News

ପାଟଣାଗଡ ବିସ୍ଫୋରଣ ମାମଲା : ପାର୍ସଲ ବୋମା ପଠାଇଥିଲେ ଜଣେ ଓଡ଼ିଆ

ଏସ୍‍ଆଇଟି ତଦନ୍ତ ତନାଘନା

ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ଘଟଣାର ସୁରାକ କ୍ରାଇମବ୍ରାଞ୍ଚ ହାତରେ ଲାଗିଛି । ମାମଲାର ତଦନ୍ତ ପାଇଁ ଗଠିତ ସ୍ବତନ୍ତ ତଦନ୍ତକାରୀ ଦଳ (ଏସ୍‌ଆଇଟି) ମଙ୍ଗଳବାର ଖିଅ ଖୋଜିଖୋଜି ରାୟପୁରରେ ପହଞ୍ଚିଛି । ଉପହାର ବୋମା ଆସିଥିବା ସ୍କାଏକିଙ୍ଗ୍‌ କୋରିଅର ସଂସ୍ଥାର ମାଲିକଙ୍କ ସମେତ କର୍ମଚାରୀମାନଙ୍କୁ ତଦନ୍ତକାରୀ ଟିମ୍‌ ପଚରାଉଚରା କରିଛି ।

ପାର୍ସଲ ପଠାଇଥିବା ବ୍ୟକ୍ତି ଜଣେ ଓଡ଼ିଆ ବୋଲି କ୍ରାଇମବ୍ରାଞ୍ଚ ଟିମ୍‌ ଜାଣିବାକୁ ପାଇଛି । ଉକ୍ତ ବ୍ୟକ୍ତି ଜଣକ ଓଡ଼ିଆ ଓ ହିନ୍ଦୀରେ କଥାବାର୍ତ୍ତା କରିପାରନ୍ତି । ପ୍ରଥମେ ସମ୍ପୃକ୍ତ ବ୍ୟକ୍ତି ରାୟପୁରର ଡିଆଇଡିସି ନାମକ କୋରିୟର ସଂସ୍ଥାକୁ ପାର୍ସଲ ପଠାଇବା ନିମନ୍ତେ ଯାଇଥିଲେ । ମାତ୍ର ଡିଆଇଡିସି ଏଥିନିମନ୍ତେ ୧୦ଦିନ ସମୟ ମାଗିବାରୁ ପ୍ରେରକ ଜଣକ ସ୍କାଏକିଂ ଜରିଆରେ ଏହାକୁ ପଠାଇଥିଲେ ।

ତେବେ ପ୍ରେରକ ଜଣକ କିଏ ଏବଂ ତାଙ୍କର ମୃତ ସୌମ୍ୟଶେଖର ସାହୁ ଓ ଆହତ ହୋଇଥିବା ତାଙ୍କ ସ୍ତ୍ରୀ ରୀମାଙ୍କ ସହିତ କ’ଣ ସମ୍ପର୍କ ରହିଛି ସେ ନେଇ ଏସ୍‌ଆଇଟି ଜୋର୍‌ଦାର ଖୋଳତାଡ଼ ଆରମ୍ଭ କରିଛି । ଶୀଘ୍ର ଉକ୍ତ ଘଟଣାର ରହସ୍ୟ ପଦାକୁ ଆସିବ ବୋଲି ଏସ୍‌ଆଇଟିର ଜଣେ ଅଧିକାରୀ ସୂଚନା ଦେଇଛନ୍ତି ।

ଏ ନେଇ ଏସ୍‍ଆଇଟି ସଂପୃକ୍ତ କୋରିଅର୍‍ ସଂସ୍ଥାକୁ ପଚରା ଉଚୁରା କରୁଛି । ଏପରିକି ସେଠାକାର ସ୍କାଏକିଙ୍ଗ କୋରିଅର୍‍ର ସିସିଟିଭି ପୁଟେଜ ଯାଞ୍ଚ କରିଥିବା ଜଣାପଡିଛି ।

ଅନ୍ୟ ପକ୍ଷରେ ମଙ୍ଗଳବାର ସକାଳେ ମୃତ ସୌମ୍ୟଙ୍କ ବାପା ରବୀନ୍ଦ୍ର ସାହୁ ଓ ମାଆ ସଂଯୁକ୍ତାଙ୍କୁ ପୁଣି ଥରେ ଏସ୍‍ଆଇଟି ଡାକି ପଚରାଉଚୁରା କରିଥିଲା । ତେବେ ସନ୍ଧ୍ୟାରେ ଅନ୍ୟ ୪ ଜଣଙ୍କ ସହ ରବୀନ୍ଦ୍ରଙ୍କୁ ମଧ୍ୟ ପୁନଃ ଡାକି ପଚରାଉଚୁରା କରିଥିବା ଖବର ମିଳିଛି । ରବୀନ୍ଦ୍ର ଅଳ୍ପ ସମୟ ପରେ ଡାକବଙ୍ଗଳାରୁ ଚାଲିଯାଇଥିବା ବେଳେ ଅଜଣା ଥିବା ୪ ଯୁବକଙ୍କୁ ବିଳମ୍ବିତ ରାତି ପର୍ଯ୍ୟନ୍ତ ପୁଲିସ୍‍ ଜେରା କରୁଥିବା ଜଣାପଡିଛି ।

ଅନ୍ୟପକ୍ଷରେ କ୍ରାଇମବ୍ରାଞ୍ଚ ତଦନ୍ତକୁ ନେଇ ବହୁ ସନ୍ଦେହ ସୃଷ୍ଟି ହୋଇଛି । ବଲାଙ୍ଗିର ପୁଲିସ୍‍ ଯେଉଁ ଧରାରେ ତଦନ୍ତ କରି ବିଫଳ ହୋଇଥିଲା, ସେହି ଧାରାରେ ଏସ୍‍ଆଇଟି ନିଜର ତଦନ୍ତ ଜାରି ରଖିଛି ।

ପଢନ୍ତୁ ;

୨୦୦ ଟଙ୍କାରେ ମିଳୁଛି ଜାଲ ଆଧାର , ଜାଣନ୍ତୁ କେମିତି ହେଲା ପର୍ଦ୍ଦାଫାସ୍‌

Related posts

ଇଦ୍‌ ଅବସରରେ ନମାଜ ପଢ଼ୁଥିବା ବେଳେ ଚଢ଼ିଗଲା କାର୍‌

Ratnamani Moharana

ଆଜି ଠାରୁ ସୁପ୍ରିମକୋର୍ଟରେ ହେବ ଅଯୋଧ୍ୟା ବିବାଦୀୟ ଢ଼ାଞ୍ଚା ପ୍ରସଙ୍ଗରେ ନିୟମିତ ଶୁଣାଣି

ENO Beuro

ମଝି ଆକାଶରେ ୨୦ ମିନିଟ୍‌ର ଆତଙ୍କ : ମହିଳା ପାଇଲଟଙ୍କ ଯୋଗୁ ବଞ୍ଚିଲା ୧୪୮ ଜୀବନ

ENO Beuro

2 comments

Leave a Comment