News

ଶ୍ରୀଲଙ୍କା ଆତ୍ମଘାତୀ ଆକ୍ରମଣ ପରେ ସରକାର ବୁର୍ଖା ଉପରେ ଲଗାଇଲେ ପ୍ରତିବନ୍ଧକ

ଏପ୍ରିଲ୍ ୨୧ ତାରିଖରେ ଖ୍ରୀଷ୍ଟିୟାନ୍ ସମୁଦାୟର ଇଷ୍ଟର ପର୍ବ  ସମୟରେ ଶ୍ରୀଲଙ୍କାର ଭିନ୍ନ ଭିନ୍ନ ସ୍ଥାନର ଚର୍ଚ୍ଚକୁ ଆକ୍ରମଣ କରିବା ପାଇଁ ଟାର୍ଗେଟ୍ କରାଯାଇଥିଲା । ଏଥିରେ ମୋଟ ୮ ଟି ବୋମା ବିସ୍ଫୋରଣ ହେଲା । ଯେଉଁଥିରେ ୨୫୩ ଜଣ ଲୋକ ଜୀବନ ହାରିଥିଲେ ଏବଂ ଶତାଧିକ ଲୋକ ଆହତ ହୋଇଥିଲେ ।ସିରିଏଲ୍ ବୋମା ବିସ୍ଫୋରଣ ପରେ ଏବେ ସେଠାକାର ସରକାରଙ୍କୁ କଡ଼ା ନିୟମ ଆପଣାଇବାକୁ ପଡିଛି । ଶ୍ରୀଲଙ୍କା ସରକାର ବୁର୍ଖା ଏବଂ ମୁହଁ  ଲୁଚାଇବା ଭଳି କପଡା ଉପରେ ରୋକ ଲଗାଇଛନ୍ତି ।

ଶ୍ରୀଲଙ୍କା ରାଷ୍ଟ୍ରପତି କହିଛନ୍ତି , ଏଭଳି କପଡା ଯାହା ପୁରା ମୁହଁକୁ ଲୁଚାଉଥିବ ସେଭଳି କପଡା ପିନ୍ଧିବା ଉପରେ ସୋମବାରଠାରୁ ରୋକ ଲଗାଯାଉଛି । ଶ୍ରୀଲଙ୍କା ସଂସଦରେ ଏହା ପୂର୍ବରୁ ସଂସଦ ସୁରକ୍ଷା କାରଣରୁ ବୁର୍ଖା ପିନ୍ଧିବା ଉପରେ ପ୍ରତିବନ୍ଧ ଲଗାଇବାକୁ ନେଇ ପ୍ରସ୍ତାବ ଦିଆଯାଇଥିଲା । ସେଠାକାର All Ceylon Jamiyyathul Ulama (ACJU)  ନାମକ ସଂସ୍ଥାର ମୌଲବୀମାନେ ମଧ୍ୟ ସେଠାକାର ମହିଳାଙ୍କୁ ମୁହଁ ଲୁଚାଉଥିବା କପଡା ନ ପିନ୍ଧିବା ପାଇଁ କହିଥିଲେ । ଯାହାଦ୍ୱାରା ରାଷ୍ଟ୍ରୀୟ ସୁରକ୍ଷା ବାଧାପ୍ରାପ୍ତ ନ ହେବ ।

Related posts

ଆରମ୍ଭ ହେଲା ‘ସେଲଫି ଓ୍ଵିଥ୍ ସିଏମ’

ENO Beuro

ଇସ୍ତଫା ଦେଲେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ

ENO Beuro

ନଅ ଥର ଗୁଳିର ଶିକାର ହେବା ପରେ ମରଣ ମୁହଁରୁ ଫେରିଆସିଥିବା ଯବାନ ଚେତନ ଚିତାହ

ENO Beuro

Leave a Comment