ଆଜି ନବୀନ ନିବାସରେ ମୁଖ୍ୟମନ୍ତ୍ରୀଙ୍କୁ ସୌଜନ୍ୟମୂଳକ ସାକ୍ଷାତ କରିବେ ଦିଦି

ଆଜି ନବୀନ ନିବାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସୌଜନ୍ୟମୂଳକ ସାକ୍ଷାତ କରିବେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ସୂଚନାନୁସାରେ ଅପରାହ୍ନ ସାଢ଼େ ୪ଟାରେ ଭେଟିବାର କାର୍ଯ୍ୟକ୍ରମ ରହିଛି । ଏନେଇ ବୁଧବାର ଦିନ ନିଜେ ସାମ୍ବାଦିକମାନଙ୍କୁ ସୂଚନା ଦେଇଥିଲେ ।ହକି ବିଶ୍ବକପ ସମୟରେ ନିମନ୍ତ୍ରଣ ପରେ ବି ବ୍ୟକ୍ତିଗତ କାରଣରୁ ମୁଁ ଆସିପାରିନଥିବାରୁ ଯେବେ ଓଡ଼ିଶା ଆସିବେ ସେବେ ନବୀନଙ୍କୁ ସାକ୍ଷାତ କରିବା ନେଇ ପ୍ରତିଶ୍ରୁତି ଦେଇଥିବା କହିଥିଲେ । 

ସୂଚନାଯୋଗ୍ୟ, ତିନିଦିନିଆ ଓଡ଼ିଶା ଗସ୍ତରେ ଆସିଛନ୍ତି ମମତା ବାନାର୍ଜୀ। ପଶ୍ଚିମବଙ୍ଗ ଯାତ୍ରୀଙ୍କ ପାଇଁ ବଳିଆପଣ୍ଡାରେ ନିର୍ମାଣ ହେବାକୁ ଥିବା ଅତିଥି ଭବନର ଭିତ୍ତିପ୍ରସ୍ତର ସ୍ଥାପନ କରି ଶ୍ରୀ ଜଗନ୍ନାଥଙ୍କୁ ଦର୍ଶନ କରିଥିଲେ। ନିଜେ ମମତା ବ୍ରାହ୍ମଣଙ୍କୁ ମହାପ୍ରସାଦ ପରଶିଥିଲେ । ପରେ ସେ ନିଜେ ମହାପ୍ରସାଦ ସେବନ କରିଥିଲେ । ପରେ ସିଂହଦ୍ଵାର ଦେଇ ଶ୍ରୀମନ୍ଦିରରୁ ପ୍ରତ୍ୟାବର୍ତ୍ତନ କରିଥଲେ ।