24.1 C
Bhubaneswar
December 7, 2021
EnewsOdia.Com
ବାସ୍ତୁ

ଘରର ମୁଖ୍ୟ ଦ୍ୱାର ପାଇଁ ଏହି କଥା ଉପରେ ଦିଅନ୍ତୁ ଗୁରୁତ୍ୱ

ଘରର ମୁଖ୍ୟ ଦ୍ୱାର ଆପଣଙ୍କ ଜୀବନ ଉପରେ ଉଭୟ ସକାରାତ୍ମକ ଓ ନକାରାତ୍ମକ ପ୍ରଭାବ ପକାଇଥାଏ। ତେବେ ଏହା ସକାରାତ୍ମକ ନା ନକାରାତ୍ମକ ପ୍ରଭାବ ପକାଇବ, ତାହା ତାର ବାସ୍ତୁ ଉପରେ ନିର୍ଭର କରେ। ବାସ୍ତୁ ଅନୁଯାୟୀ ଏହା ଠିକ୍ ଦିଗରେ ଓ ଠିକ୍ ଭାବରେ ନିର୍ମିତ ହୋଇଥିଲେ ସକାରାତ୍ମକ ପ୍ରଭାବ ପକାଏ। ନହେଲେ ଏହା ନକାରାତ୍ମକ ପ୍ରଭାବ ପକାଏ। ମୁଖ୍ୟ ଦ୍ୱାର ଠିକ୍‌ ଦିଗରେ ରହିଲେ ଓ ବାସ୍ତୁ ଅନୁସାରେ ନିର୍ମାଣ ହୋଇଥିଲେ ଘରେ ଘରେ ସୁଖଶାନ୍ତି ବଜାୟ ରହିବା ସହିତ ଆର୍ଥିକ ସ୍ଥିତି ମଜବୁତ୍‌ ହୋଇଥାଏ ବୋଲି କୁହାଯାଏ। ତେଣୁ ଘରର ମୁଖ୍ୟ ଦ୍ୱାର କିପରି ହେବା ଉଚିତ୍‌, ଏହା ପାଖରେ ବା ସମ୍ମୁଖରେ କ’ଣ ରହିଲେ ଭଲ ଓ କ’ଣ ରହିଲେ ଖରାପ, ଆସନ୍ତୁ ସେ ବିଷୟରେ ଜାଣିନେବା।

୧. ଘରର ମୁଖ୍ୟ ଦ୍ୱାରକୁ ଲାଗି ଆଉ ଦ୍ୱାର କରନ୍ତୁ ନାହିଁ। ଏହା ଅଶୁଭ ଫଳ ପ୍ରଦାନ କରିଥାଏ। ଯଦି ମୁଖ୍ୟ ଦ୍ୱାର ପାଖରେ ଏକ ଅବା ଏକାଧିକ ଦ୍ୱାର ଅଛି, ତା’ହେଲେ ମୁଖ୍ୟ ଦ୍ୱାରର କବାଟରେ ସ୍ପଟିକ ଚିହ୍ନ ଲଗାନ୍ତୁ। ସବୁଠୁ ଭଲ ଅନ୍ୟ ଦ୍ୱାରଗୁଡ଼ିକୁ ବନ୍ଦ କରି ଦେବାକୁ ଚେଷ୍ଟା କରନ୍ତୁ।

୨. ସୁଫଳ ପ୍ରାପ୍ତି ପାଇଁ ଘରର ମୁଖ୍ୟ ଦ୍ୱାରରେ ଘୋଡ଼ା ନାଲ ଲଗାନ୍ତୁ। ଏହି ନାଲକୁ ଦ୍ୱାରର ମଧ୍ୟ ଭାଗରେ ଲଗାନ୍ତୁ। ଏହାଦ୍ୱାରା ନକାରାତ୍ମକ ଶକ୍ତି ଘରେ ପ୍ରବେଶ କରି ନଥାଏ।

୩. ମୁଖ୍ୟ ଦ୍ୱାରର ଦୁଇପାର୍ଶ୍ୱରେ ତୁଳସୀ ଗଛ ଲଗାନ୍ତୁ। ଏହା ଦ୍ୱାରା ଘରର ସଦସ୍ୟଙ୍କ ସ୍ୱାସ୍ଥ୍ୟ ଠିକ୍‌ ରହେ ବୋଲି କୁହାଯାଏ।

୪. ମୁଖ୍ୟ ଦ୍ୱାର ସାମ୍ନାରେ କୌଣସି ଲମ୍ୱା ଗଛ ରହିବା ଅଶୁଭ। ଯଦି ଗଛ କାଟିବା ସମ୍ଭବ ନୁହେଁ, ତେବେ ମୁଖ୍ୟ ଦ୍ୱାରରେ ସ୍ୱସ୍ତିକ ଚିହ୍ନ ଲଗାଇ ଏହାକୁ ପୂଜା କରନ୍ତୁ।

୫. ମୁଖ୍ୟ ଦ୍ୱାର ସାମ୍ନାରେ ଅଳିଆ, ଆବର୍ଜନା ଜମା କରନ୍ତୁ ନାହିଁ କି କୌଣସି ଗାତ ରଖନ୍ତୁ। ଯଥା ସମ୍ଭବ ମୁଖ୍ୟ ଦ୍ୱାର ସମ୍ମୁଖକୁ ସଫା ରଖିବାକୁ ଚେଷ୍ଟା କରନ୍ତୁ। ନହେଲେ ଘରର ସଦସ୍ୟ ରୋଗଗ୍ରସ୍ତ ହୋଇଥା’ନ୍ତି।

୬. ଘରର ଆର୍ଥିକ ସ୍ଥିତିକୁ ମଜବୁତ କରିବା ପାଇଁ ଅନ୍ୟ ଦ୍ୱାର ଅପେକ୍ଷା ମୁଖ୍ୟ ଦ୍ୱାରକୁ ବଡ଼ କରନ୍ତୁ।

ପଢନ୍ତୁ: ଆଖିର ରଙ୍ଗ କହିବ ମଣିଷର ସ୍ଵଭାବ ସମ୍ପର୍କରେ

Related posts

ଖରାପ ଦୃଷ୍ଟିରୁ ଆପଣଙ୍କୁ ବଞ୍ଚାଇଥାଏ ଲବଙ୍ଗ, ଜାଣନ୍ତୁ କିପରି

Ratnamani Maharana

ଦୀପାବଳିରେ ବାସ୍ତୁ ଅନୁଯାୟୀ ପକାନ୍ତୁ ରଙ୍ଗୋଲି

Ratnamani Maharana

ରୋଷେଇ ଘରର ୧୦ଟି ମହତ୍ୱପୂର୍ଣ୍ଣ ବାସ୍ତୁ ନିୟମ

Ratnamani Maharana

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More