LIFESTYLE

ମସଲା ଭାବରେ ନିତ୍ୟ ବ୍ୟବହୃତ ଡାଲଚିନି ର ଅନେକ ଔଷଧିୟ ଗୁଣ ବିଷୟରେ ଆସନ୍ତୁ ଜାଣିବା

ମସଲା ଭାବରେ ନିତ୍ୟ ବ୍ୟବହୃତ ଡାଲଚିନି ର ଅନେକ ଔଷଧିୟ ଗୁଣ ବିଷୟରେ ଆସନ୍ତୁ ଜାଣିବା

ପ୍ରାୟତଃ ଡାଲଚିନିକୁ ରୋଷେଇଘରେ ଏକ ଗୁରୁତ୍ୱପୂର୍ଣ୍ଣ ମସଲା ରୂପେ ବ୍ୟବହାର କରାଯାଏ । କିନ୍ତୁ ଏହା ଛଡା ମଧ୍ୟ ଡାଲଚିନି ର ଅନେକ ଔଷଧୀୟ ଗୁଣ ରହିଛି ଯାହା ଶରୀରକୁ ରୋଗମୁକ୍ତ ସହ ସୁସ୍ଥ ଓ ନିରାମୟ ଜୀବନ ଯାପନ ବିତାଇବାରେ ସହାୟକ ହୋଇଥାଏ ।

ଚର୍ମ ଜନିତ ସମସ୍ୟା

ତ୍ୱଚା କିମ୍ବା ଚର୍ମ ଜନିତ ସମସ୍ୟା ଥିଲେ ଆପଣ ଏହାକୁ ବ୍ୟବହାର କରିପାରିବେ । ତ୍ୱଚାରେ ଜଳା ପୋଡା ସମସ୍ୟା ଦେଖାଦେଲେ ଡାଲଚିନି ଗୁଣ୍ଡ ସହ ମହୁର ପରିମାଣ ସମାନ ମାତ୍ରାରେ ମିଶାଇ ତାର ପେଷ୍ଟ ପ୍ରସ୍ତୁତ କରି ଲଗାଇବା ଦ୍ୱାରା ଏଥିରୁ ଉପଶମ ମିଳିଥାଏ । ଡାଲଚିନି ଗୁଣ୍ଡରେ ସାମାନ୍ୟ ଲେମ୍ବୁ ରସ ମିଶାଇ ମୁହଁରେ ଲଗାଇବା ଦ୍ୱାରା ତ୍ୱଚା ଜନିତ ସମସ୍ୟା ଦୂର ହୋଇଥାଏ ।

ଥଣ୍ଡା ଜ୍ୱର

ଥଣ୍ଡା ଜ୍ୱର ହୋଇଥିଲେ ଏକ ଚାମଚ ମହୁ ସହ କିଛି ମାତ୍ରାରେ ଡାଲଚିନି ଗୁଣ୍ଡ ମିଶାଇ ସକାଳ ଓ ସଂନ୍ଧ୍ୟାରେ ସେବନ କରିବା ଦ୍ୱାରା ଏଥିରୁ ମୁକ୍ତି ମିଳିଥାଏ । ଏହାଛଡା ହାଲକା ଗରମ ପାଣିରେ ଏକ ଚାମଚ ଡାଲଚିନି ଗୁଣ୍ଡ ଓ ଗୋଟେ ଚୁଟକି ଗୋଲମରିଚ ଗୁଣ୍ଡ ଏବଂ ମହୁ ମିଶାଇ ପିଇବା ଦ୍ୱାରା ଏହି ସମସ୍ୟାରୁ ରକ୍ଷା ମିଳିଥାଏ ।

ପେଟ ଜନିତ ସମସ୍ୟା

ବଦହଜମ ଭଳି ସମସ୍ୟା ହେଉଥିଲେ ଡାଲଚିନିର ବ୍ୟବହାର କରିପାରିବେ । ଗୋଟେ ଚାମଚ ମହୁ ସହିତ କିଛି ପରିମାଣରେ ଡାଲଚିନିର ଗୁଣ୍ଡ ମିଶାଇ ସେବନ କରିବା ଦ୍ୱାରା ବାନ୍ତି ତଥା ଗ୍ୟାସ ଭଳି ସମସ୍ୟାରୁ ମଧ୍ୟ ମୁକ୍ତି ପାଇପାରିବେ ।

ଆଣ୍ଠୁ ଗଣ୍ଠି ଯନ୍ତ୍ରଣା

ସାଧାରଣତଃ ଆଣ୍ଠୁ ଗଣ୍ଠିରେ ଯନ୍ତ୍ରଣା ଅନୁଭବ କରୁଥିଲେ ଆପଣ ସାମାନ୍ୟ ଗରମ ପାଣିରେ ଡାଲଚିନିର ଗୁଣ୍ଡ ଓ ଟିକେ ମହୁକୁ ମିଶାଇ ଯନ୍ତ୍ରଣା ହେଉଥିବା ସ୍ଥାନରେ ମାଲିସ କରି୍ବା ଦ୍ୱାରା ଫାଇଦା ମିଳିଥାଏ । ଗୋଟେ କପ ଉଷୁମ ପାଣିରେ ଗୋଟେ ଚାମଚ ମହୁ ଏବଂ ଅଧା ଚାମଚ ଡାଲଚିନି ଗୁଣ୍ଡ ମିଶାଇ ସେବନ କରିବା ଦ୍ୱାରା ଏହି ସମସ୍ୟା ମଧ୍ୟ ଦୂର ହୋଇଥାଏ ।

ମୁଖ ଜନିତ ସମସ୍ୟା

ମୁଖ ଜନିତ କୌଣସି ସମସ୍ୟା ଥିଲେ ଏହା ଏକ ଉତ୍ତମ ଔଷଧ ରୂପେ କାର୍ଯ୍ୟ କରେ । ପାଟିରେ ଘା ହେବା, ଦୁର୍ଗନ୍ଧ, ଦାନ୍ତ ବିନ୍ଧା ଆଦି ସମସ୍ୟାରୁ ମୁକ୍ତି ମିଳେ । ଅଳ୍ପ ଉଷୁମ ପାଣିରେ ଡାଲଚିନିର ଗୁଣ୍ଡ ମିଶାଇ କୁଳି କଲେ ଏହିସବୁ ଯନ୍ତ୍ରଣାରୁ ଉପସମ ମିଳେ ।

ମୋଟାପଣ ଦୂର

ମୋଟାପଣ ଦୂର କରିଥାଏ ଡାଲଚିନି । ତେବେ ଚାରେ ଏକ ଚାମଚ ଡାଲଚିନିର ଗୁଣ୍ଡ ମିଶାଇ ପିଇବା ଦ୍ୱାରା ଏହି ସମସ୍ୟା ଦୂର ହୋଇଥାଏ ।

ମସଲା ଭାବରେ ନିତ୍ୟ ବ୍ୟବହୃତ ଡାଲଚିନି ର ଅନେକ ଔଷଧିୟ ଗୁଣ ବିଷୟରେ ଆସନ୍ତୁ ଜାଣିବା

ଓଡିଆ ସିନେମା ମୁଁ ଖାଣ୍ଟି ଓଡିଆ ଝିଅ ଓ ଭୈରବ

Related posts

ଗରୁଡ଼ ପୁରାଣ ଅନୁସାରେ ଆପଣଙ୍କ ସାମ୍ନାରେ ଥିବା ବ୍ୟକ୍ତି ଆପଣଙ୍କୁ ସତ କହୁଛି କି ମିଛ କହୁଛି କିପରି ଜାଣିବେ?

ENO Beuro

କମ୍ପିଟେଟିଭ ପରୀକ୍ଷା ଦେଉଛନ୍ତି କି? ଜାଣନ୍ତୁ ଏଥିପାଇଁ କେମିତି ପ୍ରସ୍ତୁତ ହେବେ

ENO Beuro

ଅନେକ ରୋଗକୁ ନିୟନ୍ତ୍ରଣ କରିବାରେ ସହାୟତ କରିଥାଏ ଗ୍ରୀନମଟର ;ଆସନ୍ତୁ ଜାଣିବା, ଏଥିରେ ରହିଥିବା କେତେକ ଉପକାରୀତା ସମ୍ବନ୍ଧରେ

ENO Beuro

1 comment

Leave a Comment