Recipes & Food

ବହୁ ଲୋକଙ୍କ ମନ ପସନ୍ଦ ଦହିବରା ,ତେବେ ଆସନ୍ତୁ ଜାଣିବା କିପରି ତିଆରି ହୁଏ ପନିର ଦହିବରା

ବହୁ ଲୋକଙ୍କ ମନ ପସନ୍ଦ ଦହିବରା । ହେଲେ ଆପଣ କେବେ ପନିର ଦହିବରା ଖାଇଛନ୍ତି କି ? ପନିର ଦହିବରା ତିଆରି କରିବା ଅତି ସହଜ । ଯଦି ଆପଣ  ଖାଇନାହାନ୍ତି ତେବେ  ଆସନ୍ତୁ ଜାଣିବା ଓ  ସହଜ ଉପାୟରେ ତିଆରି କରିବା ପନିର ଦହିବରା ।

ଆବଶ୍ୟକ ସାମଗ୍ରୀ :-

ପନିର ୨୦୦ ଗ୍ରାମ୍, ସିଝା ଆଳୁ ୨ଟି, ଆରାରୁଟ୍ ପାଉଡର, କଟା ଆମ୍ବ କସିଆ ଅଦା, କଟା କଂଚାଲଙ୍କା, ଦହି ୩ ରୁ ୪ କପ୍, ପୁଦିନା ଚଟଣି ଗୋଟେ କପ୍, ଲଙ୍କାଗୁଣ୍ଡ  ୧-୨ ଛୋଟ ଚାମଚ,  ଭୃସଙ୍ଗା ପତ୍ର , ସୋରିଷ,ଭଜାଜିରା  ୨ ରୁ ୩ ଚାମଚ୍, ବିଟ୍ ଲୁଣ  , ରିଫାଇ ତେଲ ,  ଲୁଣ ସ୍ୱାଦ ଅନୁସାରେ ଦେବେ।

ପ୍ରସ୍ତୁତି ପ୍ରଣାଳୀ :-

ଏକ ପାତ୍ରରେ ପନିରକୁ ଗୁଣ୍ଡ କରି ଦିଅନ୍ତୁ  ଓ ସେଥିରେ ଆଳୁ , ଆରାରୁଟ୍ ପାଉଡର , ଆମ୍ବକସିଆ ଅଦା , ସ୍ୱାଦ ଅନୁସାରେ ଲୁଣ ଓ କଂଚା ଲଙ୍କା ପକାଇ ଭଲଭାବେ ମିଶାଇ ଦିଅନ୍ତୁ । କଡେଇରେ ତେଲ ଗରମ କରନ୍ତୁ । ତେଲ ଗରମ ହେଲା ପରେ ପ୍ରସ୍ତୁତ ମିଶ୍ରଣକୁ ଗୋଲ କରି ଟିକେ ହାତରେ ଚେପଟା କରି ଛାଣନ୍ତୁ । ଏହି ବରା ସାମାନ୍ୟ ବାଦାମୀ ରଙ୍ଗର ହୋଇଗଲେ ଟିସୁ ପେପେର ପ୍ଲେଟରେ ରଖି ସେଥିରେ ବରାକୁ ବାହାର କରି ରଖିଦିଅନ୍ତୁ । ଅନ୍ୟ ଏକ ପାତ୍ରରେ ଦହିକୁ ଢାଳନ୍ତୁ। ଏଥର ଏକ ପ୍ୟାନରେ ରିଫାଇନ୍ ତେଲ ଗରମ କରି ସେଥିରେ ସୋରିଷ, କଚାଂ ଲଙ୍କା ଓ ଭୃସଙ୍ଗ ପତ୍ର ପକାଇ ଝୁଙ୍କ ଦିଅନ୍ତୁ । ଝୁଙ୍କ ଥଣ୍ଡା ହେବା ପରେ ଦହିରେ ଢାଳି ଦିଅନ୍ତୁ । ଏବେ ବରା ଉପରେ ଛୁଙ୍କ ହୋଇଥିବା ଦହି, ବିଟା ଲୁଣ, ଭଜା ଜିରା, ଟମାଟୋ ସସ୍ , ପୁଦିନା ଚଟଣୀ ଓ ଲଙ୍କାଗୁଣ୍ଡ ପକାଇ ଦିଅନ୍ତୁ । ଏବେ ପ୍ରସ୍ତୁତ ହୋଇଗଲା ପନିର ଦହିବରା ।

dahibara

ପଢନ୍ତୁ ;

ଦୁଇବର୍ଷ ମଧ୍ୟରେ ଦେଶରେ ୮୮୫ ବର୍ଗ କିମି ଜଙ୍ଗଲ ବଢିଛି,ଏହି ତାଲିକାରେ ଓଡ଼ିଶା ଚତୁର୍ଥ ସ୍ଥାନରେ

Related posts

ଘରେ ପ୍ରସ୍ତୁତ କରନ୍ତୁ ଶିମଳା ଲଙ୍କାର ହାଲୱା

ENO Beuro

ଆସନ୍ତୁ ତିଆରି କରିବା କଦଳୀରେ ପ୍ରସ୍ତୁତ ସ୍ଵାଦିଷ୍ଟ “କଦଳୀ ପୁରି”

Ratnamani Moharana

ଆଜି ହିଁ ଘରେ ପ୍ରସ୍ତୁତ କରନ୍ତୁ “ଦହି ଆମ୍ବୁଲ ଖଟା”

Ratnamani Moharana

1 comment

Leave a Comment