ଏଣିକି ଆକାଉଣ୍ଟକୁ ନୁହେଁ ସିଧା ହିତାଧିକାରୀଙ୍କ ହାତରେ ମିଳିବ ଭତ୍ତା ଟଙ୍କା

ଜୁନ୍‌ ମାସରୁ ଆଉ ବ୍ୟାଙ୍କ ଆକାଉଣ୍ଟରେ ଜମା ହେବନି ସିଧା ହିତାଧିକାରୀଙ୍କ ହାତରେ ମିଳିବ ଭତ୍ତା ଟଙ୍କା। ହିତାଧିକାରୀମାନେ ପୂର୍ବଭଳି ଭତ୍ତା ଆଣିବାକୁ ମାସର ୧୫ ତାରିଖରେ ଭତ୍ତା ବଣ୍ଟନ କେନ୍ଦ୍ରକୁ ଯିବେ। ସେଠାରେ ସେମାନଙ୍କୁ ନଗଦ ଅର୍ଥ ଦିଆଯିବ। ଏନେଇ ବିଭାଗୀୟ ସଚିବ ଭାସ୍କର ଶର୍ମା ସମସ୍ତ ଜିଲ୍ଲାପାଳ, ମହାନଗର ନିଗମ କମିସନରଙ୍କୁ ଚିଠି ଲେଖି ଜଣାଇଛନ୍ତି। 

ସୂଚନାନୁସାରେ, ବୟସାଧିକ ଲୋକ ଓ ଭିନ୍ନକ୍ଷମ ହିତାଧିକାର ଟଙ୍କା ଉଠାଇବା ଏବଂ ସଂଗ୍ରହ କରିବାରେ ସମସ୍ୟା ଦେଖାଦେଇଛି। ଏପରିକି ପୋର୍ଟାଲରେ ବୈଷୟିକ ତ୍ରୁଟି ଯୋଗୁ ଠିକ୍ ସମୟରେ ଭତ୍ତା ବଣ୍ଟନ କରାଯାଇପାରିନି। ଏହାକୁ ନଜରରେ ରଖି ଜୁନ୍‌ ମାସରୁ ଭତ୍ତା ଟଙ୍କା ଆଉ ବ୍ୟା‌ଙ୍କ ଆକଉଣ୍ଟରେ ଜମା ହେବନି।ଯେଉଁମାନେ ବୟସାଧିକ ଓ ଭିନ୍ନକ୍ଷମ ଥିବେ ସେମାନଙ୍କ ଘରେ ଭତ୍ତା ଟଙ୍କା ପହଞ୍ଚାଇ ଦିଆଯିବ ବୋଲି ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ବିଭାଗ ପକ୍ଷରୁ ନିଷ୍ପତ୍ତି ହୋଇଛି। ଏନେଇ ବିଭାଗୀୟ ସଚିବ ଭାସ୍କର ଶର୍ମା ସମସ୍ତ ଜିଲ୍ଲାପାଳ, ମହାନଗର ନିଗମ କମିସନରଙ୍କୁ ଚିଠି ଲେଖି ଜଣାଇଛନ୍ତି।