News

ମାଓବାଦୀଙ୍କ ଆକ୍ରମଣ :ମାଲକାନଗିରି–ଛତିଶଗଡ ସୀମାରେ ଜାଳିଦେଲେ ୩ଟି ବସ୍‌ ଓ ୩ଟି ଟ୍ରକ୍, ଜଣଙ୍କୁ ହତ୍ୟା

ପୁଣି ମାତିଲେ ମାଓବାଦୀ

ମାଲକାନଗିରି ସୀମାରେ ପୁଣି ମାଓ ହିଂସା ଦେଖାଦେଇଛି । ମାଓବାଦୀମାନେ ୩ଟି ବସ ଓ ୩ ଟ୍ରକ ଜାଳିଦେଇଥିବା ଅଭିଯୋଗ ହୋଇଛି । ଏହା ସହ ଚାକିରିରୁ ବହିଷ୍କୃତ ହୋଇଥିବା ମୁନା ସୋଡି ନାମକ କନେଷ୍ଟବଳଙ୍କୁ ମାଓବାଦୀମାନେ ଗୁଳି କରି ହତ୍ୟା କରିଛନ୍ତି। ମାଲକାନଗିରିରୁ ହାଇଦ୍ରାବାଦ ଯାଉଥିବା ଯାତ୍ରୀବାହୀ  ବସକୁ ଅଟକାଇ ଏଭଳି କାଣ୍ଡ କରିଥିବା ଜଣାପଡିଛି । ପ୍ରଥମ ଥର ପାଇଁ ଏହି ବସ୍ ଯାତ୍ରା ଶୁଭାରମ୍ଭ କରାଯାଇଥିଲା । ତେଲେଙ୍ଗାନା ସୀମାରେ କିଛିଦିନ ତଳେ ଏନକାଉଂଟରରେ ୧୨ ଜଣ ମାଓବାଦୀଙ୍କୁ ହତ୍ୟା କରିଥିବାର ଘଟଣାର ପ୍ରତିବାଦରେ ଏଭଳି କାଣ୍ଡ କରିଥିବା ଛାଡିଯାଇଥିବା ପୋଷ୍ଟର ଓ ବ୍ୟାନରରେ ଉଲ୍ଲେଖ ରହିଛି।

ସୂଚନା ଅନୁସାରେ ରାତି ପ୍ରାୟ ୧୦ଟା ୧୫ ସମୟରେ ମାଓବାଦୀମାନେ ଗାଡ଼ିଗୁଡ଼ିକୁ ରାସ୍ତାରେ ଅଟକାଇଥିଲେ। ପ୍ରାୟ ୫୦ରୁ ଉର୍ଦ୍ଧ୍ୱ ସଶସ୍ତ୍ର ମାଓବାଦୀ ବସର ଯାତ୍ରୀମାନଙ୍କୁ ଗାଡ଼ିରୁ ଓହ୍ଲାଇ ଦେଇ ବସ୍‌ରେ ନିଆଁ ଲଗାଇ ଦେଇଥିଲେ। ନିଆଁ ଲଗାଇଥିବା ୩ଟି ବସ୍ ମଧ୍ୟରୁ ଗୋଟିଏ ବସ୍ ମାଲକାନଗିରିରୁ ହାଇଦ୍ରାବାଦ ଯାଉଥିଲା। ଅନ୍ୟ ୨ଟି ବସ୍ ଜଗଦଲପୁରରୁ ହାଇଦ୍ରାବାଦ ଓ ବଇଲଡିଲାରୁ ହାଇଦ୍ରାବାଦ ଯାଉଥିବାର ଜଣାଯାଇଛି। ଗତକାଲି ମାଲକାନଗିରିରୁ ହାଇଦ୍ରାବାଦକୁ ଏହି ବସଟି ନୂଆ କରି ଚାଲିଥିଲା।

୨ ମାର୍ଚ୍ଚରେ ହୋଇଥିବା ଏନକାଉଣ୍ଟରକୁ ବିରୋଧ କରି ଏଭଳି ଘଟଣା ଘଟାଇ ଥିବା ପୋଷ୍ଟରରେ ଉଲ୍ଲେଖ ରହିଛି। ତେବେ ଉକ୍ତ ଘଟଣାର ପ୍ରତିଶୋଧ ନେଇଛନ୍ତି ମାଓବାଦୀ।

ପଢନ୍ତୁ;

ମଦ ପିଇ ବର ବେଦିରୁ ଉଠିଗଲେ: ଥାନାରେ ହେଲା ବରଣମାଳା, ଆଜି କୋର୍ଟରେ ରେଜିଷ୍ଟ୍ରି ମ୍ୟାରେଜ

Related posts

ମନ୍ଦିର ଦାନବାକ୍ସରେ ଆଇଫୋନ ୬ଏସ

ENO Beuro

ପୁଣି ମୁଣ୍ଡ ନେଲା ବମିଖାଲ ଓଭରବ୍ରିଜ୍ : ଜଣେ ଶ୍ରମିକ ମୃତ , ଜଣେ ଗୁରୁତର

ENO Beuro

କନ୍ଧମାଳ ହଳଦୀ ର ସ୍ଵତନ୍ତ୍ରତାକୁ ବଜାୟ ରଖିବାକୁ ସରକାରଙ୍କ ବିଶେଷ ପ୍ରସ୍ତୁତି ବିଷୟରେ ଜାଣନ୍ତୁ

ENO Beuro

1 comment

Leave a Comment