SPORTS

ଆଇପିଏଲ ଅଧାରୁ ଅଧିନାୟକ ପଦ ଛାଡିଲେ ଗୌତମ ଗମ୍ଭୀର!

ଲ୍ଲୀ ଡେୟାର ଡେଭିଲ୍‌ସର ନୂଆ ଅଧିନାୟକ ଶ୍ରେୟସ ଆୟର

ଚଳିତ ଆଇପିଏଲ୍‌ରେ ଦୟନୀୟ ପ୍ରଦର୍ଶନ ପରେ ଦିଲ୍ଲୀ ଡେୟାର ଡେଭିଲ୍‌ସ ଅଧିନାୟକ ପଦରୁ ଗୌତମ ଗମ୍ଭୀର ଓହରିଯାଇଛନ୍ତି । ତାଙ୍କ ସ୍ଥାନରେ ଶ୍ରେୟସ ଆୟର ଦଳର ନୂଆ ଅଧିନାୟକ ଭାବେ ଦାୟିତ୍ୱ ଅର୍ପଣ କରାଯାଇଛି । ଦିଲ୍ଲୀର ଅସନ୍ତା ମ୍ୟାଚ ଶୁକ୍ରବାର କଲକାତା ନାଇଟରାଇଡର୍ସ ସହ ଅଛି ।ଏହି ମ୍ୟାଚ ପୂର୍ବରୁ ଗମ୍ଭୀର ଅଧିନାୟକ ପଦ ଛାଡିଦେଇଛନ୍ତି ।

ବୁଧବାର ଦିଲ୍ଲୀର ଫିରୋଜ ସାହା କୋଟ୍‌ଲା ଗ୍ରାଉଣ୍ଡରେ ନେଟ୍‌ସ ପୂର୍ବରୁ ଗମ୍ଭୀର ତାଙ୍କ ଇସ୍ତଫା ବିଷୟରେ ଘୋଷଣା କରିଥିଲେ । ଶୁକ୍ରବାର କୋଲ୍‌କାତା ନାଇଟ୍‌ ରାଇଡର୍ସ ବିପକ୍ଷ ମୁକାବିଲାରୁ ଶ୍ରେୟସ ଆୟର ଏହି ଦାୟିତ୍ୱ ସମ୍ଭାଳିବେ । ଧିନାୟକ ପଦ ଛାଡିବା ନେଇ ଗମ୍ଭୀର କହିଛନ୍ତି, ଏହା ତାଙ୍କର ବ୍ୟକ୍ତିଗତ ନିଷ୍ପତି । ଚଳିତ ଆଇପିଏଲରେ ଟିମ୍ ପାଇଁ ଅଧିନାୟକ ଭାବେ ତାଙ୍କର ଯୋଗଦାନ ଖାସ୍ ରହିନାହିଁ । ଏପରିକି ଏବେ ତାଙ୍କ ଦଳ ପଏଣ୍ଟ ତାଲିକାର ଶେଷରେ ରହିଛି । ତେଣୁ ଏଭଳି ନିଷ୍ପତି ନେଇଥିବା କହିଛନ୍ତି ଗମ୍ଭୀର ।

୨୦୧୮ ଆଇପିଏଲ ପାଇଁ କୋଲକାତା ଛାଡି ପୁଣିଥରେ ହୋମ ଟିମକୁ କମବ୍ୟାକ କରିଥିଲେ ଦୁଇଥରର ଚାମ୍ପିୟନ କ୍ୟାପଟେନ । ଏପରିକି ପୂର୍ବ ଦଳକୁ ସମ୍ପୂର୍ଣ୍ଣ ଭାବେ ପରିବର୍ତ୍ତନ କରାଯାଇଥିଲା । ଅଧିନାୟକ ଭାବେ ଗୌତମ ଗମ୍ଭୀରଙ୍କୁ ନୂଆ ଦାୟିତ୍ୱ ମିଳିଥିଲା । ଗୌତମଙ୍କ ନେତୃତ୍ୱରେ ଦଳ ଦମଦାର ପ୍ରଦର୍ଶନ କରିବାକୁ ଆଶା ରଖିଥିଲା କିନ୍ତୁ ଚଳିତ ଆଇପିଏଲର ୬ଟି ମ୍ୟାଚରୁ ୫ମ ପରାଜୟ ସହ ପଏଣ୍ଟ ତାଲିକାର ଶେଷ ସ୍ଥାନରେ ରହିଛି ଦଳ । ଏପରିକି ଖୋଦ ଅଧିନାୟକ ଗୌତମ ଗମ୍ଭୀରଙ୍କ ପ୍ରଦର୍ଶନ ମଧ୍ୟ ଉତ୍ସାହଜନକ ରହିନାହିଁ । ୬ଟି ମ୍ୟାଚରୁ ମାତ୍ର ୮୫ ରନ ସଂଗ୍ରହ କରିଛନ୍ତି ଏହି ବାମହାତୀ ବ୍ୟାଟସମ୍ୟାନ ।

ପଢନ୍ତୁ ;

ଧୋନୀ-ରାୟଡୁଙ୍କ ବିସ୍ଫୋରକ ବ୍ୟାଟିଂ, ଛକା ମାରି ଜିତାଇଲେ ଧୋନୀ

Related posts

ଇତିହାସ ରଚିଲେ ରୋଜର ଫେଡେରର : ଅଷ୍ଟ୍ରେଲିଆନ ଓପନ

ENO Beuro

ପତ୍ନୀଙ୍କ ସହ ବିବାଦ ପରେ ମୋହମ୍ମଦ ଶାମିଙ୍କୁ ଆଉ ଏକ ଝଟକା

ENO Beuro

ନିଦାହାସ ଟ୍ରଫି : ଆଜି ବାଂଲାଦେଶକୁ ଭେଟିବ ଭାରତ

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More