February 17, 2019

ଆଜି ବଲାଙ୍ଗୀର ଆସିବେ ମୋଦି,୧୦ ପ୍ରକଳ୍ପର କରିବେ ଶିଳାନ୍ୟାସ ଓ ଲୋକର୍ପଣ

modi

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ବଲାଙ୍ଗୀର ଆସିବେ । ଏଥିପାଇଁ ବିଜେପି ଚଳଚଂଚଳ ହୋଇପଡ଼ିଥିବାବେଳେ ପ୍ରଶାସନ ସମସ୍ତ ପ୍ରକାର ପ୍ରସ୍ତୁତି ଶେଷ କରିଛି । ରେଳ ଷ୍ଟେସନ ଠାରୁ ପଥରଚେପା ସଭାମଂଚ ଯାଏଁ ସବୁ କିଛି ଉତ୍ସବମୁଖର ହୋଇପଡ଼ିଛି । ଏମିତିକି ମୋଦି ରୋଡ଼ ଶୋ’ କରିବେ ବୋଲି ମଧ୍ୟ ଚର୍ଚ୍ଚା ହେଉଛି । ପ୍ରଧାନମନ୍ତ୍ରୀ ନିଜ ଗସ୍ତ କାଳରେ ୧୫୪୫ କୋଟି ଟଙ୍କାର ପ୍ରକଳ୍ପ ଉଦଘାଟନ ଓ ଶିଳାନ୍ୟାସ କରିବେ ।

modi

ଝାରସୁଗୁଡା ମଲଟି ମୋଡାଲ ଲଜିଷ୍ଟିକ ପାର୍କକୁ ଦେଶ ଉଦ୍ଦେଶ୍ୟରେ ସମର୍ପିତ କରିବେ ପ୍ରଧାନମନ୍ତ୍ରୀ । ବରପାଲି –ଡୁଙ୍ଗୁରିପାଲି ଓ ବଲାଙ୍ଗୀର –ଦେଓଗାଁ ରେଳଲାଇନର ଦୋହରୀକରଣ , ବଲାଙ୍ଗୀର – ବିଛୁପାଲି ମଧ୍ୟରେ ରେଳ ଚଳାଚଳକୁ ସେ ଶୁଭାରମ୍ଭ କରିବେ । ଏକ ପାସପୋର୍ଟ କେନ୍ଦ୍ରର ଶୁଭାରମ୍ଭ କରିବା ନେଇ କାର୍ଯ୍ୟସୂଚୀ ରହିଥିବାବେଳେ ପ୍ରଥମେ ରେଳ ଷ୍ଟେସନ ନିକଟରେ ସରକାରୀ କାର୍ଯ୍ୟକ୍ରମ ଏବଂ ପରେ ବଲାଙ୍ଗୀରର ପଥରଚେପାରେ ଦଳୀୟ ସଭାକୁ ଉଦବୋଧନ ଦେବେ।

ରାଜ୍ୟ ବିଜେପି ସଭାପତି ବସନ୍ତ ପଣ୍ଡା କହିଛନ୍ତି-“ନରେନ୍ଦ୍ର ମୋଦି ବିକାଶର ଚିନ୍ତାଧାରା ନେଇ ଆସୁଛନ୍ତି” । ମୋଦିଙ୍କ ବଲାଙ୍ଗିର ଗସ୍ତ ନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ୱିଟ୍ କରି କହିଛନ୍ତି ଯେ ୧୫୫୦କୋଟି ଟଙ୍କାର ଉପହାର ନେଇ ମୋଦି ଆସୁଛନ୍ତି ।

ପଢନ୍ତୁ; ଶ୍ଵାସ ସମ୍ବନ୍ଧୀୟ ରୋଗରୁ ମୁକ୍ତି ପାଇବା ପାଇଁ ଜାଣନ୍ତୁ କିଛି ଆୟୁର୍ବେଦିକ ଉପଚାର!

Related posts

This website uses cookies to improve your experience. We'll assume you're ok with this, but you can opt-out if you wish. Accept Read More