EnewsOdia.Com

ଜାଣି ନିଅନ୍ତୁ କରୋନା ଭାଇରସର ଲକ୍ଷଣ ଓ ମୁକାବିଲା କରିବାର ଉପାୟ

ଚୀନ୍‌ରେ ‘କରୋନା’ ଭାଇରସ୍‌ ଦିନକୁ ଦିନ ଭୟଙ୍କର ରୂପ ଧାରଣ କରୁଛି। ଏଥିରେ ସଂକ୍ରମିତ ହୋଇ ବର୍ତ୍ତମାନ ସୁଦ୍ଧା ୮୦ ଜଣଙ୍କ ମୃତ୍ୟୁ ହୋଇସାରିଲାଣି।  ଏହି ଭାଇରସ୍‌ରେ ସେଠାରେ ରହୁଥିବା ଅନେକ ଭାରତୀୟ ମଧ୍ୟ ଆକ୍ରାନ୍ତ ହୋଇଛନ୍ତି। ତେବେ ଏହି ରୋଗ କ’ଣ, ଏହାର ଲକ୍ଷଣ ଗୁଡ଼ିକ କ’ଣ ଓ ଏହା ସହ କିପରି ମୁକାବିଲା କରି ହେବ, ଆସନ୍ତୁ ସେ ବିଷୟରେ ଜାଣିବା।

‘କରୋନା’ ଏକପ୍ରକାରର ଇନ୍‌ଫ୍ଲୁଏଞ୍ଜା ବର୍ଗର ଭାଇରସ୍‌, ଯାହା ଥଣ୍ଡା, କାଶ, କଫ ଓ ଛାତି ଇନ୍‌ଫେକ୍ସନ୍‌ ଆଦି କରାଇଥାଏ। ଏହି ଭାଇରସ୍‌ରେ ଆକ୍ରାନ୍ତ ହେଲେ ପ୍ରଥମେ ଶ୍ୱାସନଳୀ ପ୍ରଦାହ ହୋଇଥାଏ। ଏଥିଯୋଗୁ ଥଣ୍ଡା, କାଶ ଓ କଫ ଆଦି ହୋଇପାରେ ଅବା ଛାତି ସଂକ୍ରମଣ ହୋଇପାରେ। ଏହା ମଣିଷ ଅପେକ୍ଷା ପଶୁପକ୍ଷୀମାନଙ୍କୁ ଅଧିକ ସଂକ୍ରମିତ କରିଥାଏ। ସାପ, ସରୀସୃପ ଜାତୀୟ ପ୍ରାଣୀ, ବାଦୁଡ଼ି, ବିଭିନ୍ନ ପକ୍ଷୀ ଓ ପଶୁମାନଙ୍କୁ ଏହା ଶୀଘ୍ର ସଂକ୍ରମିତ କରିଥାଏ। ଏହା ଏବେ ପଶୁଠାରୁ ମଣିଷକୁ ବ୍ୟାପିଛି। ତେଣୁ ଏହା ମଣିଷ ଠାରୁ ମଣିଷକୁ ମଧ୍ୟ ବ୍ୟାପିବାର ସମ୍ଭାବନା ରହିଛି। ଏଥିଯୋଗୁ SARS ଓ MERS ଭଳି ପ୍ରାଣଘାତୀ ରୋଗ ମଧ୍ୟ ଦେଖାଯାଇପାରେ।

ଲକ୍ଷଣ

‘କରୋନା’ ଭାଇରସ୍‌ରେ ଆକ୍ରାନ୍ତ ହେଲେ ଯେଉଁସବୁ ଲକ୍ଷଣ ଦେଖାଯାଏ, ତାହା ଅତ୍ୟନ୍ତ ସାଧାରଣ। ତେଣୁ ବହୁତ ଲୋକ ଏହି ରୋଗକୁ ଚିହ୍ନି ନପାରି ବିପଦକୁ ଡାକି ଆଣୁଛନ୍ତି। ତେଣୁ ସେହି ଲକ୍ଷଣ ଗୁଡ଼ିକ ସଂପର୍କରେ ଜାଣି ନିଅନ୍ତୁ ଓ ସେମିତି କିଛି ଅନୁଭୂତ ହେଲେ ତୁରନ୍ତ ଡାକ୍ତରଙ୍କ ପାଖକୁ ଯା’ନ୍ତୁ।

୧. ଭୀଷଣ ଥଣ୍ଡା

୨. ମୁଣ୍ଡ ବିନ୍ଧା

୩. କାଶ ବା କଫ ହେବା

୪. ତଣ୍ଟି ପଡ଼ିଯିବା

୫. ଜ୍ୱର

୬. ଥକା ଲାଗିବା

୭. ବାନ୍ତି ହେବା

୮. ଶ୍ୱାସକ୍ରିୟାରେ ସମସ୍ୟା ହେବା

୯. ନିମୋନିଆ

କେମିତି କରିବେ ମୁକାବିଲା

‘କରୋନା’ ଭାଇରସ୍‌କୁ ଚାରିଆଡ଼େ ବ୍ୟାପିବାରୁ ରୋକିବା ପାଇଁ ଜରୁରୀ ପଦକ୍ଷେପ ନେବା ନିହାତି ଆବଶ୍ୟକ । ଏଥିପାଇଁ WHO (ବିଶ୍ୱ ସ୍ୱାସ୍ଥ୍ୟ ସଂଗଠନ) ପକ୍ଷରୁ ଏକ ଗାଇଡ୍‌ଲାଇନ୍ ଜାରି କରାଯାଇଛି।

୧) ପ୍ରଥମେ ରୋଗୀଙ୍କ ଲକ୍ଷଣ ଗୁଡ଼ିକ ଉପରେ ଧ୍ୟାନ ଦିଅନ୍ତୁ।

୨) ଯଦି କେହି ନିଃଶ୍ୱାସ ପ୍ରଶ୍ୱାସ ନେବାରେ କଷ୍ଟ ଅନୁଭବ କରୁଛନ୍ତି, ତାଙ୍କୁ ତୁରନ୍ତ ଡାକ୍ତରଙ୍କ ପାଖକୁ ନେଇ ଯା’ନ୍ତୁ। ତା’ସହିତ ତାଙ୍କଠାରୁ ଦୂରେଇ ରୁହନ୍ତୁ।

୩) ଯେଉଁ ଦେଶରେ ବା ସ୍ଥାନରେ ଏହି ରୋଗ ବ୍ୟାପୁଛି, ସେହି ସ୍ଥାନକୁ ଯାତ୍ରା କରନ୍ତୁ ନାହିଁ।

୪) ସବୁବେଳେ ନିଜକୁ ସଫାସୁତୁରା ରଖନ୍ତୁ। ଖାଇବା ପୂର୍ବରୁ ଭଲ ଭାବେ ହାତ ଧୋଇ ଖାଆନ୍ତୁ। ଯଦି କାହା ସହ ହାତ ମିଶାଉଛନ୍ତି, ତା’ହେଲେ ଏହାପରେ ହ୍ୟାଣ୍ଡୱାସ୍‌ କି ସାନିଟାଇଜର୍‌ ବ୍ୟବହାର କରନ୍ତୁ।

୫) କାଶିବା କିମ୍ବା ଛିଙ୍କିବା ସମୟରେ ସବୁବେଳେ ମୁହଁରେ ଓ ନାକରେ କପଡ଼ା ଦିଅନ୍ତୁ।

୬) ହାତରେ କିମ୍ବା ଆଙ୍ଗୁଳିରେ ବାରମ୍ବାର ଆଖି, ନାକ ଓ ପାଟିକୁ ଛୁଅଁନ୍ତୁ ନାହିଁ।

୭) ସାର୍ବଜନୀନ ସ୍ଥାନ, ସର୍ବସାଧାରଣଙ୍କ ପାଇଁ ଉଦ୍ଦିଷ୍ଟ ଗାଡ଼ି ଯେପରିକି ବସ୍‌, ଟ୍ରେନ୍ ଓ ବିମାନରେ ଯାତ୍ରା କରୁଥିବାବେଳେ କୌଣସି ସ୍ଥାନକୁ ଅଯଥା ସ୍ପର୍ଶ କରନ୍ତୁ ନାହିଁ। ବିଶେଷ କରି କୌଣସି ବ୍ୟକ୍ତିଙ୍କ ସହ ହାତ ମିଳାଇବାରୁ ଦୂରେଇ ରୁହନ୍ତୁ।

ଚିକିତ୍ସା

ଏହି ଭୂତାଣୁକୁ ମାରିବା ପାଇଁ ଏପର୍ଯ୍ୟନ୍ତ କୌଣସି ଆଣ୍ଟି-ଭାଇରାଲ୍ ଡ୍ରଗ୍ ବାହାରି ନାହିଁ। ଏଥିପାଇଁ ରୋଗୀଙ୍କୁ କେବଳ ସପୋର୍ଟିଭ୍ ଟ୍ରିଟ୍‌ମେଣ୍ଟ୍ ଦିଆଯାଉଛି। ଜ୍ୱର ପାଇଁ ଔଷଧ ଦିଆଯାଉଛି। ଭେଣ୍ଟିଲେଟର ଜରିଆରେ ଅମ୍ଳଜାନ ସ୍ତରକୁ ଠିକ୍ ରଖାଯାଉଛି, ବ୍ୟାକ୍ଟେରିଆଲ୍ ଇନ୍‌ଫେକ୍ସନ ପାଇଁ ଆଣ୍ଟିବାୟୋଟିକ୍ ଦିଆଯାଉଛି।

ପଢନ୍ତୁ: ହାତୀ ଆଙ୍କୁଛି ହାତୀର ଚିତ୍ର

ସମ୍ବନ୍ଧିତ ଖବର

କରୋନା ସଂକ୍ରମଣର ଭୟ ଥିବାରୁ ସ୍ଥଗିତ ହେଲା ଆଇଫା ଆୱାର୍ଡ ୨୦୨୦

Ratnamani Maharana

ରାଜଧାନୀରେ ଚାଲିଛି ଗୋଟିଏ ନମ୍ବରରେ ଅନେକ ଗାଡି

Ratnamani Maharana

ହ୍ଵାଟ୍ସଆପ, ଟିକଟକ ଓ ଟ୍ୱିଟର ବିରୋଧରେ ରୁଜୁ ହେଲା ମାମଲା

Ratnamani Maharana

ଆସନ୍ତା ୨୨ ତାରିଖ ରବିବାର ସକାଳ ୭ରୁ ରାତି ୯ଟା ପର୍ଯ୍ୟନ୍ତ ‘ଜନତା କର୍ଫ୍ୟୁ’

Ratnamani Maharana

ମିଶନ ଚନ୍ଦ୍ରଯାନ-୩ ପାଇଁ କେନ୍ଦ୍ରକୁ ୭୫ କୋଟି ମାଗିଲା ଇସ୍ରୋ

Ratnamani Maharana

ଏପ୍ରିଲ ପହିଲାରୁ ଦେଶରେ ୪ଟି ନୂଆ ବ୍ୟାଙ୍କ

Ratnamani Maharana