SPORTS

ଜାତୀୟ ମହିଳା ଫୁଟବଲ୍‌ ପ୍ରତିଯୋଗିତାରେ ଓଡ଼ିଶାର ବିଜୟ ଅଭିଯାନ

-ଜାତୀୟ ମହିଳା ଫୁଟ୍‌ବଲ-

ବାରବାଟୀ ଷ୍ଟାଡିୟମରେ ଚାଲିଥିବା ଜାତୀୟ ମହିଳା ଫୁଟବଲ୍‌ ପ୍ରତିଯୋଗିତାରେ ଓଡ଼ିଶା ପ୍ରଥମ ମ୍ୟାଚ୍‌ରେ ଦମ୍‌ଦାର ବିଜୟ ହାସଲ କରିଛି। ବୁଧବାର ଏହି ମ୍ୟାଚ୍‌ରେ ଓଡ଼ିଶା ୧୦-୦ ଗୋଲ୍‌ରେ ଗୁଜୁରାଟକୁ ହରାଇ ବିଜୟ ଅଭିଯାନ ଆରମ୍ଭ କରିଛି। ଓଡ଼ିଶା ପକ୍ଷରୁ ପ୍ୟାରୀ ଖାଖା (୩୧, ୪୩, ୪୪, ୫୩, ୬୫ ମିନିଟ୍‌) ସର୍ବାଧିକ ୫ ଗୋଲ୍‌ କରିଥିଲା ବେଳେ ସିନୁଲତା ସାହୁ (୯, ୪୭ ଓ ୫୯ ମିନିଟ୍‌) ୩ ଏବଂ ମେନକା ମଲ୍ଲିକ (୮୨ ଓ ୮୯ ମିନିଟ୍‌) ୨ଟି ଗୋଲ୍‌ ଦେଇ ଦଳକୁ ଏକପାଖିଆ ବିଜୟ ଭେଟି ଦେଇଥିଲେ।

ଆରମ୍ଭରୁ ଆଧିପତ୍ୟ ବିସ୍ତାର କରିଥିବା ଓଡ଼ିଶା ମହିଳାମାନେ ଗୁଜୁରାଟକୁ କୌଣସି ସୁଯୋଗ ଦେଇନଥିଲେ। ପ୍ରଥମାର୍ଧରେ ସିନୁଲତା ଓ ପ୍ୟାରୀ ମିଳିତ ଭାବେ ୪ ଗୋଲ୍‌ ଦେଇଥିଲା ବେଳେ ଅବଶିଷ୍ଟ ୬ ଗୋଲ ଦ୍ୱିତୀୟାର୍ଧରେ ସ୍କୋର ହୋଇଥିଲା।

ଆସନ୍ତା କାଲି  ଦ୍ୱିତୀୟ ମ୍ୟାଚ୍‌ ମଧ୍ୟ ଗୁଜୁରାଟ ସହିତ ଥିବାରୁ ଓଡ଼ିଶାର ପ୍ରି-କ୍ୱାର୍ଟର ପ୍ରବେଶ ଆଶା ଉଜ୍ଜଳ ରହିଛି। ବୁଧବାରର ଅନ୍ୟ ମ୍ୟାଚ୍‌ଗୁଡ଼ିକ ମଧ୍ୟରେ ପଶ୍ଚିମବଙ୍ଗ ୧୦-୦ ଗୋଲ୍‌ରେ ମିଜୋରାମକୁ, କେରଳ ୩-୦ ଗୋଲ୍‌ରେ ବିହାରକୁ, ପଣ୍ଡିଚେରୀ ୧୪-୩ ଗୋଲ୍‌ରେ ମଧ୍ୟପ୍ରଦେଶକୁ ହରାଇଛି।

ଜାତୀୟ ମହିଳା ଫୁଟବଲ୍‌ ପ୍ରତିଯୋଗିତାରେ ଓଡ଼ିଶାର ବିଜୟ ଅଭିଯାନ football

ପଢନ୍ତୁ ;

୧୯ ବର୍ଷରୁ କମ୍‌ କ୍ରିକେଟରଙ୍କୁ ପୁରସ୍କୃତ କରିବ ବିସିସିଆଇ

Related posts

ନିଦାହାସ ଟ୍ରଫି : ଆଜି ବାଂଲାଦେଶକୁ ଭେଟିବ ଭାରତ

ENO Beuro

ଆଇସିସି ଟେଷ୍ଟ ର଼୍ୟାଙ୍କିଙ୍ଗ୍‌ : କୋହଲି ଓ ପୂଜାରା ନିଜ ସ୍ଥାନ ବଜାୟ ରଖିଲେ , ରବିଚନ୍ଦ୍ରନ ଅଶ୍ୱିନ୍‌ ତଳକୁ ଖସିଲେ

ENO Beuro

ଚେତେଶ୍ୱର ପୂଜାରା ଚମତ୍କାର ବ୍ୟାଟିଂ ସହ ଦ୍ୱିଶତକ ଅର୍ଜନ କରି ସୃଷ୍ଟି କରିଛନ୍ତି ନୂଆ କୀର୍ତିମାନ

ENO Beuro

2 comments

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More