SPORTS

୨୦୩ ରନରେ ପାକିସ୍ତାନକୁ ହରାଇ ଭାରତ ଫାଇନାଲରେ :୧୯ ବର୍ଷରୁ କମ୍‌ କ୍ରିକେଟ୍‌ ବିଶ୍ୱକପ

ଭାରତ ଫାଇନାଲରେ

ନ୍ୟୁଜିଲାଣ୍ଡରେ ଚାଲିଥିବା ୧୯ ବର୍ଷରୁ କମ୍‌ କ୍ରିକେଟ୍‌ ବିଶ୍ୱକପର ଦ୍ୱିତୀୟ ସେମିଫାଇନାଲରେ ଭାରତ ତାର ପାରମ୍ପରିକ ପ୍ରତିଦ୍ୱନ୍ଦୀ ପାକିସ୍ତାନକୁ ବିଶାଳ ୨୦୩ ରନ୍‌ରେ ପରାସ୍ତ କରି ଫାଇନାଲରେ ପ୍ରବେଶ କରିଛି।ଆସନ୍ତା ଶନିବାର ଦିନ ଫାଇନାଲରେ ଭାରତ ଅଷ୍ଟ୍ରେଲିଆକୁ ଭେଟିବ।

୧୯ ବର୍ଷରୁ କମ୍‌ କ୍ରିକେଟ୍‌ ବିଶ୍ୱକପର ତିନି ଥର ବିଜେତା ଭାରତ ଏବଂ ଦୁଇ ଥର ବିଜେତା ପାକିସ୍ତାନ ମଧ୍ୟରେ ଖେଳାଯାଇଥିବା ଦ୍ୱିତୀୟ ସେମିଫାଇନାଲରେ ଭାରତ ଟସ୍‌ ଜିଣି ପଥମେ ବ୍ୟାଟିଂ କରିଥିଳା। ଭାରତ ମାତ୍ର ୧୩ ରନ୍‌ରେ ଦୁଇଟି ଓ୍ଵିକେଟ ହରାଇ ବିପଦରେ ପଡ଼ିଥିଲା। ୧୬୫ରନରେ ୫ ଓ୍ଵିକେଟ ହରାଇ ସଂଘର୍ଷ କରୁଥିବା ଭାରତୀୟ ଦଳ ଶୁଭମନ ଗିଲ ଗିଲଙ୍କ ବିସ୍ଫୋରକ ଶତକ( ୯୩ ବଲ, ୧୦୩ ରନ) ସହାୟତାରେ ନିର୍ଦ୍ଧାରିତ ୫୦ ଓଭରରେ ୯ଓ୍ଵିକେଟ ହରାଇ ୨୭୨ ରନ୍‌ ସଂଗ୍ରହ କରିଥିଲା। ତେବେ ଭାରତର ନିଖୁଣ ବୋଲିଂର ସାମନା କରି ନ ପାରି ମାତ୍ର ୬୯ ରନ୍‌ରେ ପାକିସ୍ତାନ ତାର ସମସ୍ତ ଓ୍ଵିକେଟ ହରାଇ ଭାରତ ଠାରୁ ପୁଣି ଏକ ଲଜ୍ୟାଜନକ ପରାଜୟ ସ୍ୱୀକାର କରିଛି। ଭାରତୀୟ ଦଳର ବୋଲର ଇସାନ ପରେଲ ମାତ୍ର ୧୭ ରନ୍‌ ବିନିମୟରେ ପାକିସ୍ତାନର ୪ ଓ୍ଵିକେଟ ଅକ୍ତିଆର କରି ପାକିସ୍ତାନ ବ୍ୟାଟିଂ ଲାଇନକୁ ଯେପରି ଅସ୍ତବ୍ୟସ୍ତ କରି ଦେଇଥିଲେ, ସେଥିରୁ ଶେଷ ପର୍ଯ୍ୟନ୍ତ ପାକିସ୍ତାନ ମୁକୁଳି ନ ପାରି ଭାରତୀୟ ବୋଲରଙ୍କ ନିକଟରେ ଆତ୍ମ ସମର୍ପଣ କରିଦେଇଥିଲା।

ଫାଇନାଲରେ କଡା ମୁକାବିଲା ଭାରତ ଓ ଅଷ୍ଟ୍ରେଲିଆ ଭିତରେ ଦେଖିବାକୁ ମିଳିବ । ପୂର୍ବରୁ ଟିମ ଇଣ୍ଡିଆ ତିନିଥର ଟ୍ରଫି ଜିତିସାରିଛି । ଜୁନିୟର ବିଶ୍ୱକପରେ ଭାରତର ୬ଥର ଫାଇନାଲରେ ମଧ୍ୟ ପ୍ରବେଶ କରି ସାରିଛି। ଫେବୃୟାରୀ ୩ରେ ଭାରତୀୟ ସମୟ ସକାଳ ୬.୩୦ରେ ଭାରତ-ଅଷ୍ଟ୍ରେଲିଆ ମଧ୍ୟରେ ମ୍ୟାଚ ଖେଳାଯିବ ।

ପଢନ୍ତୁ ;

ଏକାଠି ନଜର ଆସିବେ ସୈଫ୍-ମାଧବନ୍

Related posts

ସନ୍‌ରାଇଜର୍ସକୁ ପରାସ୍ତ କରି ପୁଣି ଶୀର୍ଷରେ ଚେନ୍ନାଇ ସୁପର କିଙ୍ଗସ

Ratnamani Moharana

ମୁଖ୍ୟମନ୍ତ୍ରୀଙ୍କ ପୁରସ୍କାର ଘୋଷଣା:ଦୂତି ପାଇବେ ଦେଢ କୋଟି

ENO Beuro

ନ୍ୟୁଜିଲାଣ୍ଡ ବିପକ୍ଷରେ ଟି୨୦ ଶୃଙ୍ଖଳା ପୂର୍ବରୁ ହିଁ ଜସପ୍ରିତ ବୁମରାହଙ୍କୁ ମିଳିଲା ଫାଇଦା

ENO Beuro

1 comment

Leave a Comment