News

ଏନଡିଏମ୍ଏର 14ତମ ପ୍ରତିଷ୍ଠା ଦିବସକୁ ଉଦଘାଟନ କଲେ କେନ୍ଦ୍ର ସ୍ୱରାଷ୍ଟ୍ର ରାଷ୍ଟ୍ର ମନ୍ତ୍ରୀ

ndma

କେନ୍ଦ୍ର ସ୍ୱରାଷ୍ଟ୍ର ରାଷ୍ଟ୍ର ମନ୍ତ୍ରୀ କିରେନ ରିଜିଜୁ ମଙ୍ଗଳବାର ଦିଲ୍ଲୀରେ ନ୍ୟାସନାଲ ଡିଜାଷ୍ଟର ମ୍ୟାନେଜମେଣ୍ଟ ଅଥରିଟି (NDMA)ର 14ତମ ପ୍ରତିଷ୍ଠା ଦିବସକୁ ଉଦଘାଟନ କରିଛନ୍ତି । ଚଳିତ ବର୍ଷ ପ୍ରସଙ୍ଗ ରହିଛି ‘ଆର୍ଲି ୱାର୍ଣ୍ଣିଂ ଫର ଡିଜାଷ୍ଟର୍ସ’ (ବିପର୍ଯ୍ୟୟ ପୂର୍ବ ସତର୍କତା) ।

ଉଦଘାଟନୀ ଅଭିଭାଷଣାରେ ଶ୍ରୀ ରିଜିଜୁ କହିଲେ, ବିପର୍ଯ୍ୟୟ ପରିଚାଳନାର ପ୍ରକ୍ରିୟାରେ ଏନଡିଏମ୍ଏ ପରିବର୍ତ୍ତନ ଆଣିପାରିଛି । ଏତେ ବଡ଼ ଭୌଗଳିକ ସୀମା, ଜନବହୁଳ, ବିଶେଷ କରି ଗଣତନ୍ତ୍ର ଭାବେ ଭାରତ ବିପର୍ଯ୍ୟୟ ପରିଚାଳନା କ୍ଷେତ୍ରରେ ବହୁ ଦୂର ଅତିକ୍ରମ କରିଛି; ତେଣୁ ବିଶ୍ୱ ବିପର୍ଯ୍ୟୟ ବିପଦ ହ୍ରାସ ପ୍ରସଙ୍ଗରେ ଭାରତକୁ ଅଣଦେଖା କରିପାରିବ ନାହିଁ । ବିପର୍ଯ୍ୟୟ ପରିଚାଳନା କ୍ଷେତ୍ରରେ ଭାରତ ଏକ ପ୍ରମୁଖ ଭୂମିକା ଗ୍ରହଣ କରୁଛି ବୋଲି ସେ କହିଥିଲେ । ବିପର୍ଯ୍ୟୟ ପୂର୍ବ ସୂଚନାରେ ବିକାଶ ଏବଂ ସଚେତନତା ଦ୍ୱାରା ବିପର୍ଯ୍ୟୟ ମୁକାବିଲାର ଅର୍ଦ୍ଧେକ କାମ ହୋଇଯାଇଥାଏ । ବିପର୍ଯ୍ୟୟ ମୁକାବିଲା ଦିଗରେ ଭାରତକୁ ଅଧିକ ଦକ୍ଷ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ୱତନ୍ତ୍ର ଭାବେ ଉଦ୍ୟମ କରୁଛନ୍ତି ।

ndma

ଏହି ଅବସରରେ ଏନଡିଏମ୍ଏ ସଦସ୍ୟ ଶ୍ରୀ ଆର.କେ.ଜୈନ ବିଗତ ଏକ ବର୍ଷ ମଧ୍ୟରେ ଏନଡିଏମ୍ଏ ପକ୍ଷରୁ ନିଆଯାଇଥିବା ବିଭିନ୍ନ ପଦକ୍ଷେପ ଉଲ୍ଲେଖ କରିଥିଲେ । ଏନଡିଏମ୍ଏର ଗୁରୁତ୍ୱକୁ ଅବତାରଣା କରି ସେ କହିଲେ, ପ୍ରତିଷ୍ଠା ଦିନରୁ ବିଗତ 13 ବର୍ଷ ମଧ୍ୟରେ ଏନଡିଏମ୍ଏ କେବଳ ବିପର୍ଯ୍ୟୟ ମୁକାବିଲା ନୁହେଁ ବରଂ ବିପର୍ଯ୍ୟୟ ବିପଦ ହ୍ରାସ ଦିଗରେ ମଧ୍ୟ ବହୁ ପଦକ୍ଷେପ ନେଇଛି ।

ବିପର୍ଯ୍ୟୟ ପରିଚାଳନା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ବ୍ୟକ୍ତି ବିଶେଷ ଏବଂ ବିଭିନ୍ନ ସଙ୍ଗଠନଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୁରସ୍କୃତ କରିବାକୁ ପଦକ୍ଷେପ ନେଇଥିବା ଶ୍ରୀ ଜୈନ କହିଥିଲେ । ଏଥିପାଇଁ ଖୁବ ଶୀଘ୍ର ମନୋନୟନ ଗ୍ରହଣ କରାଯିବ ବୋଲି ସେ ସୂଚନା ଦେଇଥିଲେ ।

କାର୍ଯ୍ୟକ୍ରମରେ ଏନଡିଏମ୍ଏ ପକ୍ଷରୁ ହାଜାର୍ଡ ରେଜିଷ୍ଟାଣ୍ଟ କନଷ୍ଟ୍ରକ୍ସନ ସମ୍ପର୍କିତ ଏକ ଟ୍ରେନିଂ ମାନୁଆଲ ଉନ୍ମୋଚନ କରାଯାଇଥିଲା । ‘ଗୁଜରାଟ ଫ୍ଲଡସ 2017; ଏ ଷ୍ଟଡି ରିପୋର୍ଟ’ ମଧ୍ୟ ଉନ୍ମୋଚନ କରାଯିବାର କାର୍ଯ୍ୟକ୍ରମ ରହିଛି ।

ବିପର୍ଯ୍ୟୟ ପୂର୍ବ ସୂଚନାର ବିପର୍ଯ୍ୟୟ ବିପଦ ହ୍ରାସରେ ଗୁରୁତ୍ୱପୂର୍ଣ୍ଣ ଭୂମିକା ରହିଛି ଏବଂ ଏହାଦ୍ୱାରା ଧନଜୀବନ କ୍ଷୟକ୍ଷତି ମଧ୍ୟ ହ୍ରାସ ପାଇଥାଏ । ବିପର୍ଯ୍ୟୟର ସମୟରେ ଉଚିତ ପ୍ରତିକ୍ରିୟା ପାଇଁ ସମୟଭିତ୍ତିକ ପୂର୍ବ ସୂଚନା ଜରୁରି ।

ଫଳପ୍ରଦ ହେବା ସକାଶେ, ବିପର୍ଯ୍ୟୟ ପୂର୍ବ ସୂଚନା ସହ ସ୍ଥାନୀୟ ଜନସାଧାରଣ, ସଚେତନତା ସୃଷ୍ଟି ଏବଂ ପ୍ରଶାସନର ଉପଯୁକ୍ତ ପ୍ରସ୍ତୁତି ନିତାନ୍ତ ଆବଶ୍ୟକ । ବିଗତ ବର୍ଷ ମାନଙ୍କରେ ସଠିକ୍ ସମୟଭିତ୍ତିକ ବିପର୍ଯ୍ୟୟ ପୂର୍ବ ସୂଚନା, ବିଶେଷ କରି ବାତ୍ୟା କ୍ଷେତ୍ରରେ ପ୍ରଦାନରେ ଭାରତ ଯଥେଷ୍ଟ ବିକାଶ କରିପାରିଛି । ଚଳିତ ମାସ ଝଡ଼ ‘ଗଜ’ ସ୍ଥଳଭାଗ ସ୍ପର୍ଶ କରିବା ପୂର୍ବରୁ ପ୍ରଶାସନ ସଫଳତାର ସହ ସହସ୍ରାଧିକ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବାରେ ସଫଳ ହୋଇଥିଲା ।

ପଢନ୍ତୁ;  ଗୁରୁବାର ଦିନ କରନ୍ତୁ ଏହି ସବୁ କାମ , ହୋଇପାରିବେ ଧନୀ

Related posts

ଶତ୍ରୁପକ୍ଷ ଆକ୍ରମଣ ଭୟ ହେବ ଦୂର: ଏମିସାଟ୍‌ ସାଟେଲାଇଟ୍ ସଫଳ ଉତପେକ୍ଷଣ କଲା ଇସ୍ରୋ

Ratnamani Moharana

ଇଭିଏମ୍‌ରେ ବନ୍ଦ ୨୧୭ ଲୋକସଭା ପ୍ରାର୍ଥୀଙ୍କ ଭାଗ୍ୟ

Ratnamani Moharana

‘ବନ୍ଦେ ଭାରତ ଏକ୍ସପ୍ରେସ୍‌’ର ଶୁଭାରମ୍ଭ କଲେ ପ୍ରଧାନମନ୍ତ୍ରୀ

ENO Beuro

Leave a Comment