Recipes & Food

ଘରେ କିପରି ରାନ୍ଧିବେ ‘ଚିଙ୍ଗୁଡ଼ି ବିରିୟାନୀ’ ,ଜାଣନ୍ତୁ ଏହାର ପ୍ରସ୍ତୁତି ପ୍ରଣାଳୀ ?

ବିରିୟାନୀ ସମସ୍ତେ ଖାଇବାକୁ ପସନ୍ଦ କରନ୍ତି । ଏମିତିକି ବିରିୟାନୀ ସମସ୍ତଙ୍କ ପ୍ରିୟ ଖାଦ୍ୟ । ସମସ୍ତେ ଚିକେନ ବିରିୟାନୀ କେମିତି ହୁଏ ଜାଣିଥିବେ । କିନ୍ତୁ ଆପଣ ଜାଣିଛନ୍ତି କି ‘ଚିଙ୍ଗୁଡ଼ି ବିରିୟାନୀ’ କେମିତି ହୋଇଥାଏ । ତେବେ ଆଜି ଆମେ ଆପଣଙ୍କୁ ଜଣେଇବୁ ଘରେ ଆପଣ କିପରି ତିଆରି କରିବେ  ‘ଚିଙ୍ଗୁଡ଼ି ବିରିୟାନୀ’ ?

ଆବଶ୍ୟକ ସାମଗ୍ରୀ :-

ଚିଙ୍ଗୁଡ଼ି, ବାସୁମତୀ ଚାଉଳ, ନଡ଼ିଆ ରସ, ପିଆଜ, ରସୁଣ ବଟା, ଅଦା ବଟା, ଟମାଟୋ, କଞ୍ଚାଲଙ୍କା, ଗୁଜୁରାତି, ଲବଙ୍ଗ, ଡାଲ୍‌ଚିନି, ଲୁଣ, ହଳଦୀ ଓ ତେଲ କିମ୍ବା ଘିଅ।

ପ୍ରସ୍ତୁତି :-

ପ୍ରଥମେ ଚାଉଲକୁ ଧୋଇ ପାଣି ନିଗାଡି ଦିଅନ୍ତୁ । ଚିଙ୍ଗୁଡିର ଖୋଳପା ଓ ଶିଙ୍ଗ ଅଂଶ ଛଡାଇ ଲୁଣ ଓ ହଳଦୀ ଦେଇ ଗୋଳାଇ ଦିଅନ୍ତୁ । ତା’ପରେ କଡେଇରେ ତେଲ ବା ଘିଅ ଗରମ କରି କଟା ପିଆଜ ପକାନ୍ତୁ ।

ସେଥିରେ ଗୋଟା କଞ୍ଚାଲଙ୍କା ସହ ରସୁଣ ଛେଚା ଓ ଅଦା ଛେଚା ପକାଇ କଷନ୍ତୁ। ମସଲା ରଙ୍ଗ ବାଦାମୀ ହୋଇଯିବା ପରେ ଛୋଟ ଛୋଟ କଟା ଟମାଟୋ ପକାଇ ଗୋଳାଇ ଦିଅନ୍ତୁ । ଆଉ ତା’ଉପରେ ଚିଙ୍ଗୁଡ଼ିକୁ ପକାଇ ଦିଅନ୍ତୁ। ଚିଙ୍ଗୁଡ଼ି କଷି ହୋଇ ସିଝିଯିବା ପରେ ଚୁଲାରୁ ଓହ୍ଲାଇ ଦିଅନ୍ତୁ । ତା’ପରେ ନଡିଆ କୋରାରୁ ରସ ବାହାର କରି ଦିଅନ୍ତୁ ।

biriyani

ଏବେ ଅନ୍ୟ ଏକ ଡେକ୍‌ଚିରେ ଘିଅ ଗରମ କରି ସେଥିରେ ଗୁଜୁରାତି, ଲବଙ୍ଗ, ଡାଲଚିନି ପକାନ୍ତୁ । ଏହାପରେ ଧୁଆ ଚାଉଳକୁ ସେଥିରେ ପକାନ୍ତୁ । ଆବଶ୍ୟକ କନୁଯାୟୀ ପାଣି, ଲୁଣ, ହଳଦୀ ଗୁଣ୍ଡ ଓ ନଡ଼ିଆ ରସ ପକାନ୍ତୁ ।

ଭାତ ହୋଇଯିବା ପରେ ପୂର୍ବରୁ ପ୍ରସ୍ତୁତ ହୋଇଥିବା ଚିଙ୍ଗୁଡ଼ି କଷାକୁ ସେଥିରେ ପକାଇ ଗୋଳାଇ ଦିଅନ୍ତୁ। ଅଳ୍ପ ସମୟ ଚୁଲାରେ ବସାଇବା ପରେ ଓହ୍ଲାଇ ଦିଅନ୍ତୁ । ପ୍ରସ୍ତୁତ ହୋଇଗଲା ଚିଙ୍ଗୁଡି ବିରିୟାନୀ। କିନ୍ତୁ ଧ୍ୟାନ ଦେବେ ଭାତକୁ ଅଧିକ ନରମ କରିବେ ନାହିଁ। ଖାଇବାକୁ ସ୍ୱାଦିଷ୍ଟ ଲାଗିବ।

ପଢନ୍ତୁ ;ଘରେ ପ୍ରସ୍ତୁତ କରନ୍ତୁ ରୋହି ମାଛ ଆମ୍ୱିଳ। ଜାଣିରଖନ୍ତୁ ଏହାର ପ୍ରସ୍ତୁତ ପ୍ରଣାଳୀ

Related posts

ଆଜି ହିଁ ଘରେ ପ୍ରସ୍ତୁତ କରନ୍ତୁ ମାଟି ହାଣ୍ଡି ଚିଙ୍ଗୁଡି କଷା

Ratnamani Moharana

ଘରେ ପ୍ରସ୍ତୁତ କରନ୍ତୁ ଚିଙ୍ଗୁଡ଼ି କୋପ୍ତା! ଜାଣନ୍ତୁ ଏହାର ପ୍ରସ୍ତୁତି ପ୍ରଣାଳୀ

ENO Beuro

ଖରାଦିନେ ଘରେ କିପରି ପ୍ରସ୍ତୁତ କରିବେ ବାଦାମ କୁଲ୍‌ଫି ଜାଣନ୍ତୁ ?

ENO Beuro

2 comments

Leave a Comment