Featured

ଆସନ୍ତୁ ଜାଣିବା, ଉଚ୍ଚ ରକ୍ତଚାପ ବା ହାଇ ବ୍ଲଡ୍ ପ୍ରେସରର କାରଣ ଓ ଉପଚାର ସଂପର୍କରେ କିଛି ତଥ୍ୟ

ଆସନ୍ତୁ ଜାଣିବା, ଉଚ୍ଚ ରକ୍ତଚାପ ବା ହାଇ ବ୍ଲଡ୍ ପ୍ରେସରର କାରଣ ଓ ଉପଚାର ସଂପର୍କରେ କିଛି ତଥ୍ୟ

ଉଚ୍ଚ ରକ୍ତଚାପ ବା ହାଇ ବ୍ଲଡ୍ ପ୍ରେସର ବର୍ତ୍ତମାନ ସମୟରେ ଏକ ସାଧାରଣ ସମସ୍ୟା ପାଲଟିଯାଇଛି । ଏହା କେବଳ ବୟସ୍କ ଲୋକଙ୍କଠାରେ ଦେଖାଯାଇଥାଏ ତାହା ନୁହେଁ ବରଂ ଯୁବାବସ୍ଥାରେ ମଧ୍ୟ ଏହି ସମସ୍ୟା ଅନେକାଂଶରେ ଦେଖିବାକୁ ମିଳିଛି । ତେବେ ଆସନ୍ତୁ ଜାଣିବା ଏହାର କାରଣ ଓ ଉପଚାର ସଂପର୍କରେ କିଛି ତଥ୍ୟ ।

ଉଚ୍ଚ ରକ୍ତଚାପ କାରଣ:

ସାଧାରଣତଃ ଶରୀରରେ ଥିବା ଧମନୀ ଦେହରେ ରକ୍ତ ପ୍ରଚଳନ କରିବାରେ ସହାୟକ ହୋଇଥାଏ ଆଉ ଯେତେବେଳେ ଏହି ଧମନୀରେ ରକ୍ତର ଚାପ ବଢିଯାଏ ସେତେବେଳେ ରକ୍ତଚାପ ଭଳି ସମସ୍ୟା ଦେଖାଦେଇଥାଏ ।

ସିଗରେଟ୍, ନିଶାଦ୍ରବ୍ୟ ସେବନ କରିବା, ମୋଟାପଣ, ନିୟମିତ ଭାବେ ବ୍ୟାୟାମ ନକରିବା, ଅଧିକ ମାତ୍ରାରେ ଲୁଣ ଖାଇବା, ଅତ୍ୟଧିକ କ୍ରୋଧ ଓ ମାନସିକ ଅଶାନ୍ତି ଆଦି ଉଚ୍ଚ ରକ୍ତଚାପର ମୁଖ୍ୟ କାରଣ ହୋଇଥାଏ ।

ଉଚ୍ଚ ରକ୍ତଚାପ ଉପଚାର::

ଅଦା

ଖରାପ କୋଲେଷ୍ଟ୍ରଲ୍ ଧମନୀଗୁଡିକର ଦ୍ୱାରଦେଶରେ ଜମାହୋଇ ଯାଇଥାଏ । ଯାହାଦ୍ୱାରା ରକ୍ତ ପ୍ରବାହ ସୂଚାରୁ ରୂପେ ହୋଇପାରି ନଥାଏ । ଯାହାଫଳରେ ଉଚ୍ଚ ରକ୍ତଚାପ ଭଳି ସମସ୍ୟା ଦେଖାଦେଇଥାଏ । ତେଣୁ ଆମେ ବ୍ୟବହାର କରୁଥିବା ଅଦାରେ କିଛି ଉପକାରୀ ଗୁଣ ରହିଛି ଯେଉଁଥିରେ ଏଭଳି ସମସ୍ୟାକୁ ଦୂର କରାଯାଇପାରିବ । ଅଦାରେ ସାଧାରଣତଃ ପ୍ରତିଶୋଧକ ଶକ୍ତି ଅଧିକ ମାତ୍ରାରେ ରହିଥାଏ । ଯାହା ଖରାପ କୋଲେଷ୍ଟ୍ରଲକୁ କମ୍ କରିଥାଏ । ଏହାର ରସକୁ ପାଣି ସହ ମିଶାଇ ପିଇବାଦ୍ୱାରା ଫାଇଦା ମିଳିଥାଏ ।

କଦଳୀ

କଦଳୀରେ ଅଧିକ ମାତ୍ରାରେ ପୋଟାସିୟମ ରହିଥାଏ । ଯାହା ସୋଡିୟମର ପ୍ରଭାବକୁ ହ୍ରାସ କରିଥାଏ । ଦିନକୁ ଗୋଟିଏ କିମ୍ବା ଦୁଇଟି କଦଳୀ ଖାଇବାଦ୍ୱାରା ସୁଫଳ ମିଳିଥାଏ । ଯଦି ଆପଣ କଦଳୀ ଖାଇବାକୁ ପସନ୍ଦ କରନ୍ତି ନାହିଁ ତେବେ କିସମିସ୍, କମଳା ଜୁସ୍, ପାଳଙ୍ଗ ଆଦି ଖାଇପାରିବେ ।

ରସୁଣ

ରସୁଣରେ କ୍ୟାଲସିୟମ ଏବଂ ଭିଟାମିନ-ସି ଭଳି ପ୍ରତିଶୋଧକ ଶକ୍ତି ରହିଥାଏ । ଏହା ରକ୍ତକୁ ତରଳ କରି ରକ୍ତ ସଂଚାର କରାଇବାରେ ସହାୟକ ହୋଇଥାଏ । ଏଥିପାଇଁ ଆପଣ ପ୍ରତିଦିନ ଗୋଟିଏ କିମ୍ବା ଦୁଇଟି ପାଖୁଡା ଚୋବେଇ ଖାଇବା ଉଚିତ । ନଚେତ୍ ଆପଣ ଏହାକୁ ଗୋଟିଏ ଗ୍ଲାସ୍ କ୍ଷୀର ସହିତ ମଧ୍ୟ ସେବନ କରିପାରିବେ । ଏହା ବ୍ୟତିତ, ପାଣିରେ ୫-୬ଟି ରସୁଣ ରସର ବୁନ୍ଦା ପକାଇ ପିଇବାଦ୍ୱାରା ଉପଚାର ମିଳିଥାଏ ।

ପଇଡ ପାଣି

ଯେଉଁ ବ୍ୟକ୍ତିଙ୍କଠାରେ ଉଚ୍ଚ ରକ୍ତଚାପ ସମସ୍ୟା ରହିଛି ସେମାନେ ସର୍ବଦା ବହୁ ପରିମାଣରେ ପାଣି ପିଇବା ନିତ୍ୟାନ୍ତ ଜରୁରୀ ।ଏଥିପାଇଁ ପଇଡ ପାଣି ଏକ ସ୍ୱାସ୍ଥ୍ୟକର ପାନୀୟ ଜଳ ଅଟେ । ପଇଡ ପାଣିରେ ପୋଟାସିୟମ୍, ମାଗ୍ନେସିୟମ୍ ଓ ଭିଟାମିନ-ସି ଆଦି ରହିଥାଏ । ଯାହା ରକ୍ତଚାପ ନିୟନ୍ତ୍ରିତ କରିବାରେ ସହାୟକ ହୋଇଥାଏ । ଏହାଛଡା ରୋଷେଇ ସମୟରେ ମଧ୍ୟ ନଡିଆ ତେଲକୁ ଆପଣଙ୍କ ଖାଦ୍ୟରେ ବ୍ୟବହାର କରିପାରିବେ ।

ଲେମ୍ବୁ

ଉଚ୍ଚ ରକ୍ତଚାପ କାରଣରୁ ଲୋକଙ୍କର ହୃଦ୍ ଘାତ ଜନିତ ସମସ୍ୟା ଦେଖାଦେଇଥାଏ । କିନ୍ତୁ ଲେମ୍ବୁ ରସଦ୍ୱାରା ଏହାକୁ ଏଡାଇ ଯାଇପାରିବ । ଏଥିପାଇଁ ପ୍ରତିଦିନ ସକାଳେ ଗୋଟିଏ ଗ୍ଲାସ୍ ଗରମ ପାଣିରେ ଖଣ୍ଡିଏ ଲେମ୍ବୁ ଚିପୁଡି ତାକୁ ନିୟମିତ ଭାବରେ ଖାଲି ପେଟରେ ପିିିଇବା ଉଚିତ ।

ଆସନ୍ତୁ ଜାଣିବା, ଉଚ୍ଚ ରକ୍ତଚାପ ବା ହାଇ ବ୍ଲଡ୍ ପ୍ରେସରର କାରଣ ଓ ଉପଚାର ସଂପର୍କରେ କିଛି ତଥ୍ୟ

Related posts

ଯଦି ଆପଣ ଦେଶର ସାଧାରଣ ନାଗରିକ, ତେବେ ଯାଣନ୍ତୁ ଆପଣ କେତେ ନମ୍ବର ରେ ଅଛନ୍ତି

ENO Beuro

ଜାନୁଆରି ୩୧ ତାରିଖରେ ଚନ୍ଦ୍ରର ଏକ ଭିନ୍ନ ରୂପ ଦେଖିବାକୁ ମିଳିବ। ଜାଣନ୍ତୁ ଏହାକୁ ନେଇ ଲୋକଙ୍କ ମନରେ ରହିଛି କି ପ୍ରକାରର ଧାରଣା !

ENO Beuro

ଆପଣ ପାନ କାର୍ଡ଼କୁ କେଉଁଠି ରଖି ଭୁଲିଯାଇଛନ୍ତି ? ଚିନ୍ତିତ ହୁଅନ୍ତୁ ନାହିଁ ,ଘରେ ବସି ପାଇପାରିବେ ନୂଆ କାର୍ଡ ,ଆସନ୍ତୁ ଜାଣିବା

ENO Beuro

Leave a Comment