News

ଟାଙ୍ଗିଆରେ ହାଣି କକାକୁ ହତ୍ୟା କଲା ପୁତୁରା

ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ଥାନା ଅନ୍ତର୍ଗତ ଦନ୍ଦରା ଗାଁରେ ଜମିବାଡ଼ି ମାଲିକାନାକୁ କେନ୍ଦ୍ର କରି ଅଶ୍ୱିନୀ ପାଢ଼ୀ(୩୩ ବର୍ଷ) ନାମକ ଜଣେ ଯୁବକ ତାଙ୍କ ୬୨ ବର୍ଷୀୟ କକା ରମେଶ ପାଢ଼ୀଙ୍କୁ ଟାଙ୍ଗିଆରେ ହାଣି ବୀଭତ୍ସଭାବେ ହତ୍ୟା କରିଛନ୍ତି। ହତ୍ୟା କରିସାରିବା ପରେ ଅଭିଯୁକ୍ତ ଅଶ୍ୱିନୀ ବଙ୍ଗୋମୁଣ୍ଡା ଥାନାରେ ଆତ୍ମ ସମର୍ପଣ କରିଛନ୍ତି।

ପୁଲିସ ସୂତ୍ରରୁ ପ୍ରକାଶ ଯେ ଦନ୍ଦରା ଗାଁ ମନ୍ଦିର ପାଖ ଜମିକୁ ନେଇ ଅଶ୍ୱିନୀ ଓ ରମେଶଙ୍କ ପରିବାର ମଧ୍ୟରେ ସବୁବେଳେ ବିବାଦ ଲାଗି ରହିଥିଲା। ଗତ ୨୫ ବର୍ଷ ହେବ ଏହି ବିବାଦ ଚାଲିଥିବାରୁ ଅଶ୍ୱିନୀ ଦାଦା ରମେଶଙ୍କ ଉପରେ ବିରକ୍ତ ହୋଇ ଯାଇଥିଲା।ସବୁ ବେଳେ ଏହି ୨ପରିବାର ମଧ୍ୟରେ ଝଗଡା ଲାଗିରହୁଥିଲା । ଗତକାଲି ଅଶ୍ୱିନୀ ମଦ୍ୟପାନ କରି ଦାଦା ରମେଶଙ୍କୁ ଏକ ଟାଙ୍ଗିିଆରେ ହାଣିବା ପାଇଁ ଗୋଡ଼ାଇଥିଲା।ରମେଶ ନିଜକୁ ବଞ୍ଚାଇବା ପାଇଁ ସେଠାରୁ ପଳାଇ ଯାଉଥିଲେ ମଧ୍ୟ ଅଶ୍ୱିନୀ ତାଙ୍କୁ ଛାଡି ନ ଥିଲେ ।ରମେଶକୁ ନ ମାରିବା ପାଇଁ ନେହୁରା ହୋଇ ଥିଲେ ମଧ୍ୟ ଅଶ୍ୱିନୀ ତାଙ୍କୁ ଗୋଡ଼ାଇ ଗୋଡ଼ାଇ ଚୋଟ ପରେ ଚୋଟ ପକାଇ ଚାଲିଥିଲା। ଏପରିକି ତଳେ ପଡ଼ିଯିବା ପରେ ରମେଶ ହାତ ଯୋଡ଼ି ତାଙ୍କୁ ନ ମାରିବାକୁ ଅଶ୍ୱିନୀକୁ ଯେତେ ନେହୁରା ହେଲେ ମଧ୍ୟ ରକ୍ତମୁଖା ଅଶ୍ୱିନୀ କିଛି ନ ଶୁଣି ତାଙ୍କୁ ଟାଙ୍ଗିଆରେ ହାଣି ହତ୍ୟା କରିଥିଲା। ପରେ ଟାଙ୍ଗିଆ ସହିତ ଆସି ଅଶ୍ୱିନୀ ଥାନାରେ ଆତ୍ମ ସମର୍ପଣ କରିଥିଲା। ପରେ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଛେଦ ପାଇଁ ପଠାଇଛି।

ପଢନ୍ତୁ;

ଆସନ୍ତୁ ଜାଣିବା, ଶୀତଦିନେ ଓଠର ବା ?

Related posts

ଗୁଜୁରାଟ ଗୃହମନ୍ତ୍ରୀ ପ୍ରଦୀପ ସିଂ ଜାଦେଜା : ସୁରତରେ ଦୁଷ୍କର୍ମ ଓ ହତ୍ୟାର ଶିକାର ନାବାଳିକା ଓଡ଼ିଶାର !

ENO Beuro

ଜାନୁଆରୀରେ ନିର୍ଦ୍ଧାରଣ ହେବ ଅଯୋଧ୍ୟା ମାମଲାର ଶୁଣାଣି

ENO Beuro

ବରିଷ୍ଠ ବିଜେପି ନେତା ବିଶ୍ୱଭୂଷଣ ହରିଚନ୍ଦନ ହେଲେ ଆନ୍ଧ୍ର ପ୍ରଦେଶ ରାଜ୍ୟପାଳ

Ratnamani Moharana

Leave a Comment