English
୩ ମାସ ବଢିଲା ମାଗଣାରେ ଆଧାର ବିବରଣୀ ଅପ୍ଡେଟ୍
ଯେଉଁମାନଙ୍କ ପାଖରେ ୧୦ ବର୍ଷରୁ ଅଧିକ ପୁରୁଣା ଆଧାର କାର୍ଡ ରହିଛି ତାହାର ବିବରଣୀକୁ ଅପ୍ଡେଟ୍ କରାଇବା ଲାଗି ୟୁଆଇଡିଏଆଇ ପକ୍ଷରୁ ଲୋକମାନଙ୍କୁ ଆହ୍ବାନ ଦିଆଯାଇଛି।
ବଲିଉଡ କ୍ୟୁଟ ଅଭିନେତ୍ରୀ ପରିଣୀତି ଚୋପ୍ରା ତାଙ୍କ ଲଭ ଲାଇଫ୍କୁ ନେଇ ଆଜିକାଲି ହେଡଲାଇନରେ ଅଛନ୍ତି। ଗଣମାଧ୍ୟମ ରିପୋର୍ଟରେ ଦାବି କରାଯାଇଛି ଯେ ପରିଣୀତି ଆପ୍ ନେତା ରାଘବ ଚଡ୍ଡାଙ୍କ ସହ ସମ୍ପର୍କ ରଖିଛନ୍ତି ଏବଂ ଶୀଘ୍ର ବିବାହ କରିପାରନ୍ତି। ଇତିମଧ୍ୟରେ ଚର୍ଚ୍ଚା ହେଉଛି ଯେ ଏହି ଯୋଡି ନିର୍ବନ୍ଧ ମଧ୍ୟ କରିସାରିଛନ୍ତି। ତେବେ ଏପର୍ଯ୍ୟନ୍ତ ଏହି ରିପୋର୍ଟଗୁଡିକ ଉପରେ ପରିଣୀତି କିମ୍ବା ରାଘବଙ୍କ ମଧ୍ୟରୁ କୌଣସି ପ୍ରତିକ୍ରିୟା ମିଳିନାହିଁ।
ନିକଟରେ ପରିଣୀତିଙ୍କ ଆଙ୍ଗୁଠିରେ ନିର୍ବନ୍ଧର ମୁଦି ଦେଖିବାକୁ ମିଳିଥିଲା। ବର୍ତ୍ତମାନ ଉଭୟଙ୍କ ରୋକା ସେରେମୋନି ସମ୍ବନ୍ଧୀୟ ସୂଚନା ଗଣମାଧ୍ୟମ ରିପୋର୍ଟରେ ସାମ୍ନାକୁ ଆସିଛି।
କୁହାଯାଉଛି ଯେ ଦୁହେଁ ବ୍ୟକ୍ତିଗତ ଇଭେଣ୍ଟରେ ନିଜ ପରିବାର ସଦସ୍ୟ ଏବଂ ଘନିଷ୍ଠ ବନ୍ଧୁଙ୍କ ସହ ନିର୍ବନ୍ଧରେ ଆବଦ୍ଧ ହୋଇଛନ୍ତି ଏବଂ ସେମାନଙ୍କର ବିବାହ ତାରିଖ ମଧ୍ୟ ଘୋଷଣା କରାଯାଇଛି। ଉଭୟଙ୍କ ବ୍ୟସ୍ତବହୁଳ କାର୍ଯ୍ୟସୂଚୀକୁ ଦୃଷ୍ଟିରେ ରଖି ଏହି ବିବାହ ତାରିଖ ରଖାଯାଇଛି। କୋଏମୋଇରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ପରିଣୀତି ଏବଂ ରାଘବ ଅକ୍ଟୋବର ମାସରେ ବିବାହ ବନ୍ଧନରେ ଆବଦ୍ଧ ହେବେ।
