Entertainment

ବିଜୟ ମାଲ୍ୟାଙ୍କ ଉପରେ ହେବ ସିନେମା ‘ରଙ୍ଗିଲା ରାଜା’ !

ଲିଡ୍‌ ରୋଲ୍‌ରେ ନଜର ଆସିବେ ଗୋବିନ୍ଦା

ଦୀର୍ଘଦିନ ପରେ ପୁଣି ବଡ଼ ପରଦାରେ ନଜର ଆସିବେ ଗୋବିନ୍ଦା । ଏକ ଦମଦାର ରୋଲ ସହ ଖୁବଶୀଘ୍ର ଫେରିବେ ଗୋବିନ୍ଦା । ବିଭିନ୍ନ ଘୋଟାଲାରେ ପଳାତକ ଘୋଷିତ ମଦ ସମ୍ରାଟ ବିଜୟ ମାଲ୍ୟାଙ୍କୁ ନେଇ ନିର୍ମାଣ ହେଉଛି ଫିଲ୍ମ । ସିନେମାର ନାଁ  ରହିଛି  ‘ରଙ୍ଗିଲା ରାଜା’। ଏଥିରେ ଲିଡ୍‌ ରୋଲ୍‌ରେ ଆସିବେ ଗୋବିନ୍ଦା ।

ଏହି ଫିଲ୍ମରେ ନିର୍ଦ୍ଦେଶନା ଦେଉଛନ୍ତି ପହଲାଜ ନିହଲାନୀ । ସିନେମାକୁ ନେଇ ଦର୍ଶକେ ଯେତିକି ଉତ୍ସାହିତ ନିର୍ମାତା ନିର୍ଦ୍ଦେଶକ ମଧ୍ୟ ସେତିକି ଆଶାବାଦୀ ।ପଳାତକ ମାଲ୍ୟାଙ୍କ ଦୁର୍ନୀତି ଓ ରୋମାନ୍ସ, ପରଦାରେ ଦର୍ଶକ ଦେଖିବାକୁ ପାଇବେ । ସିନେମାଟି ପଳାତକ ବ୍ୟବସାୟୀ ବିଜୟ ମାଲ୍ୟା ଓ ତାଙ୍କ କିଙ୍ଗଫିସ୍‌ର କ୍ୟାଲେଣ୍ଡରୁ ପ୍ରେରିତ ହୋଇ ନିର୍ମାଣ କରାଯାଉଥିବା ପହଲାଜ କହିଛନ୍ତି। ତେବେ ଏଥିରେ ଗୋବିନ୍ଦାଙ୍କ ଚରିତ୍ର କିପରି ରହିବ ତାହା କହିବାକୁ ସେ ମନା କରିଦେଇଛନ୍ତି ।

ଫିଲ୍ମର ନିର୍ମାଣ କାର୍ଯ୍ୟ ଦ୍ରୁତ ଗତିରେ ଚାଲିଥିବା ବେଳେ ଗତ ସପ୍ତାହରେ ଏହାର ଏକ ଗୀତ ଶୁଟିଂ ସରିଛି। ଫିଲ୍ମରେ କିଙ୍ଗ ଫିସର କ୍ୟାଲେଣ୍ଡର ଓ ଏୟାରଲାଇନ୍ସକୁ ସ୍ଥାନ ଦିଆଯାଇଥିବା ଶୁଣିବାକୁ ମିଳୁଛି। ଦୀର୍ଘ ୩୫ ବର୍ଷ ପରେ ଗୋବିନ୍ଦା ପୁଣି ଥରେ ପହଲାଜ ନିହଲାନୀଙ୍କ ସହ କାମ କରୁଛନ୍ତି ।  ‘ରଙ୍ଗିଲା ରାଜା’ ଆସନ୍ତା ଅଗଷ୍ଟରେ ରିଲିଜ୍‌ ହେବାର ଯୋଜନା ରହିଥିବା କହିଛନ୍ତି ନିର୍ଦ୍ଦେଶକ ।

ପଢନ୍ତୁ ; ପିଲାଚୋର ଗୁଜବକୁ ନେଇ ଭିଡିଓ ଭାଇରାଲ କଲେ ମିଳିବ ଜେଲ୍‌ ଦଣ୍ଡ !

Related posts

ପାକିସ୍ତାନରେ ବ୍ୟାନ ହେଲା ‘ପରୀ’ , ଅନୁଷ୍କାଙ୍କ ଅଭିନୟକୁ ବିରାଟଙ୍କ ପ୍ରଶଂସା

ENO Beuro

ବଲିଉଡରେ ପାଦ ଦେଇଛନ୍ତି ମାଲୟାଲମ୍‌ ଅଭିନେତ୍ରୀ ପ୍ରିୟା ପ୍ରକାଶ ୱାରିୟର

ENO Beuro

ସୋସିଆଲ ମିଡିଆରେ ହଇଚଇ ସୃଷ୍ଟି କଲା ଏହି ଭିଡିଓ

ENO Beuro

Leave a Comment