ଲେଫ୍ଟନାଣ୍ଟ ଜେନେରାଲ ଅନୀଲ ଚୌହାନ ହେବେ ଦେଶର ନୂଆ CDS

ଲେଫ୍ଟନାଣ୍ଟ ଜେନେରାଲ ଅନୀଲ ଚୌହାନ ହେବେ ନୂଆ ଦେଶର CDS । କେନ୍ଦ୍ର ସରକାର ତାଙ୍କୁ ନିଯୁକ୍ତି ଦେଇଛନ୍ତି । CDS ସହ ମିଲିଟାରୀ ଆଫେୟାର୍ସ ସଚିବ ଭାବେ ବି ସେ କାର୍ଯ୍ୟ କରିବେ । ସେ ଆର୍ମି ଇଷ୍ଟର୍ଣ୍ଣ କମାଣ୍ଡର କମାଣ୍ଡିଂ ଇନ୍ ଚିଫ୍ ଥିଲେ । ଗତ ବର୍ଷ ଡିସେମ୍ବରରେ ହେଲିକପ୍ଟର ଦୁର୍ଘଟଣାରେ ଦେଶର ପ୍ରଥମ ସିଡିଏସ୍ ଜେନେରାଲ୍ ବିପିନ ରାୱତଙ୍କ ମୃତ୍ୟୁ ପରେ ସିଡିଏସ୍ ପଦ ଖାଲି ପଡ଼ିଥିଲା ।ସୂଚନାଯୋଗ୍ୟ ୨୦୨୧ , ୮ ଡିସେମ୍ବରରେ ହେଲିକପ୍ଟର କ୍ରାସ୍  ରେ ସିଡିଏସ୍ ବିପିନ ରାୱତଙ୍କ ମୃତ୍ୟୁ ହୋଇଥିଲା । ସିଡିଏସ୍ ବିପିନ ରାଓ୍ବତଙ୍କ ସହ ପତ୍ନୀ ମଧୁଲିକା ରାୱତଙ୍କର ବି ମୃତ୍ୟୁ ହୋଇଥିଲା । ଉଭୟଙ୍କ ସହ ମୋଟ ୧୩ ଜଣଙ୍କ ମୃତ୍ୟୁ ଘଟିଥିବା ବାୟୁସେନା କହିଥିଲା ।  ତାମିଲନାଡୁ କୁନ୍ନୁରରେ ବାୟୁସେନା ହେଲିକପ୍ଟର କ୍ରାସ୍ ହୋଇଥିଲା ।