LIFESTYLE

ପ୍ରତେକ ହିନ୍ଦୁ ଘରର ଅଗଣାରେ ପୂଜା ପାଉଥିବା ତୁଳସୀର ଔଷଧିୟ ଗୁଣ ସଂପର୍କରେ ଜାଣନ୍ତୁ

ପ୍ରତେକ ହିନ୍ଦୁ ଘରର ଅଗଣାରେ ପୂଜା ପାଉଥିବା ତୁଳସୀକୁ ସବୁଠାରୁ ପବିତ୍ର ବୋଲି ବିବେଚନା କରାଯାଇଥାଏ । କିନ୍ତୁ ଆପଣମାନେ ଜାଣିଛନ୍ତି କି ଏହି ପବିତ୍ର ବୃକ୍ଷ କେତେ ଦରକାରୀ ଓ ତୁଳସୀ ର ଔଷଧିୟ ଗୁଣ ବିଷୟରେ ? ତୁଳସୀ ଏଭଳି ଏକ ବନସ୍ପତି ଅଟେ ଯାହା ହିନ୍ଦୁ ସଂପ୍ରଦାୟରେ ବହୁତ ମହତ୍ୱପୂର୍ଣ୍ଣ ଔଷଧ ରୂପରେ ପ୍ରୟୋଗ କରାଯାଇଥାଏ ।

ଆସନ୍ତୁ ଜାଣିବା ତୁଳସୀର ଔଷଧିୟ ଗୁଣ ସଂପର୍କରେ:

• ୫-୬ ତୁଳସୀ ପତ୍ର ସହ ୨-୩ ଟି ଗୋଲମରୀଚ ମିଶାଇ ଖାଲି ପେଟରେ ଖାଇଲେ ଥଣ୍ଡା, କଫ ଆଦିରୁ ମୁକ୍ତି ମିଳିଥାଏ ।

• ଖାଲିପେଟରେ କିଛି ତୁଳସୀପତ୍ର କୁ ଗୋଟେ ଗ୍ଲାସ ପଣି ସହ କିମ୍ବା ଖାଲି ଚୋବାଇ ଖାଇଲେ ଅର୍ଶ ଭଳି କଠିନ ସମସ୍ୟାରୁ ମୁକ୍ତି ମିଳିଥାଏ ।

• ତୁଳସୀ ପତ୍ରର ରସକୁ କୁଣ୍ଡେଇ ହେଉଥିବା ସ୍ଥାନରେ ଲଗାଇଲେ ଆରମ ମିଳିଥାଏ ।

• ତୁଳସୀପତ୍ର ର କଅଁଳିଆ ଫୁଲକୁ ଚୋବାଇ କିଛିଦିନ ଖାଇଲେ ଟନଶୀଲ ଭଳି ସମସ୍ୟାରୁ ଉପସମ ମିଳିଥାଏ ।

•  ଲିଭର ସମ୍ବନ୍ଧୀୟ ସମସ୍ୟାରୁ ରକ୍ଷା ପାଇବା ପାଇଁ ତୁଳସୀକୁ ବ୍ୟବହାର କରି ପାରିବେ । ଏଥିପାଇଁ ପ୍ରତିଦିନ ସକାଳୁ ଉଠି ଖାଲି ପେଟରେ ପାଖାପାଖି ୧୦-୧୨ଟି ତୁଳସୀ ପତ୍ରକୁ ଗରମ ପାଣିରେ ଧୋଇ ଖାଆନ୍ତୁ  । ଦେଖିବେ ଏହା ଦ୍ୱାରା ଆପଣ ନିଶ୍ଚୟ ଉପକାର ଲାଭ କରିବେ ।

•  ତୁଳସୀକୁ ଆପଣ ପେଟ ଯନ୍ତ୍ରଣାରୁ ମଧ୍ୟ  ମୁକ୍ତି ପାଇବା ପାଇଁ ବ୍ୟବହାର କରିପାରିବେ । ଗୋଟେ ଚାମଚ ତୁଳସୀ ରସକୁ ପାଣିରେ ମିଶାଇ ତାକୁ ଫୁଟାଇ ତା’ର ପେଷ୍ଟ ପ୍ରସ୍ତୁତ କରନ୍ତୁ । ଆଉ ପେଟରେ ଯନ୍ତ୍ରଣା ହେବାକ୍ଷଣି ଏହି ପେଷ୍ଟକୁ ନାଭି ଓ ପେଟରେ ଲେପନ କରନ୍ତୁ । ଏହା କରିବାଦ୍ୱାରା ତୁରନ୍ତ ଉପଶମ ମିଳିଥାଏ ।

•  ପାଚନ ସମ୍ବନ୍ଧୀୟ ସମସ୍ୟାରୁ ମୁକ୍ତି ପାଇବାକୁ ତୁଳସୀକୁ ବ୍ୟବହାର କରିପାରିବେ । ଏଥିପାଇଁ ଗୋଟେ ଗ୍ଲାସ ପାଣିରେ ୧୦-୧୫ଟି ତୁଳସୀ ପତ୍ର ସହ ଗୋଟେ ଚୁଟକି ଶୁଦ୍ଧ ଲୁଣ ପକାଇ ଏହାର କାଢା ପ୍ରସ୍ତୁତ କରନ୍ତୁ । ଆଉ ଏହାକୁ ସେବନ କରନ୍ତୁ ।

•  ଅଧିକାଂଶ ସମୟରେ ଛୋଟ ପିଲାମାନଙ୍କୁ ବିଭିନ୍ନ ସଂକ୍ରମିତ ରୋଗ ବା ଜ୍ୱରର ଶିକାର ହେବାକୁ ପଡିଥାଏ । ଯେତେ ଯାହା ଔଷଧ ଦେଲେ ମଧ୍ୟ ଭଲ ହୋଇ ନଥାଏ । ତେଣୁ ଏଥିପାଇଁ ତୁଳସୀ ଏକ ସରଳ ଓ ଉପକାରୀ ଔଷଧ ଭାବରେ କାମ କରିଥାଏ । ୨ କପ ପାଣିରେ ଏକ ଚାମଚ ତୁଳସୀ ପତ୍ର ଗୁଣ୍ଡ ଓ ଏକ ଚାମଚ ଗୁଜୁରାତି ଗୁଣ୍ଡ ମିଶାଇ ତାହାକୁ ଭଲଭାବରେ ଫୁଟାଇ ତାର କାଢା ପ୍ରସ୍ତୁତ କରନ୍ତୁ । ଆଉ ଦିନକୁ ୨-୩ ଥର ଏହି କାଢାକୁ ପିଇବାକୁ ଦିଅନ୍ତୁ । ଯଦିଓ ଏହା ପାଟିକୁ ସ୍ୱାଦିଷ୍ଟ ଲାଗି ନପାରେ ମାତ୍ର ଏହା ଦେହ ପାଇଁ ଅତ୍ୟନ୍ତ ଉପକାରୀ ଅଟେ ।

•  ତୁଳସୀକୁ ସାଧାରଣତଃ କାଶ ଓ କଫ ପାଇଁ ଉଦ୍ଦିଷ୍ଟ ବିଭିନ୍ନ ସିରଫ୍ ପ୍ରସ୍ତୁତିରେ ବ୍ୟବହାର କରାଯାଇଥାଏ । ତୁଳସୀ ପତ୍ର କଫ ସଫା କରିବାରେ ସହାୟକ ହୋଇଥାଏ । ତେବେ ଏହାକୁ  ଅଦା ସହ ମିଶାଇ କିଛି ସମୟ ବ୍ୟବଧାନ ରଖି ଚୋବାଇ ଚୋବାଇ ଖାଆନ୍ତୁ । ଯାହା ଥଣ୍ଡା ସମୟରେ ଭଲ ଔଷଧ ଭାବରେ କାମ କରିଥାଏ ।

•  ଥଣ୍ଡାରୁ ରକ୍ଷା ପାଇବା ପାଇଁ ଆପଣ ତୁଳସୀର ବ୍ୟବହାର କରିପାରିବେ । ଏଥିପାଇଁ ପାଖାପାଖି ୧୦-୧୫ଟି ତୁଳସୀ ପତ୍ର କ୍ଷୀରରେ ଫୁଟାଇ ସେବନ କରନ୍ତୁ ।

•  ମୁହଁରେ ହେଉଥିବା ବିଭିନ୍ନ ପ୍ରକାରର ସମସ୍ୟା ତଥା ବ୍ରଣ, ଦାଗ ଆଦିରୁ ରକ୍ଷା ପାଇବା ପାଇଁ ତୁଳସୀ ପତ୍ରର ରସକୁ ପ୍ରଭାବିତ ସ୍ଥାନରେ ପ୍ରୟୋଗ କରନ୍ତୁ । କିଛି ଦିନ ଏପରି କରିବା ଦ୍ୱାରା ଏହି ସମସ।।ରୁ ମୁକ୍ତି ପାଇପାରିବେ ।

•  ମୁଖ ଦୁର୍ଗନ୍ଧରୁ ନିସ୍ତାର ପାଇବା ପାଇଁ ତୁଳସୀର ଶୁଖିଲା ପତ୍ର ସହ କିଛି ମାତ୍ରାରେ ଶୋରିଷ ତେଲ ମିଶାଇ ଦାନ୍ତ ଘସିବା ଦ୍ୱାରା ଏହି ସମସ୍ୟା ଦୂର ହୋଇଥାଏ ।

•  ସାଧାରଣତଃ ମୁଣ୍ଡ ବିନ୍ଧା ପ୍ରାୟ ଅଧିକାଂଶ ଲୋକଙ୍କ ମଧ୍ୟରେ ଦେଖିବାକୁ ମିଳଥାଏ ତେବେ ଏହି ସମସ୍ୟାରୁ ରକ୍ଷା ପାଇବା ପାଇଁ ତୁଳସୀରେ ପ୍ରସ୍ତୁତ କାଢା ସେବନ କରିବା ଦ୍ୱାରା ଏହା ଦୂର ହୋଇଥାଏ ।

ପ୍ରତେକ ହିନ୍ଦୁ ଘରର ଅଗଣାରେ ପୂଜା ପାଉଥିବା ତୁଳସୀର ଔଷଧିୟ ଗୁଣ ସଂପର୍କରେ ଜାଣନ୍ତୁ

ପଢନ୍ତୁ; ଆପଣ ଜାଣିଛନ୍ତି କି? ଲାଲ ଲଙ୍କା ଖାଇବା ଦ୍ଵାରା ଶରୀରକୁ ଅନେକ ଫାଇଦା! ଆସନ୍ତୁ ଜାଣିବା ସେ ସମ୍ପର୍କରେ

 

Related posts

ଆପଣଙ୍କ ତ୍ଵଚାକୁ ଉଜ୍ଜଳ ଏବଂ ଗୋରା କରିବାକୁ ଚାହୁଁଛନ୍ତି କି? ତେବେ ଆପଣାନ୍ତୁ ଏହି ଘରୋଇ ଉପଚାର !

ENO Beuro

ଦୈନିକ ବାଇଗଣ ଖାଇବା ଶରୀର ପାଇଁ କେତେ ସ୍ୱାସ୍ଥ୍ୟ ପଦ ଆସନ୍ତୁ ଜାଣିବା

ENO Beuro

ଲାଲ୍ ରଙ୍ଗକୁ ପ୍ରେମର ପ୍ରତୀକ କାହିଁକି କୁହାଯାଇଥାଏ ? ଆସନ୍ତୁ ଜାଣିବା ଏହା ପଛରେ ଥିବା ରହସ୍ୟ ସମ୍ପର୍କରେ

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More