SPORTS

ପ୍ଲେ-ଅଫରେ ଦିଲ୍ଲୀ କ୍ୟାପିଟାଲ୍ସ

୧୬ ରନରେ ହାରିଲା ରୟାଲ ଚ୍ୟାଲେଞ୍ଜେର୍ଷ

ଚଳିତ ଆଇପିଏଲରେ ଦ୍ଵିତୀୟ ଦଳ ଭାବେ ଦିଲ୍ଲୀ କ୍ୟାପିଟାଲ୍ସ ପ୍ଲେ-ଅଫରେ ପ୍ରବେଶ କରିଛି। କାଲି ଫିରୋଜ ସାହା କୋଟଲା ଗ୍ରାଉଣ୍ଡରେ ଅନୁଷ୍ଠିତ ଏକ ଲିଗ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ୧୬ ରନରେ ରୟାଲ ଚ୍ୟାଲେଞ୍ଜେର୍ଷ ବାଙ୍ଗାଲୋରକୁ ପରାସ୍ତ କରିଥିଲା। ଏହି ମ୍ୟାଚରେ ପ୍ରଥମେ ବ୍ୟାଟିଂ କରି ଦିଲ୍ଲୀ କ୍ୟାପିଟାଲ୍ସ ୫ ୱିକେଟ ହରାଇ ୧୮୭ ରନ ସଂଗ୍ରହ କରିଥିଲା। ଜବାବରେ ରୟାଲ ଚ୍ୟାଲେଞ୍ଜେର୍ଷ  ଶେଷ ବଲ ପର୍ଯ୍ୟନ୍ତ ଲଢେଇ କରିଥିଲେ ହେଁ ଶେଷରେ ୭/୧୭୧ ରନ କରିବାକୁ ସକ୍ଷମ ହୋଇଥିଲେ।

 

ରବିବାର ଖେଳାଯାଇଥିବା ଏହି ମ୍ୟାଚରେ ଦିଲ୍ଲୀ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୫ ୱିକେଟ୍ ହରାଇ ୧୮୭ ରନ୍ କରିଛି । ଦିଲ୍ଲୀ ପକ୍ଷରୁ ଧୱନ୍ (୫୦) ଓ ଆୟର (୫୨)ଙ୍କ ବ୍ୟତୀତ ଶେଷଭାଗରେ ଶେରଫାନେ ରଦରଫର୍ଡ (୨୮*) ଓ ଅକ୍ଷର ପଟେଲ (୧୬*) ଦ୍ରୁତ ରନ୍ କରିଥିଲେ। ଜବାବରେ ଆରସିବି ନିର୍ଦ୍ଧାରିତ ଓଭରରେ ୭ ୱିକେଟ୍ ହରାଇ ୧୭୧ ରନ୍ କରିବାକୁ ସକ୍ଷମ ହୋଇଛି। ୧୮୮ ରନର ବିଜୟଲକ୍ଷ୍ୟର ପିଛା କରୁଥିବା ଆରସିବିକୁ ଦୁଇ ଓପ୍ନର ପାର୍ଥିବ ପଟେଲ ଓ ଅଧିନାୟକ ବିରାଟ କୋହଲି ଭଲ ଷ୍ଟାର୍ଟ ଦେଇଥିଲେ। ଦୁହେଁ ୫.୫ ଓଭରରେ ୬୩ ରନ୍ ଯୋଡ଼ିଥିଲେ। ପାର୍ଥିବ ଦ୍ରୁତ ୩୯ (୨୦ ବଲ୍, ୭ ଚୌକା, ୧ ଛକା) ରନ୍ କରି କାଗିସୋ ରବାଡାଙ୍କ ଶିକାର ହୋଇଥିଲେ। ଏହା ପରେ ବିରାଟ (୨୩), ଡି’ଭିଲିୟର୍ସ (୧୭) ଓ ଶିବମ ଦୁବେ (୨୪) କରାଇଥିଲେ ହେଁ, ତାହା ଯଥେଷ୍ଟ ହୋଇନଥିଲା।

ପଢନ୍ତୁ: ଚେନ୍ନାଇକୁ ହରାଇଲା ମୁମ୍ବାଇ: ଧୋନୀଙ୍କ ବିନା ଚେନ୍ନାଇ ଫିକା

Related posts

ବର୍ଷାର ଆଶଙ୍କା ମଧ୍ୟରେ ଅନ୍ତିମ ଟି-୨୦ ମ୍ୟାଚ ପାଇଁ ଉଭୟ ଭାରତ ଓ ନ୍ୟୁଜିଲାଣ୍ଡ ଦଳ ପ୍ରସ୍ତୁତ

ENO Beuro

ଆଇସିସି ଟି-୨୦ ମାନ୍ୟତା: ରାହୁଲଙ୍କୁ କ୍ୟାରିୟରର ଶ୍ରେଷ୍ଠ ମାନ୍ୟତା,ଦ୍ଵିତୀୟକୁ ଉଠିଲା ଭାରତ

ENO Beuro

ଆଇପିଏଲ-୧୧ ପାଇଁ ନିଲାମୀ ଆରମ୍ଭ : କୋହଲି , ଧୋନୀ, ରୋହିତ ସବୁଠାରୁ ଦାମୀ ଖେଳାଳି

ENO Beuro

Leave a Comment