News

ରେଳ ମନ୍ତ୍ରଣାଳୟ ଦ୍ୱାରା ପାଳିତ ହେଲା ‘ସ୍ୱଚ୍ଛତା ହି ସେବା ପଖୱାଡା’

ଜାତିର ପିତା ମହାତ୍ମା ଗାନ୍ଧୀଙ୍କ 150ତମ ଜନ୍ମ ବାର୍ଷିକୀ ଅବସରରେ 2018 ସେପ୍ଟେମ୍ବର 15 ତାରିଖରୁ ଅକ୍ଟୋବର 2 ତାରିଖ ପର୍ଯ୍ୟନ୍ତ ରେଳ ମନ୍ତ୍ରଣାଳୟ ଏହାର ଦେଶବ୍ୟାପୀ ନେଟୱର୍କରେ ‘ସ୍ୱଚ୍ଛତା ହି ସେବା ପଖୱାଡା’ ପାଳନ କରିଛି। ରେଳ କର୍ମଚାରୀଙ୍କୁ ସ୍ୱଚ୍ଛତାର ଶପଥ ଦିଆଯିବା ସହ ଏହି ପକ୍ଷ ଆରମ୍ଭ ହୋଇଥିଲା । ଏହାପରେ ପ୍ରତି ଦୁଇ ଦିନକୁ ଗୋଟିଏ ଲେଖାଏଁ ପ୍ରସଙ୍ଗ; ସ୍ୱଚ୍ଛ ଷ୍ଟେସନ, ସ୍ୱଚ୍ଛ ଟ୍ରେନ, ସ୍ୱଚ୍ଛ ନୀର, ସ୍ୱଚ୍ଛ ପରିସର, ସ୍ୱଚ୍ଛ ସମୱାଦ, ସ୍ୱଚ୍ଛ ସଚେତନତା ଆଦି ନେଇ ଅଭିଯାନ କରାଯାଇଥିଲା।

ଏହି ଅବସରରେ ପ୍ରାୟ 100 କିଲୋମିଟର ରେଲୱେ ଟ୍ରାକରେ ବୃକ୍ଷରୋପଣ କରାଯାଇଛି । ମହାତ୍ମା ଗାନ୍ଧୀଙ୍କ ସ୍ମୃତି ସହ ଜଡ଼ିତ ଥିବା 43ଟି ଷ୍ଟେସନ, ଦିଲ୍ଲୀ, ଆଗ୍ରା, ଜୟପୁର ସ୍ୱର୍ଣ୍ଣ ତ୍ରିଭୁଜ ଏବଂ ପ୍ରସିଦ୍ଧ ସହର ନିକଟ 28ଟି ଷ୍ଟେସନରେ ପରିଚ୍ଛନ୍ନତା ଉପରେ ବିଶେଷ ଗୁରୁତ୍ୱ ଦିଆଯାଇଥିଲା । ଗାନ୍ଧୀଜୀଙ୍କ ସ୍ମୃତି ସହ ଜଡ଼ିତ ଷ୍ଟେସନଗୁଡ଼ିକୁ ବିଭିନ୍ନ ପ୍ରସଙ୍ଗ ଆଧାରରେ ରଙ୍ଗାୟିତ କରାଯାଇଥିଲା । ଅକ୍ଟୋବର 2 ତାରିଖରେ ସମସ୍ତ ଟ୍ରେନରେ ସ୍ୱଚ୍ଛତା ଲୋଗୋ ଏବଂ ଜାତୀୟ ପତାକା ପ୍ରଦର୍ଶିତ ହୋଇଥିଲା ।ଯାତ୍ରୀ, ଛାତ୍ରଛାତ୍ରୀ, ପରିବାର, ପେନସନ ଗ୍ରହୀତା, ସ୍ୱୟଂ ସହାୟକ ଗୋଷ୍ଠୀ ଆଦିଙ୍କୁ ସଚେତନ କରାଇବା ଲାଗି ସୋସିଆଲ ମିଡିଆ, ନୁକ୍କଡ ନାଟକ, ଦୃଶ୍ୟ/ଶ୍ରାବ୍ୟ କ୍ଲିପର ସହାୟତା ନିଆଯାଇଥିଲା। 2018 ସେପ୍ଟେମ୍ବର 15 ତାରିଖରେ ଉତ୍ତରାଞ୍ଚଳ ରେଲୱେରେ ରେଳ ଓ କୋଇଲା ମନ୍ତ୍ରୀ ପିୟୁଷ ଗୋୟଲ ପୁରୁଣା ଦିଲ୍ଲୀ ରେଳ ଷ୍ଟେସନରେ ସ୍ୱଚ୍ଛତା ହି ସେବା ପଖୱାଡାର ଶୁଭାରମ୍ଭ କରିଥିଲେ । ରେଳ କର୍ମଚାରୀ ଓ ଅଧିକାରୀଙ୍କୁ ସେ ସ୍ୱଚ୍ଛତାର ଶପଥ ପାଠ କରାଇବା ସହ ଶ୍ରମଦାନରେ ମଧ୍ୟ ଅଂଶ ଗ୍ରହଣ କରିଥିଲେ । ପରେ ମନ୍ତ୍ରୀ ହଜରତ ନିଜାମୁଦ୍ଦିନ ରେଳ ଷ୍ଟେସନ ଏବଂ ନୂଆଦିଲ୍ଲୀ ରେଳ ଷ୍ଟେସନ ଗସ୍ତ କରି ବିଭିନ୍ନ କାର୍ଯ୍ୟକ୍ରମରେ ଭାଗ ନେଇଥିଲେ।

ସେଣ୍ଟ୍ରାଲ ରେଲୱେରେ କେୱାଇଏନ୍ ସ୍କୁଲର ଶିକ୍ଷକ ଓ ଛାତ୍ରଛାତ୍ରୀମାନେ ମହାତ୍ମା ଗାନ୍ଧୀଙ୍କ ବାର୍ତ୍ତା ଓ ଚିତ୍ରରେ 12ଟି ଇଏମ୍ୟୁ ବଗିକୁ ସ୍ୱଚ୍ଛତା ପ୍ରସଙ୍ଗରେ ରଙ୍ଗାୟିତ କରିଥିଲେ । ଡିଭିଜନ ଓ ଜୋନାଲ ସ୍ତରରେ ସ୍ୱଚ୍ଛତା ଆଧାରରେ ବିଭିନ୍ନ ପ୍ରତିଯୋଗିତା ମଧ୍ୟ ଅନୁଷ୍ଠିତ ହୋଇଥିଲା ।

2018 ସେପ୍ଟେମ୍ବର 28 ତାରିଖରେ ପଶ୍ଚିମାଞ୍ଚଳ ରେଲୱେରେ ଏହି ପଖୱାଡା ଅବସରରେ ସ୍ୱଚ୍ଛ ନୀର’କୁ ଗୁରୁତ୍ୱ ଦିଆଯାଇଥିଲା । ୱାଟର ପ୍ଲାଣ୍ଟ, ଜଳ ଯୋଗାଣ ବ୍ୟବସ୍ଥା, ପାନୀୟ ଜଳ ଟ୍ୟାପ୍, ଫିଲ୍ଟର ପ୍ଳାଣ୍ଟ, ୱାଟର ଭେଣ୍ଡିଂ ମେସିନ, ଷ୍ଟେସନରେ ଥିବା ୱାଟର କୁଲରଗୁଡ଼ିକୁ ତଦାରଖ କରାଯାଇଥିଲା । ରେଲୱେ କଲୋନି, ଟ୍ରେନ, ହସପିଟାଲ, ହେଲ୍ଥ ୟୁନିଟ ଓ ସ୍କୁଲଗୁଡ଼ିକରେ ପାନୀୟ ଜଳ ସୁଚାରୁ ରୂପେ ଉପଲବ୍ଧ ହେଉଛି କି ନାହିଁ ତଦାରଖ କରାଯାଇଥିଲା । ଜଳ ଅମଳ ପ୍ରକଳ୍ପ ଓ ବର୍ଷା ଜଳ ଅମଳ ବ୍ୟବସ୍ଥାକୁ ମଧ୍ୟ ଗୁରୁତ୍ୱ ଦିଆଯାଇଥିଲା । ଯାତ୍ରୀମାନଙ୍କୁ ସଚେତନ କରାଇବା ଲାଗି ସ୍ୱେଚ୍ଛାସେବୀମାନେ ନୁକ୍କଡ କାଟକ ପ୍ରଦର୍ଶନ କରିଥିଲେ ।

ପଶ୍ଚିମାଞ୍ଚଳ ରେଲୱେ ମଧ୍ୟ ଏହି ଅବସରରେ ‘ସ୍ୱଚ୍ଛ ଆହାର’ ଦିବସ ପାଳନ କରିଥିଲା । କ୍ୟାଟରିଂ ୟୁନିଟଗୁଡ଼ିକ କିପରି ଖାଦ୍ୟ ପ୍ରସ୍ତୁତ ଓ ଯୋଗାଣରେ ସ୍ୱଚ୍ଛତା ଅବଲମ୍ବନ କରିବେ ତାହାକୁ ତଦାରଖ କରାଯାଇଥିଲା । ସମସ୍ତ ଟ୍ରେନର ପ୍ୟାଣ୍ଟ୍ରି କାର୍ ଓ କ୍ୟାଣ୍ଟିନଗୁଡ଼ିକୁ ପରିଷ୍କାର କରାଯାଇଥିଲା । ଖାଦ୍ୟ ନମୂନା ସଂଗ୍ରହ କରଯିବା ସହ ଏ ସମ୍ପର୍କରେ ଯାତ୍ରୀଙ୍କ ମତାମତ ସଂଗ୍ରହ ହୋଇଥିଲା ।

railway

ପୂର୍ବାଞ୍ଚଳ ରେଲୱେରେ ସମସ୍ତ ଷ୍ଟେସନ, କଲୋନି, ହସପିଟାଲ, ହେଲ୍ଥ ୟୁନିଟରେ ଗଣ ସ୍ୱଚ୍ଛତା ସଚେତନତା ଅଭିଯାନ କରାଯାଇଥିଲା । ପ୍ରଭାତ ଫେରୀ, ନୁକ୍କଡ ନାଟକ, ଭିଡିଓ ୱାଲ୍, ଜନସାଧାରଣଙ୍କୁ ଉଦବୋଧନ ଆଦି କାର୍ଯ୍ୟକ୍ରମ ହୋଇଥିଲା । ପ୍ରାୟ 20 ହଜାର ଚାରା ମଧ୍ୟ ରୋପଣ କରାଯାଇଥିଲା ।

ଦକ୍ଷିଣ-କେନ୍ଦ୍ରୀୟ ରେଳବାଇର ମୋବାଇଲ ଡିଜିଟାଲ ଚଳଚ୍ଚିତ୍ର ଥିଏଟର ମାଧ୍ୟମରେ ସଚେତନତା କରାଯାଇଥିଲା, ଯାହାକି ରେଳବାଇରେ ଥିଲା ପ୍ରଥମ । ଏହାଦ୍ୱାରା ବିଭିନ୍ନ ପଖୱାଡା କାର୍ଯ୍ୟକ୍ରମକୁ ନେଇ ରେଳବାଇର ସ୍ୱଚ୍ଛତା ଚିତ୍ର ପ୍ରଦର୍ଶନ କରାଯାଉଥିଲା ।

ଦକ୍ଷିଣ ରେଳବାଇ କୃତିତ୍ୱର ଏକ ମାଇଲଖୁଣ୍ଟ ସ୍ୱରୂପ ଚେନ୍ନାଇ ସେଣ୍ଟ୍ରାଲ ରେଳ ଷ୍ଟେସନର ଐତିହ୍ୟ କୋଠାକୁ ଇଣ୍ଡିଆନ ଗ୍ରୀନ ବିଲ୍ଡିଂ କାଉନସିଲ ଦ୍ୱାରା ଗ୍ରୀନ ରେଲୱେ ଷ୍ଟେସନ ସାର୍ଟିଫିକେଟ ପ୍ରଦାନ କରାଯାଇଥିଲା ।

ପୂର୍ବ କେନ୍ଦ୍ରୀୟ ରେଳବାଇର ପାଟନା ଜଙ୍କସନରେ ପ୍ଲାଷ୍ଟିକ ବୋତଲ ନଷ୍ଟ କରାଯାଉଥିବା ମେସିନ ସ୍ଥାପନ କରାଯାଇଥିଲା । ଏଭଳି ମେସିନ ବସାଇବାରେ ଏହା ବିହାରରେ ପ୍ରଥମ ଷ୍ଟେସନ । ସ୍ୱଚ୍ଛତା ପଖୱାଡା ଅବସରରେ ପରେ ପରେ ରାଜିନ୍ଦର ନଗର, ପାଟନା ସାହିବ, ମୁଗଲ ସରାଇ ଏବଂ ଦରଭଙ୍ଗାରେ ମଧ୍ୟ ଏପରି ମେସିନ ସ୍ଥାପନ ହୋଇଥିଲା । ଷ୍ଟେସନ ଶୌଚାଳୟର ସ୍ୱଚ୍ଛତା ସମ୍ପର୍କରେ ଯାତ୍ରୀଙ୍କଠାରୁ ପ୍ରତିକ୍ରିୟା ସଂଗ୍ରହ ପାଇଁ ୱାଇ-ଫାଇ ଭିତ୍ତିକ ପୋର୍ଟାଲ ‘ଟଏଲେଟ ଫିଡବ୍ୟାକ ସିଷ୍ଟମ’ ଆରମ୍ଭ କରାଯାଇଥିଲା ।

ସ୍ୱଚ୍ଛତା ପ୍ରସାଧନ ଦିବସ ଅବସରରେ କୋଲକାତା ମେଟ୍ରୋରେ ଶହୀଦ ଖୁଦିରାମ ଓ ନୋଆପଡ଼ାଠାରେ ଦୁଇଟି ଶୌଚାଳୟ (ପୁରୁଷ ଓ ମହିଳା) ଉଦଘାଟନ କରାଯାଇଥିଲା । ବେଲଗାଛିଆ ଓ ଶୋଭାବଜାର-ସୁତାନୁଆରେଠାରେ ମଧ୍ୟ ଶୌଚାଳୟ ଉଦଘାଟନ ଅପେକ୍ଷାରେ ପ୍ରସ୍ତୁତି ସରିଛି। ଏଥିସହ ଭାରତୀୟ ରେଳବାଇର ସମସ୍ତ ଜୋନ, ଡିଭିଜନ, ପ୍ରଡକ୍ସନ ୟୁନିଟ, ୱାର୍କସପ ଏବଂ ରେଲୱେ ରାଷ୍ଟ୍ରାୟତ୍ତ ଉଦ୍ୟୋଗଗୁଡ଼ିକରେ ମଧ୍ୟରେ ସ୍ୱଚ୍ଛତା ପଖୱାଡା ପାଳନ କରାଯାଇଛି।

ପଢନ୍ତୁ;ହନୁମାନଙ୍କୁ କେଉଁ ସମୟରେ ପୂଜା କରିବା ଅନୁଚିତ୍? ଜାଣନ୍ତୁ

Related posts

ଆମେରିକାର ହାଇସ୍କୁଲରେ ଗୁଳିକାଣ୍ଡ : ପୂର୍ବତନ ଛାତ୍ରଙ୍କ ଗୁଳିରେ ୧୭ଜଣଙ୍କ ମୃତ୍ୟୁ

ENO Beuro

Senior Journalist Gauri Lankesh Murder Case, Police Searching Evidence

ENO Beuro

କେନ୍ଦ୍ର କ୍ୟାବିନେଟଙ୍କ ମଞ୍ଜୁରୀ : ମହାନଦୀ ଜଳ ବିବାଦର ସମାଧାନ ଲାଗି ଗଠନ ହେଲା ଟ୍ରିବ୍ୟୁନାଲ

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More