Recipes & Food

ପ୍ରସ୍ତୁତ କରନ୍ତୁ କଦଳୀ ମଞ୍ଜା କଟ୍‌ଲେଟ୍, ଜାଣନ୍ତୁ ଏହାର ପ୍ରସ୍ତୁତି ପ୍ରଣାଳୀ

banana

ଆବଶ୍ୟକ ସାମଗ୍ରୀ

କଦଳୀ ମଞ୍ଜା, ଆଳୁ, ପିଆଜ, ଅଟା, ଗରମ ମସଲା ଗୁଣ୍ଡ,ରସୁଣ କଟା, ଅଦା କଟା, କଞ୍ଚାଲଙ୍କା କଟା, କଟା ଧନିଆ ପତ୍ର, ରିଫାଇନ୍ ତେଲ ଓ ଲୁଣ।

ପ୍ରସ୍ତୁତି ପ୍ରଣାଳୀ

ପ୍ରଥମେ କଦଳୀ ମଞ୍ଜାକୁ ଛୋଟୋ ଛୋଟୋ କରି କାଟନ୍ତୁ। ଏହାକୁ ପାଣିରେ ଚକଟି ଭଲ ଭାବେ ଧୋଇ ସେଥିରେ ଅଳ୍ପ ଲୁଣ ପକାଇ ରଖନ୍ତୁ। ତାପରେ କଟା ମଞ୍ଜାକୁ ପ୍ରେସର୍‌ କୁକର୍‌ରେ ସିଝାଇ ରଖନ୍ତୁ। ଆଳୁକୁ ସିଝାଇବା ପରେ ଏହାକୁ ଚକଟି ଦିଅନ୍ତୁ। ଏବେ ପିଆଜକୁ ସରୁ ସରୁ କାଟନ୍ତୁ। ବର୍ତ୍ତମାନ କଡ଼େଇରେ ଅଳ୍ପ ତେଲ ଦେଇ ପିଆଜ କଟା, ରସୁଣ କଟା, ଅଦା କଟା ଓ କଟା କଞ୍ଚାଲଙ୍କା ପକାଇ ଅଳ୍ପ ସମୟ ଭାଜନ୍ତୁ।

banana

ଏବେ ଏଥିରେ ପୂର୍ବରୁ ସିଝାଇ ରଖିଥିବା ମଞ୍ଜାକୁ ପକାଇ ଭଲଭାବରେ ଗୋଳାଇ ଚୁଲିରୁ ଓହ୍ଲାଇ ଥଣ୍ଡା କରନ୍ତୁ। ଗୋଟିଏ ପ୍ଲେଟ୍‌ରେ ଏହି ମଞ୍ଜାକୁ କାଢ଼ନ୍ତୁ। ସେଥିରେ ସିଝା ଆଳୁ, କଟା ଧନିଆପତ୍ର, ଗରମ ମସଲା ଗୁଣ୍ଡ, ଅଟା ଓ ସ୍ୱାଦ ଅନୁସାରେ ଲୁଣ ପକାଇ ଭଲ ଭାବରେ ଗୋଳାନ୍ତୁ। ଏହି ମିଶ୍ରଣକୁ କଟଲେଟ୍ ଆକାରରେ ଗଢ଼ି ରଖନ୍ତୁ। ବର୍ତ୍ତମାନ ତାୱା ଗରମ କରି ସେଥିରେ କଟଲେଟ୍‌ସବୁକୁ ଅଳ୍ପ ତେଲ ଦେଇ ଦୁଇ କଡ଼ ଲାଲ ହେବା ଯାଏ ଭାଜନ୍ତୁ।

ପ୍ରସ୍ତୁତ ହୋଇଗଲା ଗରମା ଗରମ କଦଳୀ ମଞ୍ଜା କଟଲେଟ୍। ଏହାକୁ ଚଟଣି କିମ୍ବା ସସ୍ ସହିତ ଖାଆନ୍ତୁ।

ପଢନ୍ତୁ; ତାଜିକିସ୍ତାନରେ ଭାରତୀୟ ସମୁଦାୟକୁ ସମ୍ବୋଧନ କଲେ ରାଷ୍ଟ୍ରପତି

Related posts

ଆଜି ହିଁ ଘରେ ପ୍ରସ୍ତୁତ କରନ୍ତୁ ରେଷ୍ଟୁରାଣ୍ଟ ଷ୍ଟାଇଲ୍ ‘ଶେଜ୍‌ୱାନ ପ୍ରନ୍‌’

Ratnamani Moharana

ଆଜି ହିଁ ଘରେ ପ୍ରସ୍ତୁତ କରନ୍ତୁ ସୁଜି ଓ କଳାଚଣା କଟଲେଟ୍

Ratnamani Moharana

ଘରେ ପ୍ରସ୍ତୁତ କରନ୍ତୁ ସ୍ୱାଦିଷ୍ଟ ଏଗ ଫ୍ରାଏଡ ରାଇସ

ENO Beuro

Leave a Comment