News

ଅକ୍ଟୋବର ୨ରେ ମୁକୁଳିବେ ବୟସ୍କ ବନ୍ଦୀ

jail

ନାମ ଚୁଡାନ୍ତ କରିବେ ଉଚ୍ଚସ୍ତରୀୟ କମିଟି

କେନ୍ଦ୍ରର ନିଷ୍ପତି ପରେ ରାଜ୍ୟ ଗଢିଲା ୩ ଜଣିଆ କମିଟି

ଅକ୍ଟୋବର ୨ରେ ଜେଲରୁ ମୁକୁଳିବେ ଦୀର୍ଘଦିନରୁ ଜେଲ ଦଣ୍ଡ ଭୋଗୁଥିବା ବୟସ୍କ ବନ୍ଦୀ। ରାଜ୍ୟ ସରକାରଙ୍କ ଏକ ଉଚ୍ଚସ୍ତରୀୟ କମିଟି ଏ ସଂକ୍ରାନ୍ତରେ ନିଷ୍ପତ୍ତି ଗ୍ରହଣ କରିଛି। ସମସ୍ତ ପ୍ରକ୍ରିୟା ଶେଷ ହୋଇଥିବା ବେଳେ ଜେଲ୍‌ ବିଭାଗକୁ ଗୃହ ବିଭାଗ ପକ୍ଷରୁ ଗତ ୨୯ ତାରିଖରେ ଚିଠି ମାଧ୍ୟମରେ ଅବଗତ କରାଯାଇଛି। ଦୀର୍ଘ ବର୍ଷ ପରେ କେନ୍ଦ୍ର ସରକାରଙ୍କ ଏ ପ୍ରକାର ଆଭିମୁଖ୍ୟ ବନ୍ଦୀ ଜୀବନ କାଟୁଥିବା କଏଦୀଙ୍କ ମନରେ ନୂଆ ଆଶା ସଂଚାର ସୃଷ୍ଟି କରିପାରିଛି।

ରାଜ୍ୟରେ ମୋଟ ୯୧ଟି ଜେଲ୍‌ରେ ୧୫ ହଜାର ୯୬୫ ବନ୍ଦୀଙ୍କ ମଧ୍ୟରୁ ୩୩୮୧ ଜଣ ଦୋଷୀ ସାବ୍ୟସ୍ତ ହୋଇ ବନ୍ଦୀ ଜୀବନ କାଟୁଛନ୍ତି। ରାଜ୍ୟରେ ୫ଟି କେନ୍ଦ୍ରୀୟ ଜେଲରେ ୧୨୧୫ ବନ୍ଦୀ, ୯ଟି ଜିଲ୍ଲା ଜେଲ୍‌ରେ ୯୫୯ ଜଣ, ୭୩ଟି ସବ୍‌-ଜେଲ୍‌ରେ ୮୭୦ ଜଣ, ଗୋଟିଏ ମହିଳା ଜେଲ୍‌ରେ ୧୫ ଜଣ, ଗୋଟିଏ ମୁକ୍ତାକାଶ କାରାଗାରରେ ୧୦୩ ଜଣ ଏବଂ ୨ଟି ସ୍ୱତନ୍ତ୍ର କାରାଗାରରେ ୨୧୯ ଦୋଷୀ ସାବ୍ୟସ୍ତ ହୋଇ ବନ୍ଦୀ ଜୀବନ କାଟୁଛନ୍ତି।

jail

ମୁକୁଳିବାକୁ ଥିବା ବନ୍ଦୀଙ୍କ ପାଇଁ ନିର୍ଦ୍ଦିଷ୍ଟ ସର୍ତ୍ତାବଳୀ ରଖାଯାଇଛି। ପୁରୁଷ ବନ୍ଦୀଙ୍କ ବୟସ ୬୫ ବର୍ଷ ହୋଇଥିବ। ସମ୍ପୃକ୍ତ ବନ୍ଦୀ ଦୋଷୀ ସାବ୍ୟସ୍ତ ହେବା ପରେ ମୋଟ ଜେଲ୍‌ ଦଣ୍ଡ ୬୬ ପ୍ରତିଶତ କାଟି ସାରିଥିବେ। ମହିଳାଙ୍କ କ୍ଷେତ୍ରରେ ୫୫ ପ୍ରତିଶତ ଜେଲ୍‌ ଦଣ୍ଡ ଭୋଗିଥିବେ। ଅନ୍ୟପଟେ ଯେଉଁ ବନ୍ଦୀ ଜଣକ ୬୦ ପ୍ରତିଶତ ଭିନ୍ନକ୍ଷମ ହୋଇଥିବେ, ସେମାନଙ୍କୁ ମଧ୍ୟ ବିଚାରକୁ ନିଆଯିବ। କିନ୍ତୁ ୩୦୨ ହତ୍ୟା ଦଫା, ୩୯୫ ଡକାୟତି ଦଫା, ୩୭୫ ଦୁଷ୍କର୍ମ ଦଫା ଏବଂ ବ୍ରାଉନ୍‌ସୁଗାର, ଗଞ୍ଜେଇ ଓ ଅଫିମ ଭଳି ମାଦକ ଦ୍ରବ୍ୟ ଚାଲାଣ କରି ଏନ୍‌ଡିପିଏସ୍‌ ଆକ୍ଟରେ ଗିରଫ ହୋଇ ଦୋଷୀ ସାବ୍ୟସ୍ତ ବନ୍ଦୀଙ୍କୁ ବିଚାରକୁ ନିଆଯିବ ନାହିଁ।

ଯେଉଁମାନଙ୍କ ବିରୋଧରେ କୋର୍ଟ ଆଜୀବନ କାରାଦଣ୍ଡ ଶୁଣାଣି କରିଥିବେ, ସେମାନଙ୍କୁ ମଧ୍ୟ ଚୟନ ତାଲିକାରେ ଅନ୍ତର୍ଭୁକ୍ତ କରାଯିବ ନାହିଁ। ଏବେ କଟକର  ଚୌଦର ସର୍କଲ ଜେଲ୍‌ରେ ମୋଟ ବନ୍ଦୀଙ୍କ ସଂଖ୍ୟା ୧୧୩୭ । ଖଲାସ ହେବାକୁ ଥିବା ୧୭ ଜଣିଆ ତାଲିକାରେ ଚୌଦ୍ୱାରରୁ ୩ ଜଣ ବନ୍ଦୀଙ୍କ ନାମ ରହିଛି।

ପଢନ୍ତୁ;ପ୍ରିୟା ପ୍ରକାଶ ବିରୋଧରେ ମାମଲା ରଦ୍ଦ କଲେ ସୁପ୍ରିମକୋର୍ଟ

Related posts

ରାଜଧାନୀ ଆସୁଛନ୍ତିକି! ସାବଧାନ୍ ଭୁବନେଶ୍ଵର ରାସ୍ତାରେ ଅପେକ୍ଷା କରିଛି ମୃତ୍ୟୁ

Ratnamani Moharana

କୋର୍ଟରେ ବିଚାରପତିମାନଙ୍କୁ ସମ୍ବୋଧନ ହେବନି ‘ମାଇ ଲର୍ଡ’ କିମ୍ବା ‘ୟୋର ଲର୍ଡ ସିପ’

Ratnamani Moharana

ହୀରାକୁଦ ଜଳଭଣ୍ଡାରର ସମସ୍ତ ଗେଟ ବନ୍ଦ,ଜଳସ୍ତର ୬୧୦.୨୭ ଫୁଟ୍‌

ENO Beuro

Leave a Comment