News

ଚତୁର୍ଥ ଅନ୍ତରାଷ୍ଟ୍ରୀୟ ବିଜ୍ଞାନ ମେଳାକୁ ଉଦଘାଟନ କରିବେ ରାଷ୍ଟ୍ରପତି

science

ଆଇଆଇଏସଏଫ 2018 ହେବ ଦିବଂଗତ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ପ୍ରତି ଶ୍ରଦ୍ଧାଞ୍ଜଳି : ଡକ୍ଟର ହର୍ଷବର୍ଦ୍ଧନ

ଆସନ୍ତା ଅକ୍ଟୋବର 6, 2018 ତାରିଖ ଦିନ ଲକ୍ଷ୍ନୌଠାରେ ଭାରତ ଆନ୍ତର୍ଜାତିକ ବିଜ୍ଞାନ ମେଳା (IISF)ର ଚତୁର୍ଥ ସଂସ୍କରଣ ଆୟୋଜିତ ହେବ । ରାଷ୍ଟ୍ରପତି ଶ୍ରୀ ରାମ ନାଥ କୋବିନ୍ଦ ଏହି ମେଳାକୁ ଉଦ୍‌ଘାଟନ କରିବେ । ଆଇଆଇଏସଏଫ- 2018ରେ ଦେଶ ବିଦେଶର 5000 ଛାତ୍ରଛାତ୍ରୀଙ୍କ ସମେତ ପ୍ରାୟ 10000 ପ୍ରତିନିଧି ଯୋଗ ଦେବାର ସମ୍ଭାବନା ରହିଛି । ସେମାନଙ୍କ ଭିତରେ ଉତ୍ତର ପୂର୍ବାଞ୍ଚଳ କ୍ଷେତ୍ରରୁ 550 ଶିକ୍ଷକ ଏବଂ 200 ଛାତ୍ରଛାତ୍ରୀ ସାମିଲ ରହିବେ । ଏହା ବ୍ୟତୀତ ଏହି ମେଳାରେ 20ଜଣ ଆନ୍ତର୍ଜାତିକ ପ୍ରତିନିଧି ତଥା ପ୍ରାୟ 200 ଷ୍ଟାର୍ଟ ଅପ୍‌ ଯୋଗ ଦେବାର କାର୍ଯ୍ୟକ୍ରମ ରହିଛି।

ନୂଆଦିଲ୍ଲୀଠାରେ ଏହି ମେଳାର କର୍ଟେନ ରେଜର କାର୍ଯ୍ୟକ୍ରମରେ ଉଦ୍‌ବୋଧନ ଦେଇ କେନ୍ଦ୍ର ବିଜ୍ଞାନ ଓ ପ୍ରଯୁକ୍ତି ମନ୍ତ୍ରୀ ଡକ୍ଟର ହର୍ଷବର୍ଦ୍ଧନ କହିଲେ ଯେ ଆଇଆଇଏସଏଫ ଦେଶର ବିଭିନ୍ନ ଭାଗର ଛାତ୍ରଛାତ୍ରୀମାନଙ୍କୁ ଏକଜୁଟ କରିବାର ସର୍ବବୃହତ୍‌ ପ୍ଲାଟଫର୍ମ । ଏଥିରେ ଛାତ୍ରଛାତ୍ରୀମାନଙ୍କ ବ୍ୟତୀତ ଶିକ୍ଷକ, ଗବେଷକ, ଅଭିନବ ଉଦ୍ଭାବନକାରୀ, କଳାକାର ଏବଂ ସାଧାରଣ ଜନତା ଏକତ୍ରିତ ହେବେ । ବିଜ୍ଞାନ ଓ ପ୍ରଯୁକ୍ତି କ୍ଷେତ୍ରରେ ଦେଶ କେତେ ସଫଳତା ହାସଲ କରିଛି ତାହା ସେମାନେ ଏକତ୍ର ଏକ ଉତ୍ସବ ଆକାରେ ମନାଇବେ । ବିଜ୍ଞାନ ଓ ପ୍ରଯୁକ୍ତି ପ୍ରତି ଯୁବଗୋଷ୍ଠୀ ତଥା ଛାତ୍ରଛାତ୍ରୀମାନଙ୍କୁ ଆକୃଷ୍ଟ ଏବଂ ଉତ୍ସାହିତ କରିବା ହେଉଛି ଆଇଆଇଏସଏଫ କାର୍ଯ୍ୟକ୍ରମର ମୂଳ ଉଦ୍ଦେଶ୍ୟ ।ପୁଣି ଦେଶରେ ବିଜ୍ଞାନ ଓ ପ୍ରଯୁକ୍ତିର ବାତାବରଣକୁ ଆଗକୁ ଆଗେଇ ନେବା ଏବଂ ଏକତ୍ର ତଥା ସହଯୋଗ ଭିତ୍ତିରେ ଏହି କ୍ଷେତ୍ରରେ କାର୍ଯ୍ୟ କରିବା ଲାଗି ଏହି ମେଳା ବିଶେଷ ଭାବେ ସହାୟକ ହୋଇପାରିବ ବୋଲି ମନ୍ତ୍ରୀ ଡକ୍ଟର ହର୍ଷବର୍ଦ୍ଧନ ମତ ପୋଷଣ କରିଥିଲେ ।

science

2015 ମସିହା ଠାରୁ ଆଇଆଇଏସଏଫରେ ବିଶ୍ୱ ରେକର୍ଡ଼ ପ୍ରୟାସକୁ ଏକ ଗୁରୁତ୍ୱପୂର୍ଣ୍ଣ ଅଙ୍ଗ ଭାବେ ଗ୍ରହଣ କରାଯାଇଛି ସେହି ଦୃଷ୍ଟିରୁ ଆଇଆଇଏସଏଫ – 2018ରେ ଅଷ୍ଟମରୁ ଦଶମ ଶ୍ରେଣୀ ମଧ୍ୟରେ ଅଧ୍ୟୟନରତ 500 ଛାତ୍ରଛାତ୍ରୀମାନଙ୍କ ଦ୍ୱାରା “ଡ଼ିଏନଏ ପୃଥକୀକରଣ”ର ଏକ ବିଶ୍ୱ ରେକର୍ଡ଼ ଦିଗରେ ପ୍ରୟାସ କରାଯିବ ।ସହଭାଗୀତା ଗଠନ: “ରାଜ୍ୟ ବିଜ୍ଞାନ ଓ ପ୍ରଯୁକ୍ତି ମନ୍ତ୍ରୀଙ୍କ ସମ୍ମିଳନୀ”ରେ ସମାଜ ଉପରେ ବିଜ୍ଞାନ ଓ ପ୍ରଯୁକ୍ତିର ପ୍ରଭାବକୁ ଶୀର୍ଷକ ଭାବେ ଗ୍ରହଣ କରାଯାଇଛି । ସେହିପରି ଆଇଆଇଏସଏଫ- 2018ରେ ନବ ଭାରତ ନିର୍ମାଣ ଏବଂ ବିଜ୍ଞାନ ଓ ସାକ୍ଷରତା ଉତ୍ସବ ହେଉଛି ଅନ୍ୟତମ ପ୍ରମୁଖ କାର୍ଯ୍ୟକ୍ରମ । ଏହି ଉତ୍ସବ ସମସ୍ତ ପକ୍ଷଙ୍କୁ ଏକତ୍ର ଗୋଟିଏ ଛତା ତଳେ ଏକଜୁଟ କରି ବିଜ୍ଞାନ ଓ ପ୍ରଯୁକ୍ତିର ଅବଦାନ ଓ ଭାରତ ସରକାରଙ୍କ ବିଭିନ୍ନ ଫ୍ଲାଗସିପ କାର୍ଯ୍ୟକ୍ରମରେ ସେସବୁର ଉପଯୋଗ ଉପରେ ଆଲୋଚନା କରାଯିବ।

ଆଇଆଇଏସଏଫର ପ୍ରଥମ ଓ ଦ୍ୱିତୀୟ ସଂସ୍କରଣ ନୂଆ ଦିଲ୍ଲୀଠାରେ ଆୟୋଜିତ ହୋଇଥିଲା । ଏହାର ତୃତୀୟ ସଂସ୍କରଣ ଚେନ୍ନାଇ ଠାରେ ଅନୁଷ୍ଠିତ ହୋଇଥିଲା । ଚଳିତ ବର୍ଷ ଅକ୍ଟୋବର 5-8 ତାରିଖ ପର୍ଯ୍ୟନ୍ତ ଏହି ଚାରିଦିନିଆ ବିରାଟ କାର୍ଯ୍ୟକ୍ରମ ଲକ୍ଷ୍ନୌଠାରେ ଆୟୋଜିତ ହେଉଛି । କେନ୍ଦ୍ର ବିଜ୍ଞାନ ଓ ପ୍ରଯୁକ୍ତି ମନ୍ତ୍ରଣାଳୟ, ଭୂବିଜ୍ଞାନ ମନ୍ତ୍ରଣାଳୟ ଏବଂ ବିଜ୍ଞାନ ଭାରତୀ ଅଥବା ବିଭାର ମିଳିତ ସହଯୋଗରେ ଏହା ଆୟୋଜନ କରାଯାଉଛି । ମୁଖ୍ୟ ଉତ୍ସବର ପ୍ରାରମ୍ଭିକ କାର୍ଯ୍ୟକ୍ରମ ଭାବେ ଜୈବପ୍ରଯୁକ୍ତି ବିଭାଗ ଏବଂ ବିଜ୍ଞାନ ଭାରତୀ ଦେଶର 80ଟି ସ୍ଥାନରେ ଆଉଟରିଚ୍‌ କାର୍ଯ୍ୟକ୍ରମର ଆୟୋଜନ କରୁଛି।

ପଢନ୍ତୁ; ବାରମ୍ବାର ସ୍ଵପ୍ନରେ ସର୍ପ ଦେଖୁଛନ୍ତି ? କେତେବେଳେ ସର୍ପ ଦେଖିଲେ ଶୁଭଫଳ ପ୍ରାପ୍ତି ହୁଏ, ଜାଣି ରଖନ୍ତୁ

Related posts

ବାହୁଡାଯାତ୍ରା ବେଳେ ଅଘଟଣ: ରଥ ଚକା ତଳେ ଚାଲିଗଲା ଜୀବନ

ENO Beuro

୩ ମାସ ମଧ୍ୟରେ ମହାନଦୀ ନୀତି ପ୍ରସ୍ତୁତ କରିବାକୁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ !

ENO Beuro

ଆମ୍ବୁଲାନ୍ସ ଡୋର ନ ଖୋଲିବାରୁ ଶିଶୁର ମୃତ୍ୟୁ

ENO Beuro

Leave a Comment