23 C
Bhubaneswar
January 15, 2021
EnewsOdia.Com
ନ୍ୟୁଜ୍

ବଇଁଶୀ ବଜାଇ ଦୃଷ୍ଟିହୀନ ପବିତ୍ର ଭିକ୍ଷାବୃତ୍ତି କରି ମାଆଙ୍କୁ ପୋଷୁଛନ୍ତି ବୋଝ କହି ଅସହାୟ ବୁଢୀ ମାଆକୁ ପର କରିଦେଲା ବଡ ପୁଅ…

ବାପା ମାଆ ତାଙ୍କ ପିଲାମାନଙ୍କୁ ଢେର ସାରା ଭଲପାଇବା, ସ୍ନେହ, ଶ୍ରଦ୍ଧା ଦେଇ ବଡ କରିଥାନ୍ତି । ଆଉ ସେଇ ପିଲା ଏବେ ବଡ ହୋଇ ବାପା ମା’ଙ୍କୁ ଘରୁ ବାହାର କରିଦେବା ସହ ଅକଥନୀୟ ନିର୍ଯାତନା ଦେଉଛନ୍ତି । ପୂର୍ବ ଯୁଗରେ ଶ୍ରବଣ କୁମାରଙ୍କ କଥା ତ ଆପଣମାନେ ନିଶ୍ଚୟ ଶୁଣିଥିବେ । କିନ୍ତୁ ଆଜିକାଲି ଯୁଗରେ ବାପା ମାଙ୍କ ପ୍ରତି ଏପରି ଭଲପାଇବା ଖୁବ କମ ହିଁ ଦେଖିବାକୁ ମିଳିଥାଏ । ଠିକ ଶ୍ରବଣ କୁମାରଙ୍କ ଭଳି ଜନ୍ମଦାତାଙ୍କ ପ୍ରତି ଥିବା ଭଲପାଇବା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ସର୍ଗିପଲା ଗାଁରେ । ଦୃଷ୍ଟିହୀନ ହୋଇ ଥିଲେ ମଧ୍ୟ ଜନ୍ମଦାତାଙ୍କ ପାଇଁ ବୋଝ ନପାଲଟି ବରଂ ତାଙ୍କ ବୋଝ ନିଜ କାନ୍ଧକୁ ନେଇଛନ୍ତି ପବିତ୍ର ଧଙ୍ଗଡାମାଝୀ ।

କଳାହାଣ୍ଡି ଜିଲ୍ଲା ମଦନପୁର ରାମପୁର ସର୍ଗିପଲା ଗାଁର ପବିତ୍ର ଧଙ୍ଗଡାମାଝୀ ଜନ୍ମରୁ ଦୃଷ୍ଟିହୀନ । ତଥାପି ଜୀବନ ଯୁଦ୍ଧରେ ହାର୍ ନମାନି ଭିକ୍ଷାବୃତ୍ତି କରି ରୋଗୀଣା ମାଆଙ୍କୁ ପୋଷିବା ସହ ନିଜ ପେଟ ଚାଖଣ୍ଡକ ପାଇଁ ବି ଦାନା ଯୋଗାଡ କରୁଛନ୍ତି । ଆଉ ଏଥିରେ ତାଙ୍କର ସାହାର ସାଜିଛି ତାଙ୍କ ବଇଁଶୀ ଖଣ୍ଡିକ । ତେବେ ବାପା ବଂଚିଥିବା ପର୍ଯ୍ୟନ୍ତ ପବିତ୍ରଙ୍କୁ ଭିକ୍ଷା ମାଗିବାକୁ ପଡୁନଥିଲା । ବାପାଙ୍କ ଦେହାନ୍ତ ପରେ ଅନ୍ୟ ଜଣେ ଭାଇ ନିଜ ପରିବାର ଧରି ଅଲଗା ରହୁଛନ୍ତି । ମାଆ ପୁଅ ଚଳିବା ପାଇଁ ତାଙ୍କ ସଂପର୍କୀୟ ମାମୁଁ ଘର ଗାଁକୁ ଚାଲି ଆସିଥିଲେ ।

ଆଉ ପେଟ ପୋଷିବା ପାଇଁ ଶେଷରେ ଭିକ୍ଷାବୃତ୍ତିକୁ ଆପଣେଇ ନେଇଥିଲେ ପବିତ୍ର । ମାଆ ତାଙ୍କୁ ବାଡି ଧରି ଗାଁକୁ ଗାଁ ବୁଲାନ୍ତି ଏବଂ ପବିତ୍ର ନିଜ ବଂଶୀ ବଜାଇ ଲୋକଙ୍କ ଧ୍ୟାନ ଆକର୍ଷଣ କରି ଭିକ୍ଷା ମାଗନ୍ତି । ବିନା ଗୁରୁରେ ବଂଶୀ ବଜାଇବା ଶିଖିଛନ୍ତି ପବିତ୍ର । ସୁମଧୁର ସ୍ୱରରେ ବଂଶୀ ବଜାଉଥିବାରୁ ଲୋକେ ତାଙ୍କୁ ଖୁସିରେ ଯାହା ଦିଅନ୍ତି ସେଥିରେ ପବିତ୍ର ଓ ତାଙ୍କ ମାଆ ଚଳନ୍ତି । ତେବେ ଭିକ୍ଷା ବୃତ୍ତି କରି ଚଳୁଥିଲେ ମଧ୍ୟ ପବିତ୍ର ଓ ତାଙ୍କ ମାଆଙ୍କୁ ରାସନ କାର୍ଡଟିଏ ମିଳିନାହିଁ । ଘର ନଥିବାରୁ ଭଙ୍ଗା ଦଦରା ଘରେ ରହୁଛନ୍ତି ମାଆ-ପୁଅ । ଯଦି ପ୍ରଶାସନ ପକ୍ଷରୁ ସହାୟତା ମିଳନ୍ତା ତେବେ ଏମାନଙ୍କ ଦୁଃଖ କିଛି ମାତ୍ରାରେ ଲାଘବ ହୋଇପାରନ୍ତା ବୋଲି ବୃଦ୍ଧିଜୀବୀଙ୍କ ମହଲରେ ମତ ପ୍ରକାଶ ପାଇଛି ।

Related posts

ଚର୍ଚ୍ଚାରେ ଚୁଇଙ୍ଗମ ମ୍ୟାନ ବେନ ବିଳ୍ସନ

Ratnamani Maharana

୧୫ ମାସ ମଧ୍ୟରେ ଭାରତରେ ସତ ହେବ ସ୍ଵପ୍ନ, ୩ ମିନିଟରେ ବିମାନ ଭଳି ଉଡ଼ିବ କାର

Ratnamani Maharana

ଅଦରକାରୀ ଶିଶୁଙ୍କୁ ଫୋପାଡିବା ପାଇଁ ଝୁଲା ବ୍ୟବସ୍ଥା କରି ଅଡୁଆରେ ପୁରୀ ସିଡିଏମଓ

Ratnamani Maharana

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More