News

ମୋବାଇଲ ଆପ୍ ସାହାଯ୍ୟରେ ଦୁର୍ଘଟଣାର ସୂଚନା ପାଇବେ ପରିବାର ଲୋକ ଓ ପୋଲିସ

ମୋବାଇଲ ଆପ୍ ସାହାଯ୍ୟରେ ଦୁର୍ଘଟଣାର ସୂଚନା ପାଇବେ ପରିବାର ଲୋକ ଓ ପୋଲିସ

ରେକର୍ଡ଼ ଅନୁସାରେ ଆମ ଦେଶ ଭାରତରେ ପ୍ରତି ଘଂଟାରେ ପ୍ରାୟ ୧୬ ଜଣ ଲୋକ ସଡ଼କ ଦୁର୍ଘଟଣାରେ ପ୍ରାଣ ହରାଉଛନ୍ତି । ସେଥିରୁ ୩୦ ପ୍ରତିଶତ ଲୋକ ସଠିକ ସମୟରେ ଚିକିତ୍ସା ଅଭାବରେ ପ୍ରାଣ ହରାଉଛନ୍ତି । ତେବେ ଏଥିପାଇଁ ଆଉ ଅଧିକ ଦିନ ଚିନ୍ତା କରିବା ପାଇଁ ପଡ଼ିବ ନାହିଁ । ଫରୀଦାବାଦର ଜଣେ ମେକାନିକାଲ ଇଞ୍ଜିନିୟର ଭାରତ ଭୂଷଣ ଗାଡ଼ି ପାଇଁ ଏକ୍ସିଆଲର୍ଟ ନାମକ ଏକ ଆପ୍ ପ୍ରସ୍ତୁତ କରିଛନ୍ତି । ଏହି ଆପ୍ କୌଣସି ଗାଡ଼ି ଦୁର୍ଘଟଣାଗ୍ରସ୍ତ ହେଲେ ଚାଳକଙ୍କ ପରିବାର ଲୋକ, ଅଖପାଖ ମେଡ଼ିକାଲ, ଓ ପୁଲିସ କଣ୍ଟ୍ରୋଲ ରୁମକୁ ସୂଚିତ କରିବ ।

ଭାରତଙ୍କ ଅନୁସାରେ ଏହି ଆପକୁ ମୋବାଇଲରେ ଇନଷ୍ଟୋଲ କରିବା ସମୟରେ ଚାଳକକୁ ନିଜର ନାମ, ଠିକଣା, ବ୍ଲଡ଼୍ ଗ୍ରୁପ୍, ପରିବାର କିମ୍ବା ବନ୍ଧୁଙ୍କ ଫୋନ ନମ୍ବର, ଆଦି ଅନେକ ପ୍ରକାର ସୂଚନା ଦେବାକୁ ପଡ଼ିବ । ଆପ ଇନଷ୍ଟୋଲ କରିବା ପରେ ଗାଡ଼ିରେ ସେନ୍ସର ଲଗାଇ ଆପ ସହ ସଂଯୋଗ କରାଯିବ । ଯେକୌଣସି ଜାଗାରେ ଗାଡ଼ି ଦୁର୍ଘଟଣାଗ୍ରସ୍ତ ହେବା ମାତ୍ରେ ସେନ୍ସର ଆପକୁ ଆପେ ଆପେ ଚାଲୁ କରିଦେବ । ଏହାଦ୍ୱାରା ଆପରେ ସଂଯୋଜିତ ହୋଇଥିବା ବିପ୍ ସିଷ୍ଟମ ସୂଚନା ଦେବ । ଯଦି ଚାଳକ ୩୦ ସେକେଣ୍ଡ ମଧ୍ୟରେ ବିପ୍ ବନ୍ଦ ନକରନ୍ତି, ତେବେ ଚାଳକଙ୍କ ପରିବାର ଲୋକ ଓ ବନ୍ଧୁ ପରିଜନଙ୍କ ମୋବାଇଲକୁ ଏକ ରେକର୍ଡ଼ିଙ୍ଗ କଲ ଯିବ । ଯାହା ଦ୍ଵାରା ସେମାନେ ଦୁର୍ଘଟଣାଗ୍ରସ୍ତ ହୋଇଥିବା ସ୍ଥାନ ବିଷୟରେ ଖବର ପାଇବା ସହ ଆଖପାଖ ମେଡ଼ିକାଲର ଫୋନ ନମ୍ବର  ଓ ଠିକଣା ମଧ୍ୟ ପାଇ ପାରିବେ । ମେଡ଼ିକାଲ ଓ ପୋଲିସ ପାଖୁ ମଧ୍ୟ ଏହି ରେକଡ଼ିଙ୍ଗ୍ କଲ ଯିବ ।

ସୂଚନା ଅନୁସାରେ ଏହି ଆପକୁ ବିକଶିତ କରିବା ପାଇଁ ଭାରତ ଭୂଷଣଙ୍କୁ ଲାଗିଥିଲା ୪ ବର୍ଷ । ତେବେ ଏହି ଆପ ଯୋଗୁଁ ଅନେକ ଲୋକ ଜୀବନ ବଞ୍ଚିପାରିବ ବୋଲି ଆଶା କରାଯାଉଛି । ଆଉ ଭାରତ ଭୂଷଣଙ୍କ ଏହି ପଦକ୍ଷେପ ବେଶ ପ୍ରଶଂସାଯୋଗ୍ୟ ।

ମୋବାଇଲ ଏକ ଆପ୍ ସାହାଯ୍ୟରେ ଦୁର୍ଘଟଣାର ସୂଚନା ପାଇବେ ପରିବାର ଲୋକ ଓ ପୋଲିସ

ପଢନ୍ତୁ, ସ୍ୱର୍ଣ୍ଣପଦକର ସ୍ଵପ୍ନ ଦେଖୁଥିବା ଶିକ୍ଷାର୍ଥୀମାନେ ଶାକାହାରୀ ହେବା ପାଇଁ ବାଧ୍ୟ : ପୁଣେ ବିଶ୍ୱବିଦ୍ୟାଳୟ

Related posts

ଆତଙ୍କୀ ସଂଗଠନ ହିଜବୁଲ ମୁଜାହିଦ୍ଦୀନରେ ସାମିଲ ହେଲେ ଭାରତୀୟ ଯବାନ!

ENO Beuro

ପ୍ରଥମ ଓଡ଼ିଆ ଭାବେ ଅଲମ୍ପିକ୍ସରେ ଚମକିବେ ବିଭୂ କଲ୍ୟାଣ

Ratnamani Moharana

କାଳ ହେଲା ପରକୀୟା ପ୍ରୀତି,ପତ୍ନୀ ଏବଂ ପ୍ରେମିକକୁ ହତ୍ୟା କଲା ସ୍ଵାମୀ

ENO Beuro

1 comment

Leave a Comment