27 C
Bhubaneswar
May 5, 2021
EnewsOdia.Com
ନ୍ୟୁଜ୍

OTET ଅନିୟମିତତାକୁ ନେଇ ତେଜିଲେ ଛାତ୍ରଛାତ୍ରୀ

OTET ପରୀକ୍ଷାରେ ଅନିୟମିତତା ନେଇ ଓଡ଼ିଶା ମାଧ୍ୟମିକ ଶିକ୍ଷା ପରିଷଦ କାର୍ଯ୍ୟାଳୟ ଘେରାଉ କଲେ  ଛାତ୍ରଛାତ୍ରୀ । ଭୁଲ ପ୍ରଶ୍ନ ପତ୍ର ପାଇଁ ଛାତ୍ରଛାତ୍ରୀ ଅସନ୍ତୁଷ୍ଟ ହୋଇ ଘେରାଉ କରିଛନ୍ତି । ଏନେଇ ଛାତ୍ରଛାତ୍ରୀଙ୍କ ସମର୍ଥନରେ ଆଗକୁ ଆସିଛି ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି) । ସେମାନଙ୍କର ଦାବି ଛାତ୍ରଛାତ୍ରୀମାନଙ୍କୁ  ଗ୍ରେସ୍‌ ମାର୍କ ଦିଆଯାଉ ।  ରାଜ୍ୟରେ ଶିକ୍ଷା ବ୍ୟବସ୍ଥା ଏକ ପ୍ରକାର ନିମ୍ନଗାମୀ ହେବାକୁ ବସିଲାଣି । ଜିରୋ ଏଫ୍‌ର କଥା କହୁଥିବା ରାଜ୍ୟ ସରକାର ବିଭିନ୍ନ ପରୀକ୍ଷାରେ ଅନିୟମିତତା ରୋକିବାରେ ବିଫଳ ହେଉଥିବା ଦେଖିବାକୁ ମିଳିଛି । ଓଟିଇଟି ପ୍ରଶ୍ନପତ୍ରରେ ତ୍ରୁଟିକୁ ନେଇ ଛାତ୍ରାଛାତ୍ରୀଙ୍କ ମନରେ ଅସନ୍ତୋଷ ଥିବା ବେଳେ କେହି କେହି ରାଜ୍ୟ ସରକାରଙ୍କ ପାରିବା ପଣିଆ ଉପରେ ପ୍ରଶ୍ନ କଲେଣି ।

ଓଟିଇଟିରେ ଧାର୍ଯ୍ୟ ପାସ୍‌ ମାର୍କ ଠାରୁ ଅନେକ ପିଲା ଶିକ୍ଷା ବ୍ୟବସ୍ଥାର ତ୍ରୁଟି ପାଇଁ କେବଳ ଗୋଟିଏ ମାର୍କ ପାଇଁ ଅକୃତକାର୍ଯ୍ୟ ହେବାକୁ ବାଧ୍ୟ ହୋଇଛନ୍ତି । ଯଦି ରାଜ୍ୟର 26 ନମ୍ବର ରାଜ୍ୟପାଳ ନବୀନ ପଟ୍ଟନାୟକ ବୋଲି ଓଟିଇଟି ପ୍ରଶ୍ନର ଉତ୍ତର ହୁଏ, ତେବେ ଛାତ୍ରଛାତ୍ରୀ କରିବେ ବା କଣ ? ଓଟିଇଟିର ପ୍ରଶ୍ନପତ୍ର ଏବଂ ଉତ୍ତରକୁ ଦେଖିଲେ ଏମିତି ମନେ ହେଉଛି ଯେପରି ରାଜ୍ୟ ସରକାର ପିଲାଙ୍କ ଦକ୍ଷତା ମାପିବାକୁ ନୁହେଁ ବରଂ ସେମାନଙ୍କୁ ବୋକା ବନାଇବାକୁ ଚାହୁଁଛନ୍ତି । ତେବେ ଏନେଇ ଛାତ୍ରଛାତ୍ରୀଙ୍କ ମନରେ ଅସନ୍ତୋଷ ଜାତ ହେବା ସ୍ୱାଭାବିକ୍‌ । କେବଳ ଓଟିଇଟି ନୁହେଁ ଓପିଏସି ପରୀକ୍ଷାରେ ବି ଅନିୟମିତତାର ଅଭିଯୋଗ ବହୁ ସମୟରେ ସାମ୍ନାକୁ ଆସୁଛି । ତେବେ ଏହି ସବୁ ପ୍ରସଙ୍ଗକୁ ରାଜ୍ୟ ସରକାର କେବେ ଗୁରୁତର ସହ ନେଇ ସମାଧାନ କରୁଛନ୍ତି ତାହା ଦେଖିବାକୁ ବାକି ରହିଲା ।

ପଢନ୍ତୁ: ମୋଦି ଲେଖିଲେ କବିତା, ହେ ସା‌ଗର!!! ତୁମ୍‌ହେ ମେରା ପ୍ରଣାମ!

Related posts

ନୋଟରେ ରହିବ ଓଡିଆଙ୍କ ସ୍ୱାକ୍ଷର

Ratnamani Maharana

୨୦୨୦ କଲେଜ କ୍ୟାଲେଣ୍ଡରରେ ୭୨ଦିନ ଛୁଟି

Ratnamani Maharana

ଅଯୋଧ୍ୟା ଟ୍ରଷ୍ଟ୍‌କୁ ୧ ଟଙ୍କା ଦେଲେ ସରକାର

Ratnamani Maharana

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More