• Home
  • SPORTS
  • ନିଦହାସ ଟି-ଟ୍ୱେଂଟି ତ୍ରିରାଷ୍ଟ୍ରୀୟ ସିରିଜ : ବାଂଲାଦେଶକୁ ୬ ଓ୍ଵିକେଟରେ ହରାଇଲା ଭାରତ
SPORTS

ନିଦହାସ ଟି-ଟ୍ୱେଂଟି ତ୍ରିରାଷ୍ଟ୍ରୀୟ ସିରିଜ : ବାଂଲାଦେଶକୁ ୬ ଓ୍ଵିକେଟରେ ହରାଇଲା ଭାରତ

ଟି-ଟ୍ୱେଂଟିରେ ଭାରତର ଧମାକାଦାର ବିଜୟ

ନିଦହାସ୍ ଟ୍ରଫି ଟି-ଟ୍ୱେଂଟି କ୍ରିକେଟ୍ ପ୍ରତିଯୋଗିତାରେ ଭାରତ ପ୍ରଥମ ବିଜୟ ହାସଲ କରିଛି। ଗତକାଲି ୨ୟ ଲିଗ୍‌ ମ୍ୟାଚ୍‌ରେ ବାଂଲାଦେଶକୁ ସହଜରେ ୬ ୱିକେଟରେ ଭାରତ ପରାସ୍ତ କରିଛି। ଭାରତୀୟ ବୋଲର ନିୟମିତ ୱିକେଟ ନେବା ଯୋଗୁଁ ପ୍ରଥମେ ବ୍ୟାଟିଂକରି ବାଂଲାଦେଶ ୮ ୱିକେଟ ହରାଇ ୧୩୯ ରନ୍‌ କରିଥିଲା। ଲିଟନ୍‌ ଦାସ ଓ ସାବିର ରେହ୍‌ମାନ୍‌ ଉପଯୋଗୀ ଇନିଂସ ଖେଳିଥିଲେ ହେଁ ଅନ୍ୟମାନେ ବିଫଳ ହୋଇଥିଲେ। ପରେ ଶିଖର ଧାୱନ୍‌ଙ୍କ ଅର୍ଦ୍ଧଶତକ ବଳରେ ୧୮.୪ ଓଭରରେ ୪ ୱିକେଟ ହରାଇ ଭାରତ ଜିତିଥିଲା। ଶନିବାର ବାଂଲାଦେଶ-ଶ୍ରୀଲଙ୍କା ମୁକାବିଲା ହେବାର ଥିବା ବେଳେ ସୋମବାର ଶ୍ରୀଲଙ୍କା ବିପକ୍ଷରେ ଭାରତ ପରବର୍ତ୍ତୀ ମ୍ୟାଚ୍‌ ଖେଳିବ।

ଗତକାଲିର ଏହି ମହତ୍ୱପୂର୍ଣ୍ଣ ବିଜୟରେ ପ୍ରାରମ୍ଭିକ ବ୍ୟାଟ୍ସମ୍ୟାନ୍ ଶିଖର ଧାଓ୍ଵନ ( ୫୫ ରନ୍, ୪୩ ବଲ, ୫ ଚୌକା, ୨ ଛକା) ପ୍ରମୁଖ ଭୂମିକା ତୁଲାଇଥିଲେ । ତେବେ ବାଂଲାଦେଶ ବ୍ୟାଟିଂରୁ ମେରୁଦଣ୍ଡ ମୁସଫିକର ରହିମ (୧୮) ଓ ଅଧିନାୟକ ମହମ୍ମଦୁଲ୍ଲା (୧)ଙ୍କ ଓ୍ଵିକେଟ୍ ଅକ୍ତିଆର କରିଥିବା ବିଜୟ ଶଙ୍କର ମ୍ୟାଚର ଶ୍ରେଷ୍ଠ ଖେଳାଳି ବିବେଚିତ ହୋଇଥିଲେ।ଅଧିନାୟକ ବିରାଟ କୋହଲିଙ୍କ ସହ ୬ ଜଣ ବରିଷ୍ଠଙ୍କୁ ବିଶ୍ରାମ ଦେଇ ନବାଗତଙ୍କୁ ନେଇ ଶ୍ରୀଲଙ୍କା ଯାଇଥିବା ଭାରତୀୟ କ୍ରିକେଟ୍ ଦଳ ଗତକାଲି ପ୍ରଥମେ ବାଂଲାଦେଶକୁ ମାତ୍ର ୧୩୯ ରନ୍ରେ ଅଟକାଇ ଦେଇଥିଲା । ତା ପରେ ଧାଓ୍ଵନଙ୍କ ଦ୍ରୁତ ଅର୍ଧଶତକ ସହ ସୁରେଶ ରାଇନାଙ୍କ ୨୮ ଏବଂ ମନୀଷ ପାଣ୍ଡେଙ୍କ ଅପରାଜିତ ୨୭ ରନ୍ ବଳରେ ୧୮.୪ ଓଭରରେ ୪ ଓ୍ଵିକେଟ୍ ହରାଇ ୧୪୦ ରନ୍ କରିନେବା ସହ ସହଜ ବିଜୟ ହାସଲ କରିଥିଲା।

ନିଦହାସ ଟି-ଟ୍ୱେଂଟି ତ୍ରିରାଷ୍ଟ୍ରୀୟ ସିରିଜ : ବାଂଲାଦେଶକୁ ୬ ଓ୍ଵିକେଟରେ ହରାଇଲା ଭାରତ india

ପଢନ୍ତୁ;

ମଶାମାନଙ୍କ ଦାଉରୁ ରକ୍ଷା ପାଇବାକୁ ଆପଣାନ୍ତୁ ଏହି ପ୍ରାକୃତିକ ଉପାୟ!

Related posts

ଆଜି ଜାତୀୟ କ୍ରୀଡ଼ା ଦିବସ, ଭାରତୀୟ ହକି କ୍ରୀଡାବିତ ଧ୍ୟାନଚାନ୍ଦଙ୍କୁ ମନେ ପକାଉଚି ଦେଶ

Krishna Kumar Manoj

ବାଂଲାଦେଶ ଦ୍ରୁତ ବୋଲର ରୁବେଲ ହୁସେନ ପ୍ରଶଂସକଙ୍କୁ କ୍ଷମା ମାଗିଲେ

Krishna Kumar Manoj

IDCO Received Prestigious Rashtriya Khel Protsahan Puraskar 2017

Krishna Kumar Manoj

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More