ଧମକପୂର୍ଣ୍ଣ ଚିଠିରୁ ଦିଗ ବଦଳାଇଲା ଜେଟ ଏୟାରୱେଜର ୯ଡବ୍ଲ୍ୟୁ୩୩ ବିମାନ

ଧମକପୂର୍ଣ୍ଣ ଚିଠିରୁ ଦିଗ ବଦଳାଇଲା ଜେଟ ଏୟାରୱେଜର ୯ଡବ୍ଲ୍ୟୁ୩୩ ବିମାନ

ମୁମ୍ବାଇରୁ ଦିଲ୍ଲୀ ଯାଉଥିବା ଜେଟ ଏୟାରୱେଜର ୯ଡବ୍ଲ୍ୟୁ୩୩ ବିମାନ ଟି ସୁରକ୍ଷା ଦୃଷ୍ଟିରୁ ଦିଗ ବଦଳାଇଛି ଓ  ଅହମ୍ମଦାବାଦରେ ଅବତରଣ କରିଛି । ଗୋଳାବାରୁଦ ବିମାନରେ ଅଛି ଓ ଏକ ଧମକପୂର୍ଣ୍ଣ ଚିଠି ବିମାନର ବାଥରୁମରୁ ମିଳିବା ପରେ ଏହି ପଦକ୍ଷେପ ନିଆଯାଇଥିବା ଜଣାପଡିଛି । ବିମାନରେ ଯେଉଁ ବ୍ୟକ୍ତି ଏହି ଚିଠି ରଖିଥିଲେ ତାଙ୍କୁ ଚିହ୍ନଟ କରାଯାଇଥିବା ସୂଚନା ମିଳିଛି ।

ଗତକାଲି ରାତି ପ୍ରାୟ ୨ଟା ୫୫ ମିନିଟରେ ମୁମ୍ବାଇରୁ ଦିଲ୍ଲୀ ଅଭିମୁଖେ ଜେଟ ଏୟାରୱେଜର ୯ଡବ୍ଲୁ୩୩ ବିମାନ ଉଡାଣ ଭରିଥିଲା । କିନ୍ତୁ ଦିଲ୍ଲୀ ବିମାନବନ୍ଦରରେ ପହଞ୍ଚିବା ପୂର୍ବରୁ ବିମାନ କର୍ମଚାରୀଙ୍କ ମଧ୍ୟରେ ଭୟର ବାତାବରଣ ଖେଳି ଯାଇଥିଲା ।  ବିମାନର ବାଥରୁମରୁ ମିଳିଥିବା ଉର୍ଦ୍ଦୁ ଭାଷାରେ ଲେଖାଥିବା ଏକ ଚିଠିରେ ବିମାନକୁ ଅପହରଣ କରିବା ପାଇଁ ଧମକ ଦିଆଯାଇଥିଲା । ବିମାନକୁ ଅପହରଣକାରୀ ହାଇଜାକ କରିସାରିଛନ୍ତି । ତେଣୁ ଦିଲ୍ଲୀ ପରିବର୍ତ୍ତେ ସିଧାସଳଖ ଏହାକୁ ପିଓକେ ନେବା ପାଇଁ ଚିଠିରେ ଉଲ୍ଲେଖ ଥିଲା । ଯଦି ବିମାନଟି ଦିଲ୍ଲୀରେ ଅବତରଣ କରେ ତେବେ ବଡ ଧରଣର ବିସ୍ଫୋରଣ ହେବ ବୋଲି ଚିଠିରେ ଉଲ୍ଲେଖ ଥିଲା ।

ଏଭଳି ଚିଠି ବିମାନରୁ ମିଳିବା ପରେ ତୁରନ୍ତ ବିମାନକୁ ୩ଟା ୪୫ ମିନିଟରେ ଅହମ୍ମଦାବାଦ ବିମାନବନ୍ଦରରେ ଅବତରଣ କରାଯାଇଥିଲା । ବିମାନବନ୍ଦର ସୁରକ୍ଷାକର୍ମୀଙ୍କ କହିବା ଅନୁଯାୟୀ, ବିମାନକୁ ଅପହରଣ କରିବା ପାଇଁ ଧମକପୂର୍ଣ୍ଣ ଫୋନକଲ ଆସିବା ପରେ ବିମାନର ରୁଟରେ ପରିବର୍ତ୍ତନ କରି ଏହାକୁ ଅହମ୍ମଦାବାଦରେ ଅବତରଣ କରାଯାଇଛି । ବିମାନର ଯାଉଥିବା ଏକ ଯାତ୍ରୀଙ୍କ କହିବା ଅନୁଯାୟୀ, ସୁରକ୍ଷା ସମ୍ବନ୍ଧୀୟ କାରଣ ପାଇଁ ବିମାନକୁ ଅହମ୍ମଦାବାଦରେ ଅବତରଣ କରି ସମସ୍ତ ଯାତ୍ରୀଙ୍କର ପୁର୍ନବାର ଯାଞ୍ଚ କରାଯାଇଥିଲା ।

ଏହି ବିମାନଟିରେ ୭ ଜଣ ବିମାନ କର୍ମଚାରୀଙ୍କ ସହିତ ୧୨୨ ଜଣ ଯାତ୍ରୀ ଥିଲେ ।

ଧମକପୂର୍ଣ୍ଣ ଚିଠିରୁ ଦିଗ ବଦଳାଇଲା ଜେଟ ଏୟାରୱେଜର ୯ଡବ୍ଲ୍ୟୁ୩୩ ବିମାନ

ପଢନ୍ତୁ, ଦୁଇଭାଇ ଟିକେ ଭଲ ଅଛନ୍ତି – ଦିଲ୍ଲୀ ଏମ୍ସର ଡାକ୍ତର ଅଶୋକ ମହାପାତ୍ର