News

୫୨ଜଣ ଅମରନାଥ ଯାତ୍ରୀଙ୍କୁ ଆତଙ୍କବାଦୀଙ୍କ କବଳରୁ ରକ୍ଷା କରିଥିବା ଡ୍ରାଇଭରଙ୍କୁ ସାହସିକତା ପୁରସ୍କାର

ଗୁଜରାଟର ଡ୍ରାଇଭର୍‌ ସଲିମ ଗଫୁର ଶେଖ୍‌ଙ୍କୁ ବୁଧବାର ଦିନ ‘ଉତ୍ତମ ଜୀବନ ରକ୍ଷକ ପଦକ’ ଦିଆ ଯାଇ ସମ୍ମାନିତ କରାଯାଇଛି। ଏହା ହେଉଛି ବେସାମରିକ କ୍ଷେତ୍ରରେ ଦିଆଯାଉଥିବା ଦେଶର ଦ୍ୱିତୀୟ ସର୍ବୋଚ୍ଚ ସାହସିକତା ପୁରସ୍କାର। ଗତବର୍ଷ ଜୁଲାଇ ମାସରେ ତାଙ୍କ ବସ୍‌ରେ ଥିବା ୫୨ ଜଣ ଅମରନାଥ ଯାତ୍ରୀଙ୍କୁ ଉପସ୍ଥିତି ବୁଦ୍ଧି ଖଟାଇ ସେ ଆତଙ୍କବାଦୀଙ୍କ କବଳରୁ ରକ୍ଷା କରିଥିଲେ।

୨୦୧୭ ମସିହା ଜୁଲାଇ ୧୦ ତାରିଖ ସନ୍ଧ୍ୟାରେ ବସ୍‌ରେ ୬୦ ଜଣ ଯାତ୍ରୀଙ୍କୁ ନେଇ ଅମରନାଥରୁ ଫେରୁଥିବା ବେଳେ ଆତଙ୍କବାଦୀମାନେ ସେ ବସ୍‌ ଉପରକୁ  ଆକ୍ରମଣ କରିଥିଲେ। ଗୁଳି ଖାଇ ବସ୍‌ର ଟାୟାର ପଙ୍କଚର୍‌ ହୋଇଯାଇଥିଲେ ବି ଅନ୍ଧକାର ବିପଜ୍ଜନକ ପାହାଡ଼ିଆ ରାସ୍ତାରେ ଅତି ଦ୍ରୁତ ବେଗରେ ସେ ଦୁଇ କିଲୋମିଟର୍‌ ବାଟ ବସ୍‌ ଚଳାଇ ନେଇଥିଲେ।

ଶେଖ୍‌ ଗୋଟାଏ ସିକ୍ୟୁରିଟି ପୋଷ୍ଟ୍‍ ନିକଟରେ ବସ୍‌କୁ ପହଞ୍ଚାଇ ଅଟକି ଥିଲେ । ଅନନ୍ତନାଗର ବାତେନ୍‌ଗୁ ଠାରେ ହୋଇଥିବା ଏହି ଆତଙ୍କବାଦୀଙ୍କ ଆକ୍ରମଣ ଯୋଗୁଁ ଆଠ ଜଣ ଯାତ୍ରୀ ନିହତ ହୋଇଥିଲେ ଏବଂ ଅନ୍ୟ ସାତ ଜଣ ଆହତ ହୋଇଥିଲେ।ସାହସିକତା ପୁରସ୍କାର ପାଇବାକୁ ମନୋନୀତ ହୋଇଛନ୍ତି ବୋଲି ତାଙ୍କୁ କୁହାଯିବା ପରେ ସେ କହିଥିଲେ: ଯଦି ନିହତ ଆଠ ଯାତ୍ରୀଙ୍କର ଜୀବନ ରକ୍ଷା କରି ପାରିଥାଆନ୍ତି ମୁଁ ଆହୁରି ଖୁସି ହୋଇ ଥାଆନ୍ତି।

ରାଷ୍ଟ୍ରପତିଙ୍କ ଅନୁମୋଦନ କ୍ରମେ ୨୦୧୭ ମସିହା ପାଇଁ ଅପୂର୍ବ ସାହସିକତା ପ୍ରଦର୍ଶନ କରିଥିବା ଦେଶର ଅନ୍ୟ ୪୩ ଜଣଙ୍କ ମଧ୍ୟରେ ବାଲସଦ୍‌ବାସୀ ୩୭ ବର୍ଷିୟ ଶେଖ୍‌ ମଧ୍ୟ ଜନରାଜ୍ୟ ଦିବସର ଅବ୍ୟବହିତ ପୂର୍ବରୁ ‘ଜୀବନ ରକ୍ଷକ ପଦକ’ ସିରିଜ୍‌ ପାଇବାକୁ ମନୋନୀତ ହୋଇଥିଲେ। ସାହସିକତା ପୁରସ୍କାର ପାଇଁ ତାଙ୍କର ନାମ ସୁପାରିସ କରାଯିବ ବୋଲି ଗୁଜରାଟ ମୁଖ୍ୟମନ୍ତ୍ରୀ ବିଜୟ ରୁପାନି ଗତବର୍ଷ ଘୋଷଣା କରିଥିଲେ। ତିନୋଟି ପିଲାର ବାପା ଶେଖ୍‌ ସପରିବାର ବାଲସାଦର ଅବ୍ରାମାଠାରେ ବସବାସ କରନ୍ତି।

ଏଥର ୭ ଜଣ ମରଣୋତ୍ତର ‘ସର୍ବୋତ୍ତମ ଜୀବନ ରକ୍ଷା ପଦକ’, ୧୩ ଜଣ ଉତ୍ତମ ଜୀବନ ରକ୍ଷକ ପଦକ’ ଏବଂ ୨୪ ଜଣ ‘ଜୀବନ ରକ୍ଷକ ପଦକ’ ପାଉଛନ୍ତି। ‘ସର୍ବୋତ୍ତମ ଜୀବନ ରକ୍ଷା ପଦକ’ ପାଇଁ ଏକ ପ୍ରଶସ୍ତିପତ୍ର ସହ ୧ ଲକ୍ଷ ଟଙ୍କା, ‘ଉତ୍ତମ ଜୀବନ ରକ୍ଷା ପଦକ’ ବାବଦରେ ୬୦ ହଜାର ଟଙ୍କା ଓ ‘ଜୀବନ ରକ୍ଷା ପଦକ’ ପାଇଁ ୪୦ ହଜାର ଟଙ୍କାର ଆର୍ଥିକ ପୁରସ୍କାର ଦିଆ ଯାଇଥାଏ।

ପଢନ୍ତୁ ;

୬ ଫ୍ରେବୁଆରି ୨୦୧୮ ରେ ସବୁ ରାଶିକୁ ଏକ ସୁଯୋଗ ମିଳିବାକୁ ଯାଉଛି ,ଖୋଲିପାରେ ପ୍ରତ୍ୟେକ ରାଶିର ଭାଗ୍ୟ ! ଜାଣନ୍ତୁ

 

Related posts

୧୨ ଦିନରେ ବଢିଲାଣି ପେଟ୍ରୋଲ ଦର ୩ ଟଙ୍କା ୨୨ ପଇସା!

ENO Beuro

ମେ ପ୍ରଥମ ସପ୍ତାହରେ ପ୍ରକାଶ ପାଇବ ମାଟ୍ରିକ ପରୀକ୍ଷା ଫଳ: ବୋର୍ଡ ସମ୍ପାଦକ ରମାଶିଷ ବେହେରା

Ratnamani Moharana

‘ମଦରକପ୍’ ଅର୍ଚ୍ଚନା , ଡ୍ୟୁଟି ସହ କରିବାକୁ ପଡୁଛି ମା’ର କର୍ତ୍ତବ୍ୟ

ENO Beuro

Leave a Comment