ଓଡିଆ ଗୀତରେ ଲିପ୍ସିଙ୍ଗ କରି ପୁଣି ଚର୍ଚ୍ଚାରେ ତାଞ୍ଜାନିଆର ଭାଇ-ଭଉଣୀ କିଲି-ନୀମା

ସୋସିଆଲ ମିଡ଼ିଆ ସେନସେସନ ପାଲଟିଥିବା ତାଞ୍ଜାନିଆର ଭାଇ-ଭଉଣୀ ଯୋଡି  କିଲି-ନୀମା (Kili paul-Neema paul) ପୁଣି ଥରି ଚର୍ଚ୍ଚାକୁ ଆସିଛନ୍ତି । ଏଥର କୌଣସି ବଲିଉଡ଼ ଗୀତକୁ ନୁହେଁ ସେମାନେ ଏକ ଓଡ଼ିଆ ଗୀତରେ ରିଲସ କରି ସାଉଁଟିଛନ୍ତି ପ୍ରଶଂସା । ଯାହାକି ଏବେ ସୋସିଆଲ ମିଡ଼ିଆ ଇନଷ୍ଟାଗ୍ରାମରେ ବେଶ ଭାଇରାଲ ହେବାରେ ଲାଗିଛି ।ପୂର୍ବରୁ ବଲିଉଡ଼ ଗୀତ ଗାଇ ଓ ଲିପସିଙ୍କ କରି ଭାରତୀୟ ଫ୍ଯାନମାନଙ୍କ ପ୍ରଶଂସା ଆପଣେଇଥିବା କିଲି-ନୀମା ପୁଣି ଓଡ଼ିଆ ଦର୍ଶକମାନଙ୍କ ହୃଦୟରେ ଜାଗା ସୃଷ୍ଟି କରିଛନ୍ତି । ମଣ୍ଟୁ ଛୁରିଆ ଓ ଅସୀମା ପଣ୍ଡାଙ୍କ ଗୀତ ଭଲ ପାଉଛି ତତେ ମୁଁ...ଗାଇ ଇନଷ୍ଟାଗ୍ରାମରେ ସେୟାର କରିଛନ୍ତି । ଯେଉଁଥିରେ କିଲି-ନୀମା କେହି ଓଡ଼ିଆ ଫ୍ଯାନ ଅଛନ୍ତି କି କ୍ଯାପସନରେ ଲେଖି ସେୟାର କରିଛନ୍ତି । ତା ସହ ସେମାନେ ରିଲରେ ଗୀତର ମୂଳ ଗାୟକ ଓ ଗାୟିକାଙ୍କ ନାମ ମଧ୍ୟ ଟ୍ୟାଗ କରିଛନ୍ତି । ଏବେ ପର୍ଯ୍ୟନ୍ତ ଭିଡ଼ିଓକୁ ଢେର ସାରା ଭଲ ପାଇବା ମିଳିସାରିଲାଣି । ପାଖାପାଖି ୧୨ ଲକ୍ଷ ଲୋକ ଏହାକୁ ଦେଖିସାରିଲେଣି ।