SPORTS

୫୧ ରନ୍‌ରେ ଆସାମକୁ ହରାଇଛି ଓଡ଼ିଶା

ରାଞ୍ଚତ୍ ଜେଏସ୍‌ସିଏ ଅନ୍ତର୍ଜାତୀୟ ସ୍ପୋଟର୍‌ସ କମ୍ପ୍ଲେକ୍ସରେ  ବୁଧବାର ଅନୁଷ୍ଠିତ ମ୍ୟାଚ୍‌ରେ ଓଡ଼ିଶା ପାଇଁ ଖେଳୁଥିବା ଲେଗ୍‌ ସ୍ପିନର ଅଭିଷେକ ରାଉତ ଓ ନବାଗତ ମଧ୍ୟମଗତି ବୋଲର ପ୍ରୟାସ ସିଂହ ଠାକୁର ସୟଦ ମୁସ୍ତାକ ଅଲ୍ଲୀ ଟ୍ରଫିରେ ଦଳକୁ ପ୍ରଥମ ବିଜୟ ଭେଟି ଦେଇଛନ୍ତି। ଖେଳାଯାଇଥିବା ଦ୍ୱିତୀୟ ମ୍ୟାଚ୍‌ରେ ଓଡ଼ିଶା ୫୧ ରନ୍‌ରେ ଆସାମକୁ ହରାଇଛି।

ଓଡ଼ିଶାର ୧୨୮ରନ୍‌ ଜବାବରେ ଆସାମ ମାତ୍ର ୭୭ରନ୍‌ରେ ଅଲଆଉଟ୍‌ ହୋଇ ଯାଇଥିଲା। ଓଡ଼ିଶା ପକ୍ଷରୁ ଅଭିଷେକ ରାଉତ ଓ ପ୍ରୟାସ ସିଂ ୩ଟି ଲେଖାଏ ଉଇକେଟ ନେଇଥିଲେ। ବିଜୟୀ ଓଡ଼ିଶାକୁ ୪ ପଏଣ୍ଟ ମିଳିଛି। ପ୍ରତିଯୋଗିତାର ୨ ମ୍ୟାଚରୁ ଓଡ଼ିଶାର ଏହାଥିଲା ପ୍ରଥମ ବିଜୟ। ଓଡ଼ିଶା ଏହାର ପ୍ରଥମ ମ୍ୟାଚରେ ବେଙ୍ଗଲଠାରୁ ହାରିଯାଇଥିଲା। ଆସାମ ଟସ୍‌ ଜିତି ଓଡ଼ିଶାକୁ ବ୍ୟାଟିଂ ଆମନ୍ତ୍ରଣ କରିଥିଲା।

ପାଓ୍ଵାର ପ୍ଲେ ଭିତରେ ଓଡ଼ିଶାର ପ୍ରଥମ ତିନି ବ୍ୟାଟ୍ସମ୍ୟାନ ରାଜେଶ ଧୂପର (୧୧), ଅନୁରାଗ ଷଡଙ୍ଗୀ (୨୨) ଓ ଶୁଭ୍ରାଂଶୁ ସେନାପତି (୧୬) ଆଉଟ ହୋଇଥିଲେ। ଅଭିଷେକ ରାଉତ (୧୦), ଦେବାଶିଷ ସାମନ୍ତରାୟ (୨୫) ଓ ପରେଶ ପଟେଲ୍‌ (୧୪) ମଧ୍ୟକ୍ରମରେ ୬ ରନ୍‌ ହାରରେ ରନ୍‌ ସଂଗ୍ରହ କରି ଓଡ଼ିଶାକୁ ଏକ ସମ୍ମାନଜନକ ସ୍ଥିତିରେ ପହଞ୍ଚାଇଥିଲେ। ନିମ୍ନକ୍ରମରେ ଲଗ୍ନଜିତ ସାମଲ ୧୧* ଓ ଦେବବ୍ରତ ପ୍ରଧାନ ୧୧ ରନ୍‌ ଯୋଡ଼ିଥିଲେ। ଆସାମର ସଫଳ ବୋଲର ଭାବେ ଆବୁ ନଚିମ୍‌ ଅହମ୍ମଦ ଓ ପ୍ରୀତମ୍‌ ଦାସ ୨ ଲେଖାଏଁ ଓ୍ଵିକେଟ୍‌ ନେଇଥିଲେ।

ବିପର୍ଯ୍ୟୟର ସମ୍ମୁଖୀନ ହୋଇଥିବା ଆସାମ ୧୭.୨ ଓଭରରେ ୭୭ ରନ୍‌ କରି ସମସ୍ତ ଓ୍ଵିକେଟ୍‌ ହରାଇଥିଲା। ରିଶଭ ଦାସ (୨୬) ଓ ଅମିତ୍‌ ସିହ୍ନା (୧୭) କିଛି ସମୟ ଲଢ଼ିଥିଲେ ବି ଦଳକୁ ପରାଜୟରୁ ରକ୍ଷା କରିପାରିନଥିଲେ। ତୃତୀୟ ଓଭରରେ ପଲ୍ଲଭ କୁମାର ଦାସ ରନ୍‌ଆଉଟ ହେବା ପରେ ରିଶଭଙ୍କୁ ସୂର୍ଯ୍ୟକାନ୍ତ ପ୍ରଧାନ ପାଭିଲିଅନ୍‌ ଫେରାଇବାରେ ସକ୍ଷମ ହୋଇଥିଲେ। ଏହାପରଠୁ ଅଭିଷେକ ଓ ପ୍ରୟାସ ଆସାମର ବିପର୍ଯ୍ୟୟ ଘଟାଇଥିଲେ। ଉଭୟେ ପ୍ରୟାସ ଓ ଅଭିଷେକ ୩ ଓ୍ଵିକେଟ୍‌ ଲେଖାଏଁ ଦଖଲ କରି ଓଡ଼ିଶା ବିଜୟ ସହଜ କରିଦେଇଥିଲେ।

ସୟଦ ମୁସ୍ତାକ ଅଲ୍ଲୀ ଟେ୍ଵଣ୍ଟି-୨୦ କ୍ରିକେଟ୍‌ର ଶେଷ ଦୁଇ ମ୍ୟାଚ୍‌ ପାଇଁ ଓଡ଼ିଶା ଦଳରେ ୩ ପରିବର୍ତ୍ତନ କରାଯାଇଛି। ପରେଶ ପଟେଲ୍‌, ଆଶୁତୋଷ ଦାସ ଓ ଲଗ୍ନଜିତ ସାମଲଙ୍କୁ ବାଦ୍‌ ଦିଆଯାଇଥିଲା ବେଳେ ସେମାନଙ୍କ ସ୍ଥାନରେ ବିପ୍ଲବ ସାମନ୍ତରାୟ, ଗୋବିନ୍ଦ ପୋଦ୍ଦାର ଓ ଅରବିନ୍ଦ ସିଂହଙ୍କୁ ଦଳରେ ସାମିଲ କରାଯାଇଛି। ଏଜି କ୍ରିକେଟ ପ୍ରତିଯୋଗିତା ଶେଷ ହେବା ପରେ ଏହି ତିନିଜଣ ଓଡ଼ିଶା ପାଇଁ ଖେଳିବେ ବୋଲି ପୂର୍ବରୁ ଓସିଏ ପକ୍ଷରୁ କୁହାଯାଇଥିଲା।

୫୧ ରନ୍‌ରେ ଆସାମକୁ ହରାଇଛି ଓଡ଼ିଶା prayas

ପଢନ୍ତୁ ;

ଜିଏସଟି ଦେଲା ନୂଆ ଉପହାର ,ଘର ଦାମ ହେଲା ଶସ୍ତା

Related posts

ବଲ୍‌ ଟ୍ୟାମ୍ପରିଂ ମାମଲା : ସ୍ମିଥ୍‌, ଓ୍ବାର୍ନରଙ୍କୁ ୧୨ ମାସ ଏବଂ ବାନକ୍ରାଫ୍ଟଙ୍କୁ ୯ ମାସ ବାସନ୍ଦ

ENO Beuro

ଆଜଲାନ ଶାହ କପ୍‌ ହକି : ଇଂଲଣ୍ଡ ସହ ପଏଣ୍ଟ୍‌ ଭାଗ କଲା ଭାରତ

ENO Beuro

ହକି ବିଶ୍ୱକପ୍‌ର ପ୍ରଚାର ପାଇଁ ଆଜି ‘କେବିସି’ରେ ନଜର ଆସିବେ ନବୀନ

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More