News

ହିମାଚଳ ପ୍ରଦେଶରେ ସ୍କୁଲ ବସ୍ ଖାତକୁ ଖସି ମୃତ୍ୟୁ ସଂଖ୍ୟା ୩୦କୁ ବୃଦ୍ଧି !

ଚିକିତ୍ସା ପାଇଁ ୫୦ ଜଣିଆ ଡାକ୍ତରୀ ଟିମ ନିୟୋଜିତ

ହିମାଚଳ ପ୍ରଦେଶର କାଙ୍ଗରା ଜିଲା ଅନ୍ତର୍ଗତ ନୁରପୁର ଅଞ୍ଚଳରେ ସୋମବାର ସନ୍ଧ୍ୟାରେ ଏକ ସ୍କୁଲ ବସ ୨୦୦ ମିଟର ଗଭୀର ଖାତକୁ ଖସିପଡିଥିବାରୁ ୨୭ ଜଣ ଛାତ୍ରଛାତ୍ରୀଙ୍କ ସମେତ ୩୦ ଜଣ ପ୍ରାଣ ହରାଇଛନ୍ତି । ଏମାନଙ୍କ ଭିତରେ ୨୭ଜଣ ଛାତ୍ରଛାତ୍ରୀ ଥିବାବେଳେ ବସର ଡ୍ରାଇଭରଙ୍କ ସମେତ ୨ ଶିକ୍ଷୟିତ୍ରୀଙ୍କ ମୃତ୍ୟୁ ହୋଇଛି । ଘଟଣାସ୍ଥଳରେ ଅନ୍ଧାର ଯୋଗୁଁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହୋଇଛି । ଗୁରୁତରଙ୍କୁ ନିକଟସ୍ଥ ହସ୍ପିଟାଲରେ ଭର୍ତି କରାଯାଇଛି । ମୃତ୍ୟୁ ସଂଖ୍ୟା ଆହୁରି ବଢିବା ଆଶଙ୍କା କରାଯାଉଛି । ଏକ ୫୦ ଜଣିଆ ଡାକ୍ତରୀ ଦଳଙ୍କୁ ଚିକିତ୍ସା ପାଇଁ ନିୟୋଜିତ କରାଯାଇଛି ।

ହିମାଚଳ କଂଗ୍ରା ଜିଲ୍ଲାର ନୁରପୁର ଅଂଚଳରେ ଏକ ଗଭୀର ଖାତକୁ ଖସିପଡିଥିଲା ଘରୋଇ ସ୍କୁଲ- ୱାଜିର ରାମସିଂ ପଠାନିଆର ବସ୍ । ଅଙ୍କାବଙ୍କା ପାହାଡିଆ ରାସ୍ତାରେ ନିୟନ୍ତ୍ରଣ ହରାଇ ବସଟି ଖସିପଡିଥିବା ଅନୁମାନ କରାଯାଉଛି । ସ୍ଥାନୀୟ ଲୋକଙ୍କ ସହାୟତାରେ ପୋଲିସ ୨୦ଟି ମୃତଦେହ ଉଦ୍ଧାର କରିଛି । ସମସ୍ତ ଛାତ୍ରଛାତ୍ରୀଙ୍କ ବୟସ ୧୦ ବର୍ଷରୁ କମ୍ ବୋଲି ଜଣାପଡିଛି ।

ମୋଟ ୪୨ ସିଟ୍ କ୍ଷମତା ବିଶିଷ୍ଟ ଏହି ସ୍କୁଲ ବସରେ ୪୦ଜଣ ଛାତ୍ରଛାତ୍ରୀ ଓ ସ୍କୁଲ କର୍ମଚାରୀ ଥିବା ଅନୁମାନ କରାଯାଉଛି । ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ଲେଖାଏଁ ଅନୁକମ୍ପା ମୂଳକ ରାଶି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ଜଇରାମ ଠାକୁର । କେଉଁ ପରିସ୍ଥିତିରେ ବସଟି ଦୁର୍ଘଟଣାଗ୍ରସ୍ତ ହେଲା ତାର ବିଚାରବିଭାଗୀୟ ତଦନ୍ତ ନିର୍ଦ୍ଦେଶ ଦିଆଯାଇଛି ।

ପଢନ୍ତୁ ;

ଆଖୁ ରସ ପିଇବା ଦ୍ୱାରା ଶରୀରକୁ କ’ଣ ସବୁ ଫାଇଦା ମିଳିଥାଏ ଜାଣନ୍ତୁ ?

Related posts

ସ୍ୱାମୀଙ୍କ ବାୟୁସେନା ବିମାନ ରାଡାର୍‌ରୁ ଉଭାନ୍‌ ହେଉଥିବା ଦେଖୁଥିଲେ ପାଇଲଟଙ୍କ ପତ୍ନୀ

Ratnamani Moharana

୨୦୧୯ ଲୋକସଭା ନିର୍ବାଚନ ଲଢିବେ ନାହିଁ ସୁଷମା ସ୍ୱରାଜ

ENO Beuro

ଆଜି ବିଶ୍ଵ ପରିବେଶ ଦିବସ

Ratnamani Moharana

1 comment

Leave a Comment