News

କ୍ଷତିଗ୍ରସ୍ତ ଫସଲ ଓ ଜଳିଥିବା ଚାଷ ଜମି ପାଇଁ ୧୨୪ କୋଟିର ସହାୟକ ଅର୍ଥ ରାଶି ଘୋଷଣା

କିଛିଦିନ ଧରି ଚକଡା ପୋକଦ୍ଵାରା ବହୁ ଅଞ୍ଚଳରେ ଫସଲ କ୍ଷତିଗ୍ରସ୍ତ ହେଇଛି ।  ଏଥିପାଇଁ ବହୁ ଚାଷୀ ବ୍ୟତିବ୍ୟସ୍ତ ହେଇ ଫସଲ ଗୁଡିକୁ ଜାଳି ନଷ୍ଟ ମଧ୍ୟ କରିଦେଇଥିଲେ । ଏଥିପାଇଁ କୃଷି କ୍ୟାବିନେଟ ଓ ରାଜସ୍ୱ ମନ୍ତ୍ରୀ ୧୨୪ କୋଟିର ସହାୟକ ଅର୍ଥ ରାଶିର ଘୋଷଣା କରିଛନ୍ତି । ଚକଡା ପୋକଦ୍ୱାରା କ୍ଷତିଗ୍ରସ୍ତ ଫସଲ ପାଇଁ ସମସ୍ତ ଚାଷୀଙ୍କୁ ସରକାରୀ ସହାୟତା ମିଳିବା ସହ ଚାଷ ଜମି ଜାଳିଦେଇଥିବା ଚାଷୀଙ୍କୁ ମଧ୍ୟ କ୍ଷତିପୂରଣ ମିଳିବ ବୋଲି ଆଜି ଘୋଷଣା କରିଛନ୍ତି ସରକାର ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ କୃଷି କ୍ୟାବିନେଟ ବୈଠକ ପରେ ଏନେଇ ସରକାରଙ୍କ ପକ୍ଷରୁ ସ୍ପଷ୍ଟ କରାଯାଇଛି । ପୂର୍ବରୁ ଘୋଷଣା ହୋଇଥିବା ମରୁଡି ସହାୟତା ଆଧାରରେ, ଚକଡା ପୋକ ଦ୍ୱାରା ପ୍ରଭାବିତ ଚାଷୀଙ୍କୁ ଇନପୁଟ ସବସିଡି ପ୍ରଦାନ କରାଯିବ । ଅର୍ଥାତ, ଜଳସେଚିତ ଜମି ପାଇଁ ୧୩ ହଜାର ୫୦୦ ଓ ଅଣଜଳସେଚିତ ଜମି ପାଇଁ ୬ ହଜାର ୮ଶହ ଟଙ୍କା ସହାୟତା ପାଇବେ ପ୍ରତ୍ୟେକ କ୍ଷତିଗ୍ରସ୍ତ ଚାଷୀ । ସେହିପରି କୀଟନାଶକ ଉପରେ ସବସିଡି ହାରକୁ ବୃଦ୍ଧି କରାଯାଇଛି । ପୂର୍ବରୁ ରୋଗପୋକ ପାଇଁ ୫୦ ପ୍ରତିଶତ ସବସିଡି ଦରରେ କୀଟନାଶକ ଦିଆଯାଉଥିବାବେଳେ ଏଣିକି ୭୫ ପ୍ରତିଶତ ସବସିଡି ପ୍ରଦାନ କରାଯିବ । ପ୍ରଭାବିତ ଅଂଚଳରେ ୫୦ ପ୍ରତିଶତ ରିହାତିରେ କୀଟନାଶକ ସିଂଚନ ମେସିନ ଯୋଗାଇ ଦିଆଯିବ ।

ଏଥିସହ ପ୍ରଭାବିତ ଅଂଚଳରେ ୫୦ ହଜାର ଚାଷୀଙ୍କୁ ବିକଳ୍ପ ଜୀବନଧାରଣ ପାଇଁ ସହାୟତା କରିବାକୁ କୁକୁଡା ଚିଆଁ ଓ ଫୁଡର କିଟ ଯୋଗାଇ ଦିଆଯିବ । ସେହିଭଳି ରବି ଚାଷ ଋଣ ପାଇଁ ୫ ହଜାର କୋଟି ଟଙ୍କା ରଖାଯାଇଛି ।ଏହାଛଡା ପୋକ ପାଇଁ ୩୩% ପ୍ରତିଶତରୁ ଅଧିକ କ୍ଷତିଗ୍ରସ୍ତ ଜମିରେ ୫୦% ଖଜଣା ଛାଡ ହେବ ବୋଲି ରାଜସ୍ୱ ମନ୍ତ୍ରୀ କହିଛନ୍ତି । ଚାଷ କ୍ଷତିଗ୍ରସ୍ତ ଅଞ୍ଚଳରେ ପିଲାଙ୍କ ଟ୍ୟୁସନ ଫି ଛାଡ କରିବାକୁ କୃଷି କ୍ୟାବିନେଟରେ ନିଷ୍ପତି ହୋଇଛି । ଏହାବାଦ ମରୁଡି ପ୍ରଭାବିତ ଅଂଚଳ ପାଇଁ ସରକାର ଯେଉଁସବୁ ଘୋଷଣା କରିଥିଲେ, ଚକଡା ପୋକ ଦ୍ୱାରା ପ୍ରଭାବିତ ଅଂଚଳର ଚାଷୀଙ୍କ ପାଇଁ ମଧ୍ୟ ସେହିସବୁ ଘୋଷଣା ଦୋହରାଇଛନ୍ତି ।

ଚକଡା ପୋକଦ୍ୱାରା କ୍ଷତିଗ୍ରସ୍ତ ଫସଲ ଓ ଜଳିଥିବା ଚାଷ ଜମି ପାଇଁ ମିଳିବ କ୍ଷତିପୂରଣ  କ୍ଷତିଗ୍ରସ୍ତ ଫସଲ ଓ ଜଳିଥିବା ଚାଷ ଜମି ପାଇଁ ୧୨୪ କୋଟିର ସହାୟକ ଅର୍ଥ ରାଶି ଘୋଷଣା

ପଢନ୍ତୁ, ଡ଼ିଶା ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ୨୦୧୮ ମାଟ୍ରିକ ପରୀକ୍ଷା ତାରିଖ ଘୋଷଣା ହୋଇଛି

Related posts

ପରକୀୟା ପ୍ରୀତିକୁ ନେଇ ସ୍ତ୍ରୀଙ୍କୁ ହତ୍ୟା, ଆତ୍ମହତ୍ୟା କଲେ ସ୍ୱାମୀ

Krishna Kumar Manoj

ପାଟଣାଗଡ ପାର୍ସଲ ବୋମା ବିସ୍ଫୋରଣ ପଛରେ ଅଧ୍ୟାପକ!

Krishna Kumar Manoj

‘ମ୍ୟାଗି’ର ଗୁଣବତ୍ତାକୁ ନେଇ ‘ନେସ୍‌ଲେ’ ଉପରେ ପୁଣି ୬୨ ଲକ୍ଷ ଟଙ୍କା ଜରିମାନା

Krishna Kumar Manoj

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More