News

ନିଜକୁ ଗୁଳି ଆତ୍ମହତ୍ୟା କଲେ ବରିଷ୍ଠ ଆଇପିଏସ୍ ଅଫିସର

କ୍ୟାନସରରେ ପୀଡ଼ିତ ଥିଲେ

ମହାରାଷ୍ଟ୍ର ଆଣ୍ଟି-ଟେରୋରିଜିମ୍ ସ୍କ୍ୱାଡ୍‌ର ମୁଖ୍ୟ ତଥା ଆଇପିଏସ୍ ଅଫିସ୍‌ର ହିମାଂଶୁ ରାୟ ଆଜି ଆତ୍ମହତ୍ୟା କରିଛନ୍ତି । ନିଜ ସର୍ଭିସ୍ ରିଭଲଭରରେ ମୁଣ୍ଡକୁ ଗୁଳିକରି ଅତ୍ମହତ୍ୟା କରିଛନ୍ତି ହିମାଂସୁ ରାୟ । ତାଙ୍କୁ ସଙ୍ଗେ ସଙ୍ଗେ ନିକଟସ୍ଥ ବମ୍ବେ ହସ୍‌ପିଟାଲ୍‌ରେ ଭର୍ତ୍ତି କରାଯାଇଥିଲା।  ତେବେ ଡାକ୍ତରମାନେ ତାଙ୍କୁ ସେଠାରେ ମୃତ ଘୋଷଣା କରିଥିଲେ । ଡାକ୍ତରଖାନା ଅଣାଯିବା ବେଳକୁ ତାଙ୍କର ମୃତ୍ୟୁ ଘଟି ସାରିଥିବା ଡାକ୍ତରମାନେ କହିଛନ୍ତି ।

ଗତ ଦୁଇ ବର୍ଷ ହେବ ହିମାଂସୁ ରାୟ କ୍ୟାନସରରେ ପିଡିତ ଥାଇ ଚିକିତ୍ସା ହେଉଥିଲେ । ସେଥିପାଇଁ ଏପ୍ରିଲ୍‌ ୨୦୧୬ଠାରୁ ସେ ଛୁଟିରେ ଥିଲେ । ପ୍ରଥମ ପର୍ଯ୍ୟାୟରେ ସେ ୬ ମାସ ପାଇଁ ଛୁଟି ନେଇଥିଲେ। ତା’ପରେ ସେ ଅନିର୍ଦ୍ଦିଷ୍ଟ କାଳ ପାଇଁ ଛୁଟି ନେଇଥିଲେ। ତେବେ ଆତ୍ମହତ୍ୟାର କାରଣ ଜଣାପଡ଼ିନାହିଁ। ହିମାଂଶୁ ୧୯୮୮ ବ୍ୟାଚ୍‌ର ଆଇପିଏସ୍ ଅଫିସର ।

ହିମାଂଶୁ  ୨୦୧୦ରୁ ୨୦୧୪ ପର୍ଯ୍ୟନ୍ତ ମୁମ୍ବାଇ ପୋଲିସ୍‌ରେ ଜଏଣ୍ଟ କମିଶନର (କ୍ରାଇମ୍‌) ଭାବେ କାର୍ଯ୍ୟ କରିଥିଲେ । ଏହି ସମୟରେ ସେ ଆଇପିଏଲ୍ ବେଟିଂ ସହିତ ଜଡ଼ିତ ସ୍କାଣ୍ଡାଲର ତଦନ୍ତ କରିଥିଲେ। ଅନେକ ହାଇପ୍ରୋଫାଇଲ୍‌ ଅପରାଧର ତଦନ୍ତ ମଧ୍ୟ ସେ କରିଥିଲେ । ଦାଉଦର ଭାଇ ଇକ୍‌ବାଲ କସକରର ଡ୍ରାଇଭର ଅରିଫକୁ ଗୁଳିମାଡ଼ ଘଟଣା ସହିତ ସାମ୍ବାଦିକ ଜେ ଦେ, ବିଜୟ ପାଲାଣ୍ଡେ ଓ ଲୈଲା ଖାନ୍ ହତ୍ୟାକାଣ୍ଡ ଘଟଣାର ତଦନ୍ତରେ ସେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ ।

ପଢନ୍ତୁ ;

ଲୋକପ୍ରିୟ ଅଭିନେତ୍ରୀ ଅନିତା ଦାସଙ୍କ ହୃଦଘାତରେ ପରଲୋକ

Related posts

ଡିସେମ୍ବର ୨୭ ତାରିଖଠାରୁ ଆଇଡିବିଆଇ ବ୍ୟାଙ୍କ କର୍ମଚାରୀମାନଙ୍କ ଧର୍ମଘଟ

ENO Beuro

ସୁସ୍ଥ ହୋଇ ଓଡିଶା ଫେରିଲେ ଓଲିଉଡ ହାସ୍ୟ ଅଭିନେତା ପପୁ ପମପମ୍

ENO Beuro

ଫ୍ରାନ୍ସର ରାଷ୍ଟ୍ରପତି ଏବଂ ନରେନ୍ଦ୍ର ମୋଦୀଙ୍କ ମଧ୍ୟରେ ଦ୍ଵିପାକ୍ଷିକ ଆଲୋଚନା, ସ୍ଵାକ୍ଷରିତ ହେଲା ୧୪ଟି ଚୁକ୍ତିନାମା

ENO Beuro

1 comment

Leave a Comment