LIFESTYLE

ଏହି ହୋଲିରେ ଆସନ୍ତୁ ହର୍ବାଲ ଅବିରରେ ଖେଳିବା ହୋଲି

ବଜାରରେ ମିଳୁଥିବା ରଙ୍ଗରେ କେମିକାଲ   ମିଶି ଥାଏ । ଯାହା ଦ୍ବାରା ଚର୍ମ ରୋଗ  ହେବାର ସମ୍ଭାବନା ଥାଏ । ତେଣୁ ହର୍ବାଲ ରଙ୍ଗରେ ହୋଲି ଖେଳିବା ପାଇଁ ବିଶେଷଜ୍ଞମାନେ ପରାମର୍ଶ ଦେଇଥାନ୍ତି । ବର୍ତ୍ତମାନ ହର୍ବାଲ ରଙ୍ଗ ବଜାରରେ ମିଳୁଥିଲେ ମଧ୍ୟ ତାହା ବିଶ୍ବାସଯୋଗ୍ୟ ନୁହେଁ । ତେବେ ଆମେ ଆପଣଙ୍କୁ ଜଣାଇବୁ କିପରି ଘରୋଇ ଉପାୟରେ ହର୍ବାଲ ରଙ୍ଗ  ପ୍ରସ୍ତୁତ କରି ହୋଲି ମଜା ଉଠାଇ ପାରିବେ । ତେବେ ଆସନ୍ତୁ ଜାଣିବା ହାର୍ବାଲ ରଙ୍ଗ ପ୍ରସ୍ତୁତିର ପ୍ରଣାଳୀ ସମର୍କରେ।

 

ଗୋଲାପ ରଙ୍ଗ : ଗୋଲାପ ରଙ୍ଗ ପାଇଁ ବିଟ୍ କୁ କାଟି ପାଣିରେ ଭିଜାଇ ରଖିବେ ନଚେତ୍ ଡାଳିମ୍ବକୁ ରାତିସାରେ ପାଣିରେ ଭିଜାଇ ରଖିପାରିବେ ।

ବାଇଗଣୀ ରଙ୍ଗ : କଳା ଅଙ୍ଗୁର ବା ଜାମୁ କୋଳିର ରସକୁ ପାଣିରେ ମିଶାଇ ବାଇଗଣୀ ରଙ୍ଗ ପ୍ରସ୍ତୁତ କରିପାରିବେ ।

ନାରଙ୍ଗୀ : ପଳାଶ ଫୁଲକୁ ଶୁଖାଇ ସେଥିରୁ ପାଉଡର ପ୍ରସ୍ତୁତ କରନ୍ତୁ । ପ୍ରସ୍ତୁତ ହୋଇଗଲା ଆପଣଙ୍କ ନାରଙ୍ଗୀ ରଙ୍ଗର ଅବିର । ସେହିପରି ପାଣି ନାରଙ୍ଗୀ ରଙ୍ଗ ପାଇଁ ପଳାଶ ଫୁଲକୁ ଫୁଟାନ୍ତୁ ବା ରାତିସାରା ପାଣିରେ ଭିଜେଇ ରଖନ୍ତୁ ।

ସବୁଜ ରଙ୍ଗ : ମେଥି ପତ୍ର ବା ପୁଦିନା ପତ୍ର ସୁଖାଇ ସବୁଜ ରଙ୍ଗର ଅବିର ପ୍ରସ୍ତୁତ କରିପାରିବେ । ନଚେତ୍ ସବୁଜ ପନିପରିବାକୁ ପାଣିରେ ଫୁଟାଇ ତାହାକୁ ପେଷ୍ଟ କରି ପାଣି ସବୁଜ ରଙ୍ଗ ପ୍ରସ୍ତୁତ କରିପାରିବେ ।

ନାଲି ରଙ୍ଗ : ଲାଲ ଚନ୍ଦନ ପାଉଡରରେ ଅଟା ବା ମଇଦା ମିଶାଇ ସୁଖିଲା ନାଲି ରଙ୍ଗ ବା ନାଲି ଅବିର ପ୍ରସ୍ତୁତ କରି ପାରିବେ । ଚନ୍ଦନ ପରିବର୍ତ୍ତେ ଆପଣ ସିନ୍ଦୁର ମଧ୍ୟ ବ୍ୟବହାର କରିପାରିବେ । ସେହିପରି ପାଣି ନାଲି ରଙ୍ଗ ପାଇଁ ପୂର୍ବ ରାତିରୁ ଏକ ବିଟ ନେଇ ସେଥିରୁ ଚୋପା ଛଡାଇ ପାଣିରେ ଭିଜାଇ ରଖନ୍ତୁ । ସକାଳେ ଏହାକୁ ନାଲି ରଙ୍ଗ ବା ଗୋଲାପ ରଙ୍ଗ ଭାବେ ବ୍ୟବହାର କରିପାରିବେ ।

ମନେରଖନ୍ତୁ ଏ ସବୁ ରଙ୍ଗର ମିଶ୍ରଣରେ ଆପଣଙ୍କୁ ଆବଶ୍ୟକ ପରିମାଣର ମଇଦା  ମିଶେଇବାକୁ ପଡିବ। ତେବେ ଯାଇ ଆପଣଙ୍କର ହର୍ବାଲ ରଙ୍ଗ ପ୍ରସ୍ତୁତ ହୋଇପାରିବ।

ପଢନ୍ତୁ: ଖରାରେ ନିଅନ୍ତୁ ଘରୋଇ ଉପାୟରେ ତ୍ବଚାର ଯତ୍ନ

Related posts

କେଉଁ ପାନୀୟ ଦ୍ରବ୍ୟ କିଡ଼ନୀ ସମସ୍ୟା ଦୂର କରିଥାଏ ଜାଣନ୍ତୁ ?

ENO Beuro

ଜୀବନରେ ସଫଳତା ଚାହୁଛନ୍ତି କି ? ତେବେ ଏହି ୪ଟି ଭୁଲ କରନ୍ତୁ ନାହିଁ

ENO Beuro

ବିଭାହ ପାଇଁ ଝିଅ ଦେଖିବାକୁ ଯାଉଛନ୍ତି କି ?ତେବେ ଏହି ଦିଗ ପ୍ରତି ଧ୍ୟାନ ଦିଅନ୍ତୁ

ENO Beuro

Leave a Comment