News

ଉତ୍କଳ ଗୌରବ ମଧୁସୂଦନଙ୍କ ଆଜି ଜୟନ୍ତୀ

ଆଜି ସାରା ରାଜ୍ୟରେ ପାଳିତ ହେଉଛି ସ୍ୱାଭିମାନ ଦିବସ

ଆଜି ହେଉଛି ଉତ୍କଳ ଗୌରବ ମଧୁସୂଦନ ଦାସଙ୍କ ଜୟନ୍ତୀ । ୧୮୪୮ ମସିହା ଆଜିର ଦିନରେ କଟକ ଜିଲ୍ଲାର ସତ୍ୟଭାମାପୁର ଗାଁରେ ମଧୁବାବୁ ଜନ୍ମଗ୍ରହଣ କରିଥିଲେ । ସ୍ୱତନ୍ତ୍ର ଉତ୍କଳ ପ୍ରଦେଶ ଗଠନରେ ମଧୁବାବୁଙ୍କ ଥିଲା ବଡ଼ ଭୂମିକା । ବିଲାତ ଯାତ୍ରା କରିବାରେ ସେ ଥିଲେ ପ୍ରଥମ ଓଡ଼ିଆ । ସେ ହେଉଛନ୍ତି ପ୍ରଥମ ଓଡ଼ିଆ ଓକିଲ । ତାଙ୍କର ଉଦ୍ୟମରେ ଗଠନ ହୋଇଥିବା ଉତ୍କଳ ସମ୍ମିଳନୀ ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନର ସଂଗ୍ରାମକୁ ଆଗେଇ ନେଇଥିଲା ।

ମଧୁବାବୁ ହେଉଛନ୍ତି ଓଡ଼ିଆ ସ୍ୱାଭିମାନର ପ୍ରତୀକ । ସେ ଥିଲେ ପ୍ରଚଣ୍ଡ ସ୍ୱାଭିମାନୀ, ସ୍ୱପ୍ନଦ୍ରଷ୍ଟା ଆଉ ଓଡ଼ିଆ ମନସ୍ମ । ଉତ୍କଳର ସ୍ୱତନ୍ତ୍ରତା ପାଇଁ ଶେଷ ପର୍ଯ୍ୟନ୍ତ ସେ ସଂଗ୍ରାମ କରି ଚାଲିଥିଲେ । ଓଡ଼ିଶାରେ ସ୍ୱଦେଶୀ ଜ୍ଞାନ କୌଶଳରେ ଶିଳ୍ପ ପ୍ରତିଷ୍ଠା ଉପରେ ଗୁରୁତ୍ୱ ଦେଇଥିଲେ । ସାରା ଜୀବନ ଓଡ଼ିଆ ଭାଷା ଓ ଜାତିର ଉନ୍ନତି ପାଇଁ କାର୍ଯ୍ୟ କରିଛନ୍ତି ମଧୁବାବୁ । ତାଙ୍କ ଉଦ୍ୟମରେ  ୧୯୩୬ରେ ଓଡ଼ିଶା ଭାଷା ଭିତ୍ତିକ ପ୍ରଦେଶ ଭାବେ ସ୍ୱୀକୃତି ପାଇଥିଲା । ଜଗନ୍ନାଥ ମନ୍ଦିରର ସୁରକ୍ଷା ପାଇଁ ସେ ମୋକବ୍ଦମା ଲଢିଥିଲେ । ଗଜପତିଙ୍କ ପାଇଁ ମାମଲା ପରିଚାଳନା କରିଥିଲେ ।

ଓଡ଼ିଆଙ୍କ ସ୍ୱାଭିମାନ ଲଢେଇରେ ମଧୁବାବୁଙ୍କ ଅବଦାନକୁ ସ୍ମରଣ ପାଇଁ ଆଜି ସାରା ରାଜ୍ୟରେ ସ୍ୱାଭିମାନ ଦିବସ ପାଳନ କରାଯାଉଛି । ଆଇନ ପାଠ ନଜାଣିଲେ ଇଂରେଜ ସରକାରଙ୍କ ସାମ୍ନା କରିବା ସମ୍ଭବ ନୁହେଁ ମନେ କରି ନୈଶ କଲେଜରେ ଆଇନ ପାଠ ପଢିଥିଲେ ।

ପଢନ୍ତୁ ;

ବିଜେଡ଼ିରୁ ଇସ୍ତଫା ଦେଲେ ହେମା ଗମାଙ୍ଗ !

Related posts

ଆୟୁଷ୍ମାନ ଭାରତ ଆରମ୍ଭ, ଉପକୃତ ହେବେ ୧୦କୋଟି ଗରିବ ପରିବାର

ENO Beuro

ଦୁଇବର୍ଷ ମଧ୍ୟରେ ଦେଶରେ ୮୮୫ ବର୍ଗ କିମି ଜଙ୍ଗଲ ବଢିଛି,ଏହି ତାଲିକାରେ ଓଡ଼ିଶା ଚତୁର୍ଥ ସ୍ଥାନରେ

ENO Beuro

ବହୁ ବାଦ ବିବାଦ ପରେ ଓଡ଼ିଶା ସୀମାରୁ ହଟିଲା ପଶ୍ଚିମବଙ୍ଗର ହୋର୍ଡିଂ

ENO Beuro

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More