• Home
  • SPORTS
  • ଦ୍ଵିତୀୟ କ୍ଵାଲିଫାୟରରେ କୋଲକାତା ନାଇଟ ରାଇଡର୍ସ !
SPORTS

ଦ୍ଵିତୀୟ କ୍ଵାଲିଫାୟରରେ କୋଲକାତା ନାଇଟ ରାଇଡର୍ସ !

ରାଜସ୍ଥାନ ରୟାଲ୍ସକୁ ୨୫ ରନରେ ହରାଇଲା ନାଇଟ ରାଇଡ଼ର୍ସ

ଆଇପିଏଲ୍‍-୧୧ରେ ୨ୟ କ୍ୱାଲିଫାୟର ଖେଳିବାକୁ ଯୋଗ୍ୟତା ଅର୍ଜନ କରିଛି କଲକାତା ନାଇଟ ରାଇଡର୍ସ (କେକେଆର୍‍) । ଇଡେନ ଗାର୍ଡେନରେ ଖେଳାଯାଇଥିବା ଆଇପିଏଲ ୨୦୧୮ର ଏଲିମିନେଟର ମୁକାବିଲାରେ ଘରୋଇ କୋଲକାତା ନାଇଟ ରାଇଡର୍ସ ରାଜସ୍ଥାନ ରୟାଲ୍ସକୁ ୨୫ ରନରେ ପରାସ୍ତ କରିଛି । କୋଲକାତା ପ୍ରଥମ କ୍ୱାଲିଫାୟର ମ୍ୟାଚ୍‌ରେ ପରାସ୍ତ ହୋଇଥିବା ସନ୍‌ରାଇଜର୍ସ ହାଇଦ୍ରାବାଦକୁ ଭେଟିବ । ଏହି ମ୍ୟାଚ୍‌ର ବିଜେତା ଫାଇନାଲରେ ଚେନ୍ନାଇ ସୁପର କିଙ୍ଗସ୍‌କୁ ଭେଟିବ ।

ରାଜସ୍ଥାନ ଟସ୍‌ ଜିତି ଫିଲ୍ଡିଂ ନିଷ୍ପତ୍ତି ନେଇଥିଲା । ବ୍ୟାଟିଂ ଆମନ୍ତ୍ରଣ ପାଇବା ପରେ କୋଲକାତାର ଦୁଇ ଓପନର ନାୟର ଏବଂ ଲିନ୍‌ ଫିଲ୍ଡକୁ ଓହ୍ଲାଇ ଥିଲେ । ହେଲେ ଦଳକୁ ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହେବାକୁ ପଡ଼ିଥିଲା । ହୋମ୍‌ ଫିଲ୍ଡରେ ନାୟରଙ୍କ ବ୍ୟାଟ୍‌ ଚାଲି ନଥିଲା । ପ୍ରଥମେ ବ୍ୟାଟିଂ କରି କୋଲକାତା ଦିନେଶ କାର୍ତ୍ତିକ(୫୨) ଓ ରସେଲ(୪୯) ରନ ବଳରେ ନିର୍ଦ୍ଧାରିତ ଓଭରରେ ୭ ଓ୍ଵିକେଟ୍ ହରାଇ ୧୬୯ ରନ କରିଥିଲା । ଜବାବରେ ରାଜସ୍ଥାନ ରୟାଲ୍ସ ବ୍ୟାଟସମ୍ୟାନଙ୍କ ବିଫଳତା କାରଣରୁ ୪ ଓ୍ଵିକେଟ୍ ହରାଇ ୧୪୪ ରନ କରିବାକୁ ସକ୍ଷମ ହୋଇଥିଲା । କୋଲକାତା ପକ୍ଷରୁ ପିୟୁଷ ଚାଓ୍ଵାଲ ସର୍ବାଧିକ ୨ଟି ଓ୍ଵିକେଟ୍ ନେଇଥିଲେ ।

୧୭୦ ରନ୍‌ର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ରାଜସ୍ଥାନର ଆରମ୍ଭ ଭଲ ହୋଇଥିଲା । ଅଧିନାୟକ ଆଜିଙ୍କ୍ୟା ରାହାଣେ ୪୧ ବଲ ଖେଳି ୪ ଚୌକା ଓ ଗୋଟିଏ ଛକା ସହାୟତାରେ ୪୬ ରନ୍‌ ଏବଂ ରାହୁଲ ତ୍ରିପାଠୀ ୧୩ ବଲ୍‌ର ସମ୍ମୁଖୀନ ହୋଇ ଗୋଟିଏ ଚୌକା ଓ ୨ଟି ଛକା ସହାୟତାରେ ୨୦ ରନ୍‌ କରିଥିଲେ । ସଞ୍ଜୁ ସାମ୍‌ସନ ୩୮ ବଲ୍‌ରୁ ୪ ଚୌକା ଓ ୨ ଛକା ବଳରେ ୫୦ ରନ୍‌ କରିଥିଲେ । ହେଲେ ଏହା ଦଳକୁ ବିଜୟ କରାଇବାକୁ ଯଥେଷ୍ଟ ହୋଇ ନଥିଲା । ଦଳ ନିର୍ଦ୍ଧାରିତ ୨୦ ଓଭରରେ ୪ ୱିକେଟ୍‌ ହରା ୧୪୪ ରନ୍‌ କରିବାକୁ ସକ୍ଷମ ହୋଇଥିଲା ।

କୋଲ୍‌କାତା ନାଇଟ୍‌ ରାଇଡର୍ସ ୨୦ ଓଭରରେ ୧୬୯/୭ (ଦୀନେଶ କାର୍ତିକ ୫୨, ଆନ୍ଦ୍ରେ ରସେଲ ୪୯*, ଶୁଭମନ ଗିଲ ୨୮, କୃଷ୍ଣପ୍ପା ଗୌତମ ୨/୧୫, ଜୋଫ୍ରା ଆର୍ଚର ୨/୩୩) ।

ରାଜସ୍ଥାନ ରୟାଲ୍ସ ୨୦ ଓଭରରେ ୧୪୪/୪ (ସଞ୍ଜୁ ସାମସନ୍‌ ୫୦, ଅଜିଙ୍କ୍ୟ ରାହାଣେ ୪୬, ରାହୁଲ ତ୍ରିପାଠୀ ୨୦, ପୀୟୂଷ ଚାଓ୍ଵଲା ୨/୨୪, କୁଲଦୀପ ଯାଦବ ୧/୧୮) ।

ଦ୍ଵିତୀୟ କ୍ଵାଲିଫାୟରରେ କୋଲକାତା ନାଇଟ ରାଇଡର୍ସ ! kolkata 1
ପଢନ୍ତୁ ;

କର୍କଟ ରୋଗରୁ ରକ୍ଷା ଦେଇଥାଏ ପିଆଜ! ଆସନ୍ତୁ ଜାଣିବା ଏହାର ଉପକାରିତା ସମ୍ପର୍କରେ

Related posts

୫୧ ରନ୍‌ରେ ଆସାମକୁ ହରାଇଛି ଓଡ଼ିଶା

Krishna Kumar Manoj

ଭୁବନେଶ୍ଵରର କିଟ୍‌ କ୍ରିକେଟ୍‌ ପଡ଼ିଆରେ ଆଜିଠୁ ଆରମ୍ଭ ରଣଜୀ ଟ୍ରଫିର ଚତୁର୍ଥ ରାଉଣ୍ଡ

Krishna Kumar Manoj

ଫ୍ଲେ ଅଫରୁ ମୁମ୍ବାଇ ଇଣ୍ଡିଆନ୍ସ ବିଦା ହେବା ପରେ ଖୁସି ଜାହିର କଲେ ପ୍ରୀତି ଜିଂଟା !

Krishna Kumar Manoj

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More