SPORTS

ଆଇଟିଏଫ୍‌ ଚାଲେଞ୍ଜର୍ସ ଓ ଡେଭିସ୍‌ କପ୍‌ ଆୟୋଜନ କରିବା ଆଶାରେ “ଓଡିଶା” !

“କ୍ରୀଡ଼ା ରାଜଧାନୀ ଭାବେ ଭୁବନେଶ୍ୱର ସୁନାମ ଅର୍ଜିବ”

କଳିଙ୍ଗ ଷ୍ଟାଡିୟମ୍‌ରେ ୧୫,୦୦୦ ଆମେରିକୀୟ ଡଲାର୍‌ (ପ୍ରାୟ ୯ ଲକ୍ଷ ୭୫ ହଜାର ଟଙ୍କା) ପୁରସ୍କାର ରାଶି ବିଶିଷ୍ଟ ଓଡ଼ିଶା ଆଇଟିଏଫ୍‌ (ଅନ୍ତର୍ଜାତୀୟ ଟେନିସ୍‌ ଫେଡେରେସନ୍‌)ର ପୁରୁଷ ଫ୍ୟୁଚର୍ସ ପ୍ରତିଯୋଗିତା ଆରମ୍ଭ ହୋଇଛି। କିନ୍ତୁ ଏହାର ଉଦ୍‌ଘାଟନୀ ଉତ୍ସବରେ ହିଁ ଆୟୋଜକ ବୁଣି ଦେଇଛନ୍ତି ଆଉ ଦୁଇଟି ବଡ଼ ଅନ୍ତର୍ଜାତୀୟ ପ୍ରତିଯୋଗିତାର ମଞ୍ଜି। ଆଇଟିଏଫ୍‌ ଫ୍ୟୁଚର୍ସର ପରବର୍ତୀ ଉଚ୍ଚସ୍ତର ପ୍ରତିଯୋଗିତା ଆଇଟିଏଫ୍‌ ଚାଲେଞ୍ଜର୍ସ ସହିତ ମର୍ଯ୍ୟଦାଜନକ ଡେଭିସ୍‌ କପ୍‌ ଆୟୋଜନ ପାଇଁ ଆମେ ଆଶା ବାଦୀ ଏବଂ ପ୍ରସ୍ତୁତ ବୋଲି ଦେଖାଇ ଦିଆଯାଇଛି ସ୍ୱପ୍ନ। ସଂଧ୍ୟାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଏହାକୁ ସବୁଜ ସଙ୍କେତ ଦେବା ଥିଲା ସବୁଠାରୁ ଉଲ୍ଲେଖନୀୟ କଥା। ଏହାର ବାସ୍ତବତାକୁ ନେଇ ଢ଼େର ଆଶାବାଦୀ ଅଛନ୍ତି ସର୍ବଭାରତୀୟ ଟେନିସ୍‌ ସଂଘ (ଆଇଟା)ର ସାଧାରଣ ସମ୍ପାଦକ ହିରଣ୍ମୟ ଚାଟାର୍ଜୀ।

ଓଡ଼ିଶାରେ ଆଇଟିଏଫ୍‌ ଆୟୋଜନ ପରେ ଏବେ ବଡ଼ ପ୍ରତିଯୋଗିତା ପାଇଁ ବାଟ ଫିଟିଯାଇଛି। ଆଇଟିଏଫ୍‌ ଚାଲେଞ୍ଜର୍ସ ଏବଂ ଡେଭିସ୍‌ କପ୍‌ ଭଳି ବଡ଼ ପ୍ରତିଯୋଗିତାର ପ୍ରସ୍ତାବ ନିଶ୍ଚିତ ସ୍ୱାଗତଯୋଗ୍ୟ। ଓଡ଼ିଶା ପ୍ରସ୍ତାବ ଦେଲେ ଆଇଟା ନିଶ୍ଚିତ ସମର୍ଥନ ଓ ସହଯୋଗ ପ୍ରଦାନ କରିବ। ଆୟୋଜନର ବାସ୍ତବତାରେ କିଛି ଅସୁବିଧା ନାହିଁ। କେବଳ ଆଉ କିଛି ଭିତ୍ତିଭୂମୀ ବଢ଼ାଇବାକୁ ପଡ଼ିବ ବୋଲି ସେ ପ୍ରକାଶ କରିଥିଲେ।

କ୍ରୀଡ଼ାକୁ ପ୍ରୋତ୍ସାହନ ପାଇଁ ଓଡ଼ିଶା ପ୍ରତିଶ୍ରୁତିବଦ୍ଧ। ଭୁବନେଶ୍ୱରରେ କ୍ରୀଡ଼ା ଭିତ୍ତିଭୂମିର ଉନ୍ନତି କରାଯାଇଛି। ଆଗାମୀ ଦିନରେ ଏହାର ଆହୁରି ଉନ୍ନତି ପାଇଁ ପଦକ୍ଷେପ ନିଆଯିବ। ଏଠାରେ ନିକଟ ଅତୀତରେ ଅନେକ ଅନ୍ତର୍ଜାତୀୟ ଟୁର୍ନାମେଣ୍ଟ ଆୟୋଜନ ହୋଇଛି। ଆଗାମୀ ନଭେମ୍ବରରେ ହକି ବିଶ୍ୱକପ ଆୟୋଜନ ପାଇଁ ପ୍ରସ୍ତୁତି ଆଗେଇ ଚାଲିଛି। ଭୁବନେଶ୍ୱର ନିଶ୍ଚିତଭାବେ ଭାରତର କ୍ରୀଡ଼ା ରାଜଧାନୀଭାବେ ସୁନାମ ଅର୍ଜନ କରିବ ବୋଲି କଳିଙ୍ଗ ଷ୍ଟାଡିୟମରେ ଚାଲିଥିବା ଆଇଟିଏଫ ଫ୍ୟୁଚର ଟେନିସ ଟୁର୍ନାମେଣ୍ଟର ସୋମବାର ସନ୍ଧ୍ୟାରେ ଅନୁଷ୍ଠିତ ଏକ କାର୍ଯ୍ୟକ୍ରମରେ ଯୋଗଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରକାଶ କରିଛନ୍ତି।

ଆଇଟିଏଫ୍‌ ଚାଲେଞ୍ଜର୍ସ ଓ ଡେଭିସ୍‌ କପ୍‌ ଆୟୋଜନ କରିବା ଆଶାରେ “ଓଡିଶା” ! tennis

ପଢନ୍ତୁ;

ଆଇପିଏଲ୍‌ ୨୦୧୮ : କିଙ୍ଗସ୍‌ ଏକାଦଶ ପଞ୍ଜାବର ଅଧିନାୟକ ଅଶ୍ୱିନ

Related posts

ମୁଖ୍ୟମନ୍ତ୍ରୀଙ୍କ ପୁରସ୍କାର ଘୋଷଣା:ଦୂତି ପାଇବେ ଦେଢ କୋଟି

ENO Beuro

୬୦ ରନ୍ ରେ ହାରିଲା ଭାରତ,ଇଂଲଣ୍ଡର ସିରିଜ ବିଜୟ

ENO Beuro

ଓ୍ବେଷ୍ଟଇଣ୍ଡିଜ ବିପକ୍ଷରେ କୋହଲିଙ୍କୁ ବିଶ୍ରାମ,ବାଦ୍ ପଡିଲେ ଧୋନି

ENO Beuro

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More