥାଏ ।

ବୀର ବିର୍ସା ମୁଣ୍ଡା ୧୮୭୫ ନଭେମ୍ବର ୧୫ ତାରିଖରେ ଝାଡ଼ଖଣ୍ଡ ରାଜ୍ୟର ରାଞ୍ଚି ନିକଟସ୍ଥ ଉଲିହାଡ଼ୁରେ ଜନ୍ମ ଗ୍ରହଣ କରିଥିଲେ ।  ତାଙ୍କ ପିତାଙ୍କ ନାଁ ଥିଲା ସୁଗନା ମୁଣ୍ଡା ଓ ମାତାଙ୍କ ନାମ କରମୀ ହାଟୁ । ତାଙ୍କ ନାମ ମୁଣ୍ଡା ପ୍ରଥା ଅନୁସାରେ ରଖାଯାଇଥିଲା । ସାଲଗା ଗାଁରେ ପ୍ରାଥମିକ ଶିକ୍ଷା ପରେ ବିର୍ସା ଜର୍ମନ ମିଶନ ସ୍କୁଲରେ ଭର୍ତି ହୋଇଥିଲେ ଯେଉଁଥି ପାଇଁ ତାଙ୍କୁ ଇସାଇ ଧର୍ମ ଅବଲମ୍ବନ କରିବାକୁ ପଡିଥିଲା । ବିର୍ସା ମୁଣ୍ଡା ପାଲଟିଥିଲେ ବିର୍ସା ଦେବିଡ । କିଛି ବର୍ଷ ପଢିଲା ପାରେ ସେ ସ୍କୁଲ ଛାଡି ପ୍ରସିଦ୍ଧ ବୈଷ୍ଣବ ଭକ୍ତ ଆନନ୍ଦ ପାଣ୍ଡେଙ୍କ ସଂସ୍ପର୍ଶରେ ଆସିଥିଲେ । ଏହି ସମୟରେ ସେ ରାମାୟଣ , ମହାଭାରତ ଓ ଆହୁରି ଅନେକ ହିନ୍ଦୁ ଧର୍ମର ଗ୍ରନ୍ଥ ପଢିଥିଲେ । ସେ  ମାତ୍ର ସେ ସବୁବେଳେ ବ୍ରିଟିଶ ଶାସକମାନଙ୍କ ଦ୍ୱାରା ଗାଁର ଗରିବମାନଙ୍କ ଦୁର୍ଦ୍ଦଶା କଥା ଚିନ୍ତା କରୁଥିଲା ।

ବ୍ରିଟିଶ ଶାସନ ବିରୁଦ୍ଧରେ ତାଙ୍କ ହୃଦୟ ଭିତରୁ ସୃଷ୍ଟି ହୋଇଥିଲା ବିପ୍ଲବର ନିଆଁ । ୧ ଅକ୍ଟୋବର ୧୮୯୪ରେ ମୁଣ୍ଡାମାନଙ୍କୁ ଏକାଠି କରି ସେ ମହାବିପ୍ଳବର ଡାକରା ଦେଇଥିଲେ । ୧୮୯୫ରେ ତାଙ୍କୁ ଗିରଫ କରାଯାଇ ହଜାରୀବାଗ ଜେଲରେ ୨ ବର୍ଷ ଜେଲଦଣ୍ଡ ଦିଆଗଲା । ୧୮୯୭ରୁ ୧୯୦୦ ଯାଏ ତିନିବର୍ଷ କାଳ ବିର୍ସାଙ୍କ ଉଲଗୁଲାନ ବ୍ରିଟିଶ ଶାସକର ନିଦ ହଜାଇ ଦେଇଥିଲା । ୩ ଫେବୃୟାରୀ ୧୯୦୦ରେ ବିର୍ସାଙ୍କୁ ଅନ୍ୟ ୪୬୦ ଆଦିବାସୀମାନଙ୍କ ସହିତ ଗିରଫ କରି ନିଆଗଲା । ରାଞ୍ଚି ଜେଲରେ ବୀର ବିର୍ସାଙ୍କର ୯ ଜୁନ୍ ୧୯୦୦ରେ ରହସ୍ୟଜନକ ଭାବରେ ମୃତ୍ୟୁ ହୋଇଥିଲା ।

ଆଜି ଆଦିବାସୀ ଜନନାୟକ ମହାବିପ୍ଲବୀ ବିର୍ସା ମୁଣ୍ଡା ଙ୍କ ପବିତ୍ର ଜନ୍ମଦିବସ

ପଢନ୍ତୁ, ଦକ୍ଷିଣ ଓ ଉପକୂଳ ଓଡିଶାରେ ବର୍ଷା, ଘନୀଭୂତ ହେଉଛି ବଙ୍ଗୋପସାଗରରେ ସୃଷ୍ଟି ଲଘୁଚାପ

Related posts

ସହିଦ ଅଚ୍ୟୁତାନନ୍ଦଙ୍କୁ ସ୍ମରଣ କଲେ ମୋଦି,କହିଲେ କଂଗ୍ରେସ ପାଇଁ ମାଓବାଦୀ ହେଉଛନ୍ତି ବିପ୍ଳବୀ

ENO Beuro

ଓଡ଼ିଶାରେ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ

ENO Beuro

ଆଜି ଓଡିଶା ପହଞ୍ଚିବେ ଉପ-ରାଷ୍ଟ୍ରପତି ଭେଙ୍କୟା ନାଇଡୁ, ପୁଲିସ ପକ୍ଷରୁ ବ୍ୟାପକ ସୁରକ୍ଷା

ENO Beuro

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More