News

ଚର୍ଚ୍ଚାରେ କର୍ଣ୍ଣାଟକର ଭାବି ମୁଖ୍ୟମନ୍ତ୍ରୀ : ଯେଉଁ ବର୍ଷ କଲେ ପ୍ରଥମ ବିବାହ ସେହି ବର୍ଷ ଜନ୍ମ ହୋଇଥିଲେ ଦ୍ୱିତୀୟ ପତ୍ନୀ

ଚର୍ଚ୍ଚାରେ କୁମାରସ୍ୱାମୀଙ୍କ ଅଭିନେତ୍ରୀ ପତ୍ନୀ ରାଧିକା କୁମାରସ୍ୱାମୀ

ବିଜେପି ସରକାର ଭାଙ୍ଗିବା ପରେ ପରେ ଜଣକ ନାଁ ସୋସିଆଲ୍ ମିଡିଆରେ ଟ୍ରେଣ୍ଡ କରିବାକୁ ଲାଗିଲା । ଏହି ନାଁ ରାଧିକା କୁମାରସ୍ୱାମୀଙ୍କର । ଏ ହେଉଛନ୍ତି ସେହି ମହିଳା ଯାହାଙ୍କ ସ୍ୱାମୀ ଆଉ ମାତ୍ର କିଛି ଦିନ ମଧ୍ୟରେ କର୍ଣ୍ଣାଟକ ଶାସନ ଭାର ସମ୍ଭାଳିବେ । ଆଜ୍ଞା ହଁ, ଆମେ କହୁଛୁ ଜେଡିଏସ୍ ନେତା ଏଚଡି କୁମାରସ୍ୱାମୀଙ୍କ ଦ୍ୱିତୀୟ ପତ୍ନୀ ରାଧିକା କୁମାରସ୍ୱାମୀଙ୍କ ବିଷୟରେ ।

ମାତ୍ର ୩୮ ସିଟରେ ବିଜୟୀ ହୋଇ କର୍ଣ୍ଣାଟକ ମୁଖ୍ୟମନ୍ତ୍ରୀ ସମ୍ଭାଳିବାକୁ ଯାଉଥିବା କୁମାରସ୍ୱାମୀଙ୍କ ବ୍ୟକ୍ତିଗତ ଜୀବନ ମଧ୍ୟ ଖୁବ୍ ରୋମାଂଚକର । ରାଧିକା କନ୍ନଡ ସିନେ ଜଗତର ଜଣେ ଜଣାଶୁଣା ଚେହେରା । ରାଧିକା ୨୦୦୨ରେ କନ୍ନଡ ସିନେମା ‘ନୀଲା ମେଘା ସମା’ ଜରିଆରେ ନିଜ କ୍ୟାରିୟର୍ ଆରମ୍ଭ କରିଥିଲେ । ପ୍ରଥମ ସିନେମା କରିବା ସମୟରେ ରାଧିକା ମାତ୍ର ନବମ ଶ୍ରେଣୀରେ ପଢୁଥିଲେ ।  ପୂର୍ବରୁ ସିନେମା ପ୍ରତି କୁମାରସ୍ୱାମୀଙ୍କ ବିଶେଷ ଦୁର୍ବଳତା ଥିବାରୁ ରାଧିକାଙ୍କ ସହ ତାଙ୍କ ସମ୍ପର୍କ ଗଢ଼ିଉଠିଥିଲା ।

୧୬ ଡିସେମ୍ବର ୧୯୫୯ରେ ଜନ୍ମ ଗ୍ରହଣ କରିଥିବା କୁମାରସ୍ୱାମୀଙ୍କ ଜୀବନରେ ଟ୍ୱିଷ୍ଟ ଆସିଥଲା ୨୦୦୬ରେ । କାରଣ ଏହି ବର୍ଷ ତାଙ୍କ ଜୀବନରେ ଏଣ୍ଟ୍ରି କରିଥିଲେ କନ୍ନଡର ଲୋକପ୍ରିୟ ଅଭିନେତ୍ରୀ ରାଧିକା । ଏଚଡି କୁମାରସ୍ୱାମୀଙ୍କୁ ବିବାହ କରି ସୁନ୍ଦରୀ ରାଧିକା ବନିଗଲେ ରାଧିକା କୁମାରସ୍ୱାମୀ । ନିଜ ସ୍ୱାମୀଙ୍କଠାରୁ ୨୭ ବର୍ଷ ସାନ ରାଧିକା । ଉଭୟଙ୍କର ଏହା ଦ୍ୱିତୀୟ ବିବାହ । କୁମାରସ୍ୱାମୀ ଓ ରାଧିକାଙ୍କ ୬ ବର୍ଷର ଏକ ଝିଅ ମଧ୍ୟ ଅଛି ।

କୁମାରସ୍ୱାମୀଙ୍କ ପ୍ରଥମ ବିବାହ ୧୯୮୬ରେ ଅନୀତାଙ୍କ ସହ ହୋଇଥିଲା । ସବୁଠାରୁ ମଜା କଥା ହେଉଛି ସେହି ବର୍ଷ ହିଁ ରାଧିକାଙ୍କ ଜନ୍ମ ହୋଇଥିଲା । ରାଧିକା ୧ ନଭେମ୍ବର ୧୯୮୬ରେ ଜନ୍ମ ହୋଇଥିଲେ । କୁମାରସ୍ୱାମୀଙ୍କୁ ବିବାହ କରିବା ପୁର୍ବରୁ ରତନ କୁମାରଙ୍କୁ ବିବାହ କରିଥିଲେ ରାଧିକା । ତେବେ ହାର୍ଟଆଟାକ୍ ଯୋଗୁଁ ୨୦୦୨ରେ ତାଙ୍କର ଦେହାନ୍ତ ହୋଇଥଲା । ଖବର ଅନୁସାରେ ରାଧିକା ମାତ୍ର ୧୪ ବର୍ଷ ବୟସରେ ରତନଙ୍କୁ ବିବାହ କରିଥିଲେ ।

ରାଧିକା ନିଜ ଅଭିନୟ ଓ ଗ୍ଲାମର ଜରିଆରେ ଦର୍ଶକଙ୍କ ମନ କିଣୁଥିବା ସହ ପଲିଟିକାଲ୍ କରିଡରରେ ମଧ୍ୟ ପ୍ରଭାବଶାଳୀ । ଏବେ ସୋସିଆଲ୍ ମିଡିଆରେ ଟ୍ରେଣ୍ଟ୍ କରୁଛନ୍ତି ରାଧିକା । ୟୁଜର୍ସ ଗୁଗଲ୍ ଏବଂ ସୋସିଆଲ୍ ମିଡିଆରେ ରାଧିକାଙ୍କ ଫଟୋ ଅଧିକ ସର୍ଚ କରୁଛନ୍ତି । ଉଲ୍ଲେଖଯୋଗ୍ୟ ଯେ କୁମାରସ୍ୱାମୀଙ୍କ ପ୍ରଥମ ପତ୍ନୀ ଏଯାଏଁ ତାଙ୍କଠାରୁ ଅଲଗା ହୋଇନାହାଁନ୍ତି । ନିର୍ବାଚନ ପ୍ରଚାର ଏବଂ ଭୋଟ୍ ସମୟରେ ସେ ତାଙ୍କ ସହ ନଜର ଆସିଥିଲେ ।

ପଢନ୍ତୁ ;

ବୁଧବାର କର୍ଣ୍ଣାଟକ ମୁଖ୍ୟମନ୍ତ୍ରୀ ଭାବେ ଶପଥ ନେବେ କୁମାରସ୍ୱାମୀ !

Related posts

ବିମୁଦ୍ରାକରଣକୁ ବର୍ଷେ ପୂରିଲା ପରେ ମଧ୍ୟ ଅଚଳ ଟଙ୍କାର ସମସ୍ୟା ପିଛା ଛାଡୁନି

ENO Beuro

ମହାନଦୀରେ ଆସୁଛି ବନ୍ୟା,ହୀରାକୁଦ ଖୋଲିଲା ୨୫ ଗେଟ୍‌

ENO Beuro

ପଦ୍ମ ଧରିବେ ଅପରାଜିତା ଷଡ଼ଙ୍ଗୀ !

ENO Beuro

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More