SPORTS

ନିଦହାସ ଟ୍ରଫି : ଶ୍ରୀଲଙ୍କାକୁ ୬ ୱିକେଟରେ ହରାଇଲା ଭାରତ

ମଧୁର ପ୍ରତିଶୋଧ

ଶ୍ରୀଲଙ୍କା ଓ ଭାରତ ମଧ୍ୟରେ ଅନୁଷ୍ଟିତ ତ୍ରିରାଷ୍ଟ୍ରୀୟ ନିଦହାସ ଟ୍ରଫି ଟି-୨୦ କ୍ରିକେଟ ମ୍ୟାଚରେ ଭାରତ ୬ ୱିକେଟରେ ପରାସ୍ତ କରିଛି ଶ୍ରୀଲଙ୍କାକୁ । ଭାରତ ପଏଣ୍ଟ ତାଲିକାର ଶୀର୍ଷ ସ୍ଥାନରେ ପହଞ୍ଚିଛି । ଫଳରେ ଫାଇନାଲରେ ଖେଳିବା ଆଶା ବଢ଼ିଛି । ଟସ ଜିଣି ଭାରତ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେବା ପରେ ଶ୍ରୀଲଙ୍କା ବ୍ୟାଟିଂ କରିଥିଲା ।

ବର୍ଷା ଯୋଗୁ ଟସ୍‌ ପଡିବାରେ ବିଳମ୍ବ ହୋଇଥିଲା । ଫଳରେ ମ୍ୟାଚ୍‌କୁ ୧୯ ଓଭରରେ ସୀମିତ ରଖାଯାଇଥିଲା । ଟସ୍‌ ଜିତି ଭାରତ ଫିଲ୍ଡିଂ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରି ଶ୍ରୀଲଙ୍କା ନିର୍ଦ୍ଧାରିତ ୧୯ ଓଭରରେ ୯ ୱିକେଟ ହରାଇ ୧୫୨ ରନ ସଂଗ୍ରହ କରିଥିବାରୁ ଭାରତକୁ ମ୍ୟାଚ ବିଜୟ ପାଇଁ ୧୫୩ ରନ ଲକ୍ଷ ମିଳିଥିଲା ।

୧୫୩ ରନ ଟାର୍ଗେଟର ପିଛା କରି ଭାରତ ସଅଳ ଦୁଇ ଉଇକେଟ ହରାଇଥିଲା । ଅଧିନାୟକ ରୋହିତ ଶର୍ମାଙ୍କ ଖରାପ ଫର୍ମ ଜାରି ରହିଛି । ସେ ମାତ୍ର ୧୧ ରନ କରି ପୁଣି ଫେଲ ମାରିଛନ୍ତି । ତେବେ ଟପ୍‌ ଫର୍ମରେ ଥିବା ଅଭିଜ୍ଞ ଓପନର ଶିଖର ଧାଓ୍ବନ ୮ ରନ କରି ପ୍ୟାଭିଲିୟନ ଫେରିଥିଲେ।

ଏହା ପରେ ସୁରେଶ ରାଇନା ୧୫ ବଲରୁ ୨ ଚୌକା ଓ ୨ ଛକା ସହ ଦ୍ରୁତ ୨୭ ରନ କରି ଆଉଟ ହୋଇଥିଲେ। ସେହିପରି ଲୋକେଶ ରାହୁଲ ୧୭ ବଲରୁ ୧୮ ରନ କରି ଦୁର୍ଭାଗ୍ୟଜନକ ଭାବେ ହିଟ୍‌ ଦି ଉଇକେଟ ହୋଇଥିଲେ। ତେବେ ପଞ୍ଚମ ଉଇକେଟ ଯୋଡିରେ ମନୀଷ ପାଣ୍ଡେ ଓ ଦୀନେଶ କାର୍ତ୍ତିକ ଅପରାଜିତ ୬୮ ରନ କରି ଦଳକୁ ସହଜ ବିଜୟ ପ୍ରଦାନ କରିଥିଲେ । କାର୍ତ୍ତିକ ୨୫ ବଲରୁ ୫ ଚୌକା ସହ ୩୯ ଓ ପାଣ୍ଡେ ୩୧ ବଲରୁ ୩ ଚୌକା ଓ ୧ ଛକା ସହ ୪୨ ରନ କରି ଅପରାଜିତ ରହିଥିଲେ ।

ଶାର୍ଦ୍ଦୁଳ ଠାକୁରଙ୍କ ପ୍ରଭାବୀ ବୋଲିଂ ଏବଂ ପରେ ଦୀନେଶ କାର୍ତ୍ତିକ, ମନୀଷ ପାଣ୍ଡେଙ୍କ ଉପଯୋଗୀ ବ୍ୟାଟିଂ ବଳରେ ଭାରତ ଅତି ସହଜରେ ସିରିଜ୍‌ରେ ଦ୍ୱିତୀୟ ବିଜୟ ହାସଲ କରିଛି । ପ୍ରଥମ ଇଂନିସରେ ଭାରତୀୟ ବୋଲର ଶାର୍ଦୁଲ ଠାକୁରଙ୍କୁ ୪ଟି ୱିକେଟ ମିଳିଥିବାରୁ ତାଙ୍କୁ ‘ମ୍ୟାନ ଅଫ ଦ ମ୍ୟାଚ’ ଚୟନ କରାଯାଇଥିଲା ।

ନିଦହାସ ଟ୍ରଫି : ଶ୍ରୀଲଙ୍କାକୁ ୬ ୱିକେଟରେ ହରାଇଲା ଭାରତ india win 1

ପଢନ୍ତୁ ;

ବନ୍ଦ ହେବ ପ୍ରସିଦ୍ଧ ଧାରାବାହିକ ‘ସାବଧାନ ଇଣ୍ଡିଆ’

Related posts

ଧୋନୀଙ୍କ ଅପେକ୍ଷାରେ ଆଉ ଏକ ନୂଆ ରେକର୍ଡ 

Krishna Kumar Manoj

କେପ୍‌ଟାଉନ୍‌ ଟେଷ୍ଟ: ଦକ୍ଷିଣ ଆଫ୍ରିକା ଠାରୁ ଭାରତ ୭୨ ରନ୍‌ରେ ପରାସ୍ତ

Krishna Kumar Manoj

ଭାରତକୁ ହରାଇ କ୍ୱାର୍ଟରରେ ଆୟରଲାଣ୍ଡ

Krishna Kumar Manoj

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More