Recipes & Food

ଘରେ ପ୍ରସ୍ତୁତ କରନ୍ତୁ ନଡିଆ ବର୍ଫି, ଜାଣନ୍ତୁ ଏହାର ପ୍ରସ୍ତୁତ ପ୍ରଣାଳୀ !

ସମସ୍ତେ ଘରେ ତିଆରି ଖାଦ୍ୟ ଖାଇବାକୁ ପସନ୍ଦ କରିଥାଆନ୍ତି । ଆପଣ ଜାଣିଛନ୍ତି କି କିପରି ଘରେ କିପରି ପ୍ରସ୍ତୁତ ହୁଏ ନଡିଆ ବର୍ଫି । ଏହା ଖାଇବାକୁ ଯେତିକି ସ୍ଵାଦିଷ୍ଟ ତିଆରି କରିବାକୁ ମଧ୍ୟ ସେତିକି ସହଜ । ତେବବେ ଆସନ୍ତୁ ଜାଣିବା ଘରେ କିପରି ତିଆରି କରିବେ ନଡିଆ ବର୍ଫି ?

ଆବଶ୍ୟକ ସାମଗ୍ରୀ :-

ଏକ କପ୍‌(୨୫୦ମିଲି.ଗ୍ରାମ) ନଡିଆ କୋରା, ୩/୪ କପ୍‌ କ୍ଷୀର, ୩/୪ କପ୍‌ ରାବିଡି କିମ୍ବା ମିଲ୍କମେଡ୍‌, ୩-୪ଟି ଗୁଜୁରାତି ଗୁଣ୍ଡ, ଅଧା ଚାମଚ ଗୋଲାପଜଳ, ଏକ ଚାମଚ ଚିନି, ୨-୩ ଟେବଲ୍‌ ସ୍ପୁନ୍‌ ଘିଅ, ଅଳ୍ପ କେଶର, ୮-୧୦ଟି କାଜୁ।

ପ୍ରଣାଳୀ :-

ପ୍ରଥମେ କ୍ଷୀର ଗରମ କରନ୍ତୁ ଓ ସେଥିରେ ନଡିଆ କୋରା ପକାଇ ଭଲ ଭାବେ ଗୋଳାଇ ଏକଘଣ୍ଟା ରଖିଦିଅନ୍ତୁ । ଏବେ ଏକ ପ୍ୟାନ୍‌ରେ ଘିଅ ପକାଇ ଗରମ କରନ୍ତୁ । ଏଥିରେ ପୂର୍ବରୁ ରଖାଯାଇଥିବା ନଡିଆକୋରା ପକାଇ ୨-୩ ମିନିଟ୍‌ ପର୍ଯ୍ୟନ୍ତ ଘାଣ୍ଟନ୍ତୁ ।

ଏଥିରେ ରାବିଡି କିମ୍ବା ମିଲ୍କମେଡ୍‌ ପକାଇ ଅଳ୍ପ ଆଞ୍ଚରେ ଘାଣ୍ଟନ୍ତୁ। ଚିନି ଏବଂ ଗୁଜୁରାତି ଗୁଣ୍ଡ ପକାଇ ୨୦ରୁ ୨୫ ମିନିଟ୍‌ ଗୋଳାନ୍ତୁ । ମିଶ୍ରଣ ଅଠାଳିଆ ହୋଇଯିବା ପରେ ଗୋଲାପ ଜଳ ପକାଇ ପୁଣି ଘାଣ୍ଟନ୍ତୁ ।

ବର୍ତ୍ତମାନ ଏକ ଟ୍ରେ କିମ୍ବା ପ୍ଲେଟ୍‌ରେ ଘିଅ ଲଗାଇ ତା’ ଉପରେ ଏହି ମିଶ୍ରଣକୁ ରଖି ଛୁରି କିମ୍ବା ଚାମଚ ସାହାଯ୍ୟରେ ସମାନ କରି ଦିଅନ୍ତୁ । ଏହା ଉପରେ କେଶର ଏବଂ ଖଣ୍ଡ କାଜୁ ପକାଇ ଥଣ୍ଡା ହେବାକୁ ଛାଡି ଦିଅନ୍ତୁ । ଏହା ପରେ ନିଜ ପସନ୍ଦ ମୁତାବକ ଆକାରରେ କାଟି ଖାଇବାକୁ ଦିଅନ୍ତୁ ।

ପଢନ୍ତୁ ;

ଲଚ୍ଛା ପରଟାର ସ୍ଵାଦ ନିଆରା! ଆସନ୍ତୁ ଜାଣିବା କେମିତି ତିଆରି କରିବା ଲଚ୍ଛା ପରଟା

Related posts

ଆଜି ହିଁ ଘରେ ପ୍ରସ୍ତୁତ କରନ୍ତୁ ‘ସ୍ଵାଦିଷ୍ଟ ଏକବର୍ଣ୍ଣି’

Ratnamani Moharana

ଘରେ ପ୍ରସ୍ତୁତ କରନ୍ତୁ ଚିଙ୍ଗୁଡ଼ି କୋପ୍ତା! ଜାଣନ୍ତୁ ଏହାର ପ୍ରସ୍ତୁତି ପ୍ରଣାଳୀ

ENO Beuro

ଜାଣନ୍ତୁ କିପରି ପ୍ରସ୍ତୁତ କରିବେ “ଖଟା ମିଠା ଚଟପଟା ମାଛ ତରକାରୀ”

Ratnamani Moharana

1 comment

Leave a Comment