News

କୁଆଖାଇ ମର୍ଡର : ଖୋଲିଲା ବହୁ ଚର୍ଚ୍ଚିତ ଉନ୍ମୟ ପାଢୀଙ୍କ ହତ୍ୟା ରହସ୍ୟ !

କୂଆଖାଇ ନଦୀପଠାରୁ ମିଳିଥିଲା ଅର୍ଦ୍ଧଦଗ୍ଧ ମୃତଦେହ

ଖୋଲିଲା ବହୁଚର୍ଚ୍ଚିତ ଉନ୍ମୟ ପାଢୀ ହତ୍ୟାକାଣ୍ଡର ରହସ୍ୟ ।  ଦୀର୍ଘ ଦୁଇମାସ ଧରି ପୋଲିସ ପାଇଁ ମୁଣ୍ଡବିନ୍ଧା ସାଜିଥିବା କୁଆଖାଇ ନଦୀ ପଠାରେ ହୋଇଥିବା ଯୁବକଙ୍କ ହତ୍ୟା ପଛର ରହସ୍ୟକୁ ଖୁଲାସା କରିଛି କମିଶନରେଟ ପୋଲିସ । ଏହା ଏକ ହତ୍ୟା ନୁହେଁ, ବରଂ ଉନ୍ମୟ ପାଢୀ ଆତ୍ମହତ୍ୟା କରିଛନ୍ତି । ଉନ୍ମୟ ନିଜ ପେଟକୁ ପ୍ରଥମେ ଛୁରୀ ଭୁଷିବା ପରେ ଦେହରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ ବୋଲି କହିଛନ୍ତି ପୋଲିସ କମିଶନର ।

ଦୀର୍ଘ ଦୁଇ ମାସଧରି ଏହି ହତ୍ୟାକାଣ୍ଡର ତଦନ୍ତ ପୋଲିସ ଜାରି ରଖିଥିଲା । ତେବେ ନିକଟରେ ଫରେନସିକ ରିପୋର୍ଟ, ସାଇଣ୍ଟିଫିକ ଟିମରୁ ଶବ ବ୍ୟବଚ୍ଛେଦର ରିପୋର୍ଟ ହସ୍ତଗତ ହେବା ପରେ ପୋଲିସ ଏହା ହତ୍ୟା ନୁହେଁ ବରଂ ଆତ୍ମହତ୍ୟା ବୋଲି ସ୍ପଷ୍ଟ କରିଛି । ଗତ କିଛି ଦିନ ତଳେ କୁଆଖାଇ ନଦୀ ପଠାରୁ ଉନ୍ମୟ ପାଢୀଙ୍କ ଅଧାପୋଡା ଶବ ମିଳିଥିଲା ।

ମାର୍ଚ୍ଚ ୨୧ରେ କୁଆଖାଇ ନଦୀ ପଠାରେ ଅର୍ଦ୍ଧଦଗ୍ଧ ଅବସ୍ଥାରେ ମୃତଦେହ ମିଳିଥିଲା । ଘଟଣାସ୍ଥଳରୁ ପୋଲିସ ସେହି ସମୟରେ ଏକ ହାତଲେଖା ଚିଠି ମଧ୍ୟ ଜବତ୍ କରିଥିଲା । ଯେଉଁଥିରେ ପ୍ରେମରେ ଧୋକା ଖାଇବା ପରେ ଆତ୍ମହତ୍ୟା ଭଳି ଚରମ ନିଷ୍ପତି ନେଉଥିବା ଲେଖାଯାଇଥିଲା । ମାତ୍ର ପୋଲିସ ଏହାକୁ ହତ୍ୟା ସନ୍ଦେହ କରି ତଦନ୍ତ ଆରମ୍ଭ କରିଥିଲା ।

ପଢନ୍ତୁ ;

ଆସନ୍ତା ୧୯ରେ ପ୍ରକାଶ ପାଇବ ଯୁକ୍ତ ଦୁଇ ବିଜ୍ଞାନ ଫଳ !

Related posts

ବଜ୍ରପାତ ଓ ଝଡ଼ ତୋଫାନକୁ ନେଇ ୧୫ଟି ଜିଲ୍ଲାକୁ ସାଢ଼େ ୧୨ଟା ପର୍ଯ୍ୟନ୍ତ ସତର୍କ ସୂଚନା

ENO Beuro

ଆଜି ୧୨ ଘଣ୍ଟିଆ ଭୁବନ ବନ୍ଦ

ENO Beuro

ଭାରତୀୟ ଯବାନଙ୍କ ଗିନିସ୍‌ ରେକର୍ଡ, ଗୋଟିଏ ବାଇକ୍‌ରେ ୫୮ଜଣଙ୍କ ଅଦ୍ଭୁତ ଷ୍ଟଣ୍ଟ

ENO Beuro

Leave a Comment