• Home
  • News
  • ଶୁଭାରମ୍ଭ ହେଲା ଜାହାଜ ମାଲିକଙ୍କ ପାଇଁ ସ୍ପତନ୍ତ୍ର ପୋର୍ଟାଲ
News

ଶୁଭାରମ୍ଭ ହେଲା ଜାହାଜ ମାଲିକଙ୍କ ପାଇଁ ସ୍ପତନ୍ତ୍ର ପୋର୍ଟାଲ

ଭାରତୀୟ ଅନ୍ତଃଜଳପଥ କର୍ତ୍ତୃପକ୍ଷ (IWAI) ଜାହାଜ ମାଲିକ ଓ ଏଥିରେ ଯାଉଥିବା ପଣ୍ୟର ମାଲିକଙ୍କ ପାଇଁ ଏକ ସ୍ୱତନ୍ତ୍ର ପୋର୍ଟାଲର ଶୁଭାରମ୍ଭ କରିଛନ୍ତି । ଏଥିରୁ ଜାହାଜ ଚଳାଚଳ ସମ୍ପର୍କରେ ସମୟୋପଯୋଗୀ ତଥ୍ୟ ମିଳିପାରିବ। ଏହି ଇ-ଯୋଗାଯୋଗ ବ୍ୟବସ୍ଥା ଜରିଆରେ ଜାହାଜ ପରିଚାଳନା କରୁଥିବା କମ୍ପାନି, ଜାହାଜ ମାଲିକ ଏବଂ ପଣ୍ୟ ମାଲିକମାନେ ଗୋଟିଏ ପ୍ଲାଟଫର୍ମରେ ତଥ୍ୟ ହାସଲ କରିପାରିବେ । ଏବେ ଏପରି କୌଣସି ପ୍ଲାଟଫର୍ମ କାର୍ଯ୍ୟ କରୁନାହିଁ । ଏହି ପୋର୍ଟାଲ IWAIର ନିଜସ୍ୱ ଆଇଟି ଓ ଟ୍ରାଫିକ ଶାଖା ଦ୍ୱାରା ପ୍ରସ୍ତୁତ ହୋଇଛି । ଜାତୀୟ ଜଳପଥର ବିକାଶ ସହ ଏହାର ସର୍ବାଧିକ ସଦୁପଯୋଗ ପାଇଁ ଏହାକୁ ପ୍ରସ୍ତୁତ କରାଯାଇଛି ।

ଆଇଡବ୍ଲୁଏଆଇର ପୋର୍ଟାଲ www.iwai.nic.in.ରେ କାର୍ଗୋ ଓନର୍ସ ଆଣ୍ଡ ଏଜିଷ୍ଟିକ୍ସ ଅପରେଟର୍ସ (ଫୋକାଲ) ଲିଙ୍କରେ ଏହି ତଥ୍ୟ ମିଳିପାରିବ । ପୋର୍ଟାଲର ଶୁଭାରମ୍ଭ କରି ଆଇଡବ୍ଲୁଏଆଇ ଅଧ୍ୟକ୍ଷ ନୂତନ ଗୁହା ବିଶ୍ୱାସ କହିଲେ ଯେ, ଭାରତରେ ଆନ୍ତଃ ଜଳପଥ ପରିବହନର ବିକାଶ ପାଇଁ ପ୍ରତିବଦ୍ଧତା ସ୍ୱରୂପ ଏହି ପଦକ୍ଷେପ ନିଆଯାଇଛି।

ଫୋକାଲ ଜାହାଜ ମାଲିକ ଓ ପଣ୍ୟ ପରିଚାଳନା କରୁଥିବା ଅପରେଟରମାନଙ୍କ ଆବଶ୍ୟକତା ପୂରଣ କରିବାରେ ସହାୟକ ହେବ । ବ୍ୟବହାରକାରୀ ମାନେ ଉପଲବ୍ଧ ଥିବା ଜାହାଜ କିମ୍ବା ପଣ୍ୟ ବାବଦରେ ତଥ୍ୟ ଦେଇ ପଞ୍ଜିକୃତ ହୋଇପାରିବେ । ଜାହାଜ ମାଲିକମାନେ ସେମାନଙ୍କ ଜାହାଜର ଶ୍ରେଣୀ, ଯାତ୍ରାରମ୍ଭ ଓ ଗନ୍ତବ୍ୟ ସ୍ଥଳ ସମ୍ପର୍କରେ ସବିଶେଷ ତଥ୍ୟ ଏଠାରେ ପ୍ରଦାନ କରିପାରିବେ।

ଶୁଭାରମ୍ଭ ହେଲା ଜାହାଜ ମାଲିକଙ୍କ ପାଇଁ ସ୍ପତନ୍ତ୍ର ପୋର୍ଟାଲ ଶୁଭାରମ୍ଭ ହେଲା ଜାହାଜ ମାଲିକଙ୍କ ପାଇଁ ସ୍ପତନ୍ତ୍ର ପୋର୍ଟାଲ ship

ସୀମିତ ସଂଖ୍ୟକ ଜାହାଜର ମାଲିକାନା ରଖିଥିବା ଆଇଡବ୍ଲୁଏଆଇ ଏହି ପୋର୍ଟାଲ ଜରିଆରେ ଭାରତୀୟ ଜଳପଥର ବାଣିଜ୍ୟିକ ଓ ପ୍ରଯୁକ୍ତିଗତ ପରିଚାଳନା କ୍ଷମତା ପାଇପାରିବ। ସମନ୍ୱିତ ପରିବହନ ନେଟୱର୍କ ପାଇଁ ଭାରତ ସରକାର ଜାତୀୟ ଜଳପଥର ବିକାଶ କରୁଛନ୍ତି । ଯାହାକି ପରିବହନ ବ୍ୟବସ୍ଥାକୁ ସୁବ୍ୟବସ୍ଥିତ କରିବା ସହ ଭାରତୀୟ ଅର୍ଥନୀତି ଉପରେ ପଡ଼ୁଥିବା ଏହାର ଖର୍ଚ୍ଚ ହ୍ରାସ କରିପାରିବ । ଏବେ ଦେଶ ଅର୍ଥନୀତିରେ ପଣ୍ୟ ପରିବହନ ଖର୍ଚ୍ଚ ମୋଟ ଘରୋଇ ଉତ୍ପାଦର 15% ଯାହାକି ଯୁକ୍ତରାଷ୍ଟ୍ର ଆମେରିକା ଭଳି ଦେଶ ତୁଳନାରେ ଦୁଇଗୁଣ।

ଶୁଭାରମ୍ଭ ହେଲା ଜାହାଜ ମାଲିକଙ୍କ ପାଇଁ ସ୍ପତନ୍ତ୍ର ପୋର୍ଟାଲ ଶୁଭାରମ୍ଭ ହେଲା ଜାହାଜ ମାଲିକଙ୍କ ପାଇଁ ସ୍ପତନ୍ତ୍ର ପୋର୍ଟାଲ iwai

ପଢନ୍ତୁ;ରାଜ୍ୟ ସରକାରଙ୍କ ମଞ୍ଜୁରି ପରେ ଆରମ୍ଭ ହେବ ଓଡ଼ିଶାର ଉପକୂଳ ରାଜପଥ ପ୍ରକଳ୍ପ

Related posts

ଖୋର୍ଦ୍ଧା ବୋଲଗଡ଼ ପିଚୁକୁଳିରେ ଦୁଇ ଦୁଇଟି ମର୍ମନ୍ତୁଦ ସଡ଼କ ଦୁର୍ଘଟଣା

Krishna Kumar Manoj

ଆସିଛି ଶୀତ ଋତୁ , ଚିଲିକାରେ ୩୦ ହଜାରରୁ ଉର୍ଦ୍ଧ୍ଵ ବିଦେଶୀ ପକ୍ଷୀଙ୍କ ସମାଗମ

Krishna Kumar Manoj

ଦିଲ୍ଲୀ :ସ୍କୁଲରେ ୯ମ ଶ୍ରେଣୀ ଛାତ୍ରଙ୍କୁ ହତ୍ୟା,୩ ଛାତ୍ର ଗିରଫ

Krishna Kumar Manoj

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More