Featured

ସାମ୍ନାକୁ ଆସିଲା ଏକ ନୂଆ ଧରଣର ଇଲେକଟ୍ରିକ ସ୍କୁଟର

ପ୍ରଥମଥର ପାଇଁ ଲଙ୍ଗଜବର୍ଗ କମ୍ପାନି ଫୋଲ୍ଡ ହୋଇ ଯାଉଥିବା ସ୍କୁଟର ନିର୍ମାଣ କରିଛି । ଏହାର ନାଁ ରହିଛି ୟୁଜେଟ । ୟୁଜେଟକୁ ଖୁବ ସୁନ୍ଦର ଭାବେ ନିର୍ମାଣ କରାଯାଇଛି । ଏହାଛଡା ଏହି ସ୍କୁଟରକୁ ଅସିମେଟ୍ରିକ ଫ୍ରେମରେ ନିର୍ମାଣ କରାଯାଇଛି । ଏହି ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଏହାର ଓଜନ ମଧ୍ୟ ଅନ୍ୟ ଦୁଇ ଚକିଆ ଗାଡି ଠାରୁ ଅପେକ୍ଷାକୃତ ହାଲକା । ୩୨ କିଲୋଗ୍ରାମ ଓଜନ ବିଶିଷ୍ଟ ଏହି ସ୍କୁଟରକୁ ଫୋଲ୍ଡ କରି ଯେକୌଣସି ସ୍ଥାନକୁ ମଧ୍ୟ ନିଆଯାଇପାରିବ । ଏହି ସ୍କୁଟରକୁ ହାଲକା କରିବା ପାଇଁ ଚକାରେ ଅତ୍ୟାଧୁନିକ ଆଲୟ ହ୍ୱିଲ ଓ କାର୍ବନ ଫାଇବରର ରିମ ବ୍ୟବହାର କରାଯାଇଛି । ଏହି ଇଲେକଟ୍ରିକ ସ୍କୁଟରକୁ ୩ଟି ମୋଡରେ ଚଲାଇ ହେବ ।

ୟୁଜେଟ ସ୍କୁଟରରେ ଦମଦାର ମୋଟର ମଧ୍ୟ ଲାଗିଛି । ଯାହା ୫.୪୪ ବିଏଚପି ଓ ୯୦ ଏନଏମର ଶକ୍ତି ପ୍ରଦାନ କରିଥାଏ । ୟୁଜେଟ ସ୍କୁଟରରେ ଦୁଇ ପ୍ରକାର ବ୍ୟାଟେରୀ ଦିଆଯାଇଛି । ଗୋଟିଏ ବ୍ୟାଟେରୀରେ ଗାଡି ୭୦ କିଲୋମିଟର ଚାଲୁଥିବା ବେଳେ ଅନ୍ୟ ଏକ ବ୍ୟାଟେରୀ ଚାର୍ଜ କଲେ ୧୫୦ କିଲୋମିଟର ଚାଲିଥାଏ ।

ଏହାଛଡା ଏହି ବ୍ୟାଟେରୀ ମଧ୍ୟ ଖୁବଶୀଘ୍ର ଚାର୍ଜ ହୋଇଥାଏ ।ମାତ୍ର ୨ ଘଣ୍ଟା ମଧ୍ୟରେ ଏହି ସ୍କୁଟରରେ ଲାଗିଥିବା ବ୍ୟାଟେରୀ ଫୁଲ ଚାର୍ଜ ହୋଇଥାଏ । ସ୍କୁଟରରେ ଲାଗିଥିବା ବ୍ୟାଟେରୀକୁ ଅନ୍ୟ କାଯ୍ୟରେ ମଧ୍ୟ ବ୍ୟବହାର କରାଯାଇପାରିବ । ଏପରିକି ଏହାକୁ ପାୱାର ବ୍ୟାଙ୍କ ଭଳି ମଧ୍ୟ ବ୍ୟବହାର କରାଯାଇପାରିବ ।

ଏହି ସ୍କୁଟରରେ ୩ଜି, ଜିପିଏସ, ବ୍ଲୁଟୁଥ ଭଳି ଅତ୍ୟାଧୁନିକ ସୁବିଧା ରହିଛି । କୌଣସି ସମସ୍ୟା ବିଷୟରେ ଜାଣିବା ପାଇଁ ସ୍କୁଟରରେ ଥିବା ଡିଜିଟାଲ ଉପକରଣ ସହ ମୋବାଇଲ ଡିଭାଇସ କନେକ୍ଟ କରି ଏହାର ସମସ୍ୟା ବିଷୟରେ ଜାଣିହେବ । କମ୍ପାନି ପ୍ରଥମେ ୨୦୧୭ରେ ଏହାକୁ ବଜାରକୁ ଆଣିଥିଲା । ଥରେ ଚାର୍ଜ କଲେ ୭୦ କିଲୋମିଟର ଯାତ୍ରା କରୁଥିବା ୟୁଜେଟ ସ୍କୁଟରର ମୂଲ୍ୟ ଭାରତରେ ୬ ଲକ୍ଷ ଟଙ୍କା ହୋଇଥିବା ବେଳେ ଥରେ ଚାର୍ଜରେ ୧୫୦ କିଲୋମିଟର ଯାତ୍ରା କରୁଥିବା ୟୁଜେଟ ସ୍କୁଟରର ମୂଲ୍ୟ ପାଖାପାଖି ୭ ଲକ୍ଷ ଟଙ୍କା ।

ଏବେ ବିଭିନ୍ନ ଏକ୍ସପୋରେ ୟୁଜେଟ ସ୍କୁଟରର ପ୍ରଦର୍ଶନ କରାଯାଉଛି । ତେବେ ପ୍ରଥମେ ୟୁରୋପରେ ୟୁଜେଟ ସ୍କୁଟର ବିକ୍ରି ହେବାକୁ ସ୍ଥିର କରାଯାଇଥିବା ବେଳେ ପରେ ଏସିଆର କିଛି ଦେଶ ଓ ଆମେରିକାରେ ଉପଲବ୍ଧ ହେବ ବୋଲି କମ୍ପାନି ପକ୍ଷରୁ ସୂଚନା ମିଳିଛି ।

ସାମ୍ନାକୁ ଆସିଲା ଏକ ନୂଆ ଧରଣର ଇଲେକଟ୍ରିକ ସ୍କୁଟର ujet

ପଢନ୍ତୁ ;

କାନପୁର : ଲୁଗା ବ୍ୟବସାୟୀଙ୍କ ଠାରୁ ୯୬ କୋଟିର ଅଚଳ ନୋଟ ଜବତ

Related posts

ଓଡିଶା କୁ ଗର୍ବ ଓ ଗୌରବ ଦେଇଥିବା ରୁଚି ଉଦ୍ୟୋଗ ର ୪୨ ବର୍ଷର ଲମ୍ବା ଯାତ୍ରା ବିଷୟରେ କିଛି ଜଣା ଅଜଣା କଥା

ENO Beuro

ଆପଣ ପାନ କାର୍ଡ଼କୁ କେଉଁଠି ରଖି ଭୁଲିଯାଇଛନ୍ତି ? ଚିନ୍ତିତ ହୁଅନ୍ତୁ ନାହିଁ ,ଘରେ ବସି ପାଇପାରିବେ ନୂଆ କାର୍ଡ ,ଆସନ୍ତୁ ଜାଣିବା

ENO Beuro

ଏସିଡିଟି ସମସ୍ୟା ? ଏଥିରୁ ମୁକ୍ତି ପାଇବାକୁ ଆପଣାନ୍ତୁ କିଛି ସାଧାରଣ ଘରୋଇ ଉପାୟ

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More