News

କେନ୍ଦ୍ର ସରକାରଙ୍କ ନୂଆ ନିୟମ : ପାସପୋର୍ଟ ଦିଅ , ଋଣ ନିଅ

ଋଣ ପାଇଁ ନୂଆ ନିୟମ

ଏଣିକି ଋଣ ନେବାକୁ ହେଲେ ଦେବାକୁ ପଡିବ ପାସପୋର୍ଟ ତଥ୍ୟ । ଦେଶରେ ଗୋଟିଏ ପରେ ଗୋଟିଏ ଘୋଟାଲା ସାମ୍ନାକୁ ଆସୁଥିବା ବେଳେ କେନ୍ଦ୍ର ସରକାର ଏଭଳି ଏକ ନିଷ୍ପତ୍ତି ନେଇଛନ୍ତି । ୫୦ କୋଟିରୁ ଉଦ୍ଧ୍ୱର୍ ଋଣ ନେଉଥିବା ବ୍ୟକ୍ତିଙ୍କୁ ଏଣିକି ନିଜ ପାସପୋର୍ଟର ବିଶଦ ତଥ୍ୟ ବ୍ୟାଙ୍କ ଅଧିକାରୀଙ୍କ ନିକଟରେ ଜମା କରିବାକୁ ପଡିବ ।

ପାସପୋର୍ଟ ତଥ୍ୟ ବ୍ୟାଙ୍କ ଅଧିକାରୀଙ୍କ ନିକଟରେ ରହିବା ଫଳରେ, ଯେଉଁମାନେ ଠକିବାର ମନୋବୃତ୍ତି ରଖୁଛନ୍ତି ସେମାନଙ୍କ ବାବଦରେ ବିଭିନ୍ନ ସଂସ୍ଥା ଅବଗତ ରହିପାରିବେ । ଦେଶ ଛାଡି ଯିବା ଆଗରୁ ସେମାନଙ୍କୁ ରୋକାଯାଇ ପାରିବ । ଆର୍ଥିକ ସେବା ସଚିବ ରାଜୀବ କୁମାର ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ।

ସମସ୍ତ ରାଷ୍ଟ୍ରାୟତ୍ତ ବ୍ୟାଙ୍କକୁ ନିର୍ଦ୍ଦେଶ ଦେଇ କେନ୍ଦ୍ର ଅର୍ଥ ମନ୍ତ୍ରଣାଳୟ କହିଥିଲା, ୫୦ କୋଟିରୁ ଅଧିକ ଟଙ୍କାର ଥିବା ଏନପିଏ ଆକାଉଂଟ ବାବଦରେ ଯାଂଚ କରି ଠକିଥିବା ବ୍ୟକ୍ତିମାନଙ୍କ ବାବଦରେ ସିବିଆକୁ ଅବଗତ କରାଯାଉ । ସେହିଭଳି ୨୫୦ କୋଟିରୁ ଅଧିକ ଟଙ୍କ ଋଣ ନେଇଥିବା ସଂସ୍ଥା ଗୁଡିକର କାର୍ଯ୍ୟକଳାପ ଉପରେ ନଜର ରଖାଯାଉ ।

ନୀରବ ମୋଦି, ମେହୁଲ ଚୋକସି, ବିଜଲ୍ୟ ମାଲ୍ୟାଙ୍କ ଭଳି ବ୍ୟକ୍ତି ଋଣ ନେଇ ପରିଶୋଧ କରିବା ବଦଳରେ ଦେଶ ଛାଡି ଚାଲିଯିବାରେ ସମର୍ଥ ହୋଇଥିଲେ । ଯାହାକୁ ନେଇ କେନ୍ଦ୍ର ସରକାର ବଦନାମୀର ଶିକାର ହୋଇଥିଲେ । ନୀରବ ମୋଦି ଓ ମେହୁଲ ଚୋକସୀ ପଂଜାବ ନ୍ୟାସନାଲ ବ୍ୟାଙ୍କରୁ ଠକେଇ କରି ୧୨ ହଜାର ୭୦୦ କୋଟିର ଋଣ ନେଇ ଦେଶ ଛାଡି ଚାଲି ଯାଇଥିଲେ ।

ସେମାନଙ୍କୁ ରୋକିବାକୁ ଏହି ପଦକ୍ଷେପ ଗ୍ରହଣ କରାଯାଉଥିବା କୁହାଯାଉଛି । ଋଣ ଆବେଦନ କରିବାର ୪୫ ଦିନ ଭିତରେ ପାସପୋର୍ଟ ବାବଦ ତଥ୍ୟ ବ୍ୟାଙ୍କ ଅଧିକାରୀଙ୍କୁ ହାସଲ କରିବାକୁ ପଡିବ।

କେନ୍ଦ୍ର ସରକାରଙ୍କ ନୂଆ ନିୟମ : ପାସପୋର୍ଟ ଦିଅ , ଋଣ ନିଅ pass port

ପଢନ୍ତୁ ;

ଝିଅମାନେ କ’ଣ ପାଇଁ ଗୋଡରେ କଳା ସୂତା ପିନ୍ଧନ୍ତି ଜାଣନ୍ତୁ

Related posts

ବାଲେଶ୍ୱରରେ ଦୁର୍ଘଟଣା: ମାଛ ବୋଝେଇ ଟ୍ରକ୍‌କୁ ପଛରୁ ଧକ୍କା ଦେଲା ବସ, ଡ୍ରାଇଭର ମୃତ!

ENO Beuro

ମାନବ ସମ୍ବଳ ବିକାଶ ମନ୍ତ୍ରଣାଳୟ ରାଙ୍କିଙ୍ଗ:ଆଇଆଇଏସସି ଦେଶର ସର୍ବଶ୍ରେଷ୍ଠ ଶିକ୍ଷାନୁଷ୍ଠାନ

ENO Beuro

ମା’ ଓ ଶିଶୁ ଉପରେ ଚଢ଼ିଗଲା ଟ୍ରେନ୍‌ କିନ୍ତୁ ପରବର୍ତ୍ତୀ ମୁହୂର୍ତ୍ତରେ ଏକ ଅଦ୍ଭୁତ ଓ ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳିଥିଲା

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More